Hvìlipìyà 1:27 - Mokpwe: Bakwery (New Testament)

²⁷ O nàŋgɛ, ɛ̀ɛ̀mɛ̀ ya anyu e àŋgàmɛ̀nɛ̀ ndi lì hwɛ na oma Krirztò o ŋmɛ̀ndì mò gbamù mo eni a ohwi. Ène eyà e gbeyà nanù ema tɔ̀ imba na jà o lì e ɛnɛ tɔ̀ na rzi e ɛnɛ, na hwiya nanù ema inyɔ e tɛmi gbamù nàa mòtò mɔ̀kɔ, ndèŋgànɛ̀lɛ̀ e hwɛni hvɛ ndi mɔ̀ŋgɛ̀lɛ mɔ̀kɔ o lì ana lì kombɛ mamɛ ema inyɔ e lòkɛ̀.

Hvìlipìyà 1:27 Mawu Ofanana

Matiyò 12:25

Yerzù à mà hwiya mɔ̀ŋgɛ̀lɛ̀ ma awu, rzìi a hwa òhweyà nanù ema, “Tɔ̀ ima èkòmè ema e akahwanɛ ema e rzà òhwa eyà yɔ̀kɔ, e hwenì ndi lì hvaŋgeyà. Ndèŋgànà tɔ̀ ima mbòwà, tɔ̀ lìtumba ema lì akahwanɛ lɔ̀ lìti, ndèŋgànà hwatò hwa rza ahweyànɛlɛ lì rza tànɛyi lì tɛ̀mɛ̀.

Hwègbèèlì 2:46

Wùnyà tɛ wɔ̀ hwa mà hwɛ lì tàneyà ò Ndawò yà Lohwà ò lì kanɛ̀. Wɔ̀ hwa mà làlɛnɛ̀ ò màndawò mà awu nà mɔ̀nyɛ̀ŋgì mò arzɛ nà ŋmèma mɔ̀kɔ.

Hwègbèèlì 24:24

O mburzà ŋgùrzu ja mèenyà Hvɛlìkrzi e mòkànèlì e ma jà na e jòjìyɛ̀ wa eni Drùrzìlà. Drùrzìlà à mà hwɛ ndi mòlanà wa wònyà Yudà. Hvɛlìkrzi à mà yòhwɛ Pàwolò nanù ema a jèe, e hvònda ema à mà jèe, hwà mà hwɛ lì mò òkànèyà na òma a òhwa lì hvòmɛ̀nɛ̀ lì lòkɛ̀ ò ma Yerzù Krirztò.

Hwègbèèlì 4:32

Hwàlòkèlì hwa arzɛ hwà mà òhva ŋmèma nà màlùtèyà mɔ̀kɔ. Tɔ̀ mɔ̀kɔ wa awu a rza òhwe nanù ema lìrzaŋgò la ami lì hwèlì ndi e la ami, ndi wɔ̀ hwà mà akahwanɛ mamɛ ema hwà mà òhve.

Ròmànì 1:16

Imba nà rza òka ìrzɔnì ò lì òhwa Ŋmɛ̀ndì mò Gbamù, èhwanja mɔ̀ ndi mò hwèlì màyìmbì mà ama Lohwɛ̀ ema mò mà jànà lì rzùŋgàhwa ò hwatò hwa arzɛ ema hwa mò lòkɛ̀ lìwòteyà ò hwaŋga hwatò ema hwa hwèlì wònyà Yudà nà hwaŋga ema hwa rza enje wònyà Yudà.

Ròmànì 1:5

O lì akeyà nà lìinà là eni ɔ̀ndeŋgàtɛ̀ Lohwɛ̀ à nò ŋgbelì è ndèli yà eni ema nà hwɛ è àpɔ̀rzìtòlò, aŋga nanù hwatò ema hwa rza enje wònyà Yudà hwa ò lòkɛ̀ nà lì hweyàna Krirztò. Ène è gbeyà lìinà là eni lì hwɛnɛ èluhwe.

Ròmànì 1:9

Lohwɛ̀ ema nà gbèeyà nà ŋmèma mɔ̀kɔ ò lì òhwa Ŋmɛ̀ndì mò Gbamù mò ama è Ŋmanà wà eni, mɔ̀ ndi à hwèlì è mbòŋgi yà ami nanù ema nà è ɔ̀ŋgɛ̀lɛ,

Ròmànì 10:8

Mamɛ ema e kààtì ya Lohwà e òhwi, e hwèlì ndi nanù ema, “Ŋmɛ̀ndì mò ama Lohwɛ̀ mò ò kòmbɛnɛyi. O wa ò hwèlì ò mò òhwa ndèŋgànà mò hwèlì ndi ò ŋmèma mò aŋgɔ̀.” Mòŋgò ŋmɛ̀ndì mòŋgò ema irzɔ jò òhwa nanù ema e hwɛni lì hwɛnɛ lì lòkɛ̀.

Ròmànì 15:16

Lohwɛ̀ à mà nò ŋgba e ndèli ya eni ò lì hwɛ e mògbèèlì wa ama Yerzù Krirztò, ò lì òhweyà hwatò ema hwa rza enje wònyà Yudà, ŋmɛ̀ndì mò gbamù. Nà gbèeyà ndi ene èwòlò nàa pìlìrzì ò lì òhwa Ŋmɛ̀ndì mò Gbamù ema mò uwɛ̀lɛ̀lɛ̀yi ò ma Lohwɛ̀, aŋga nanù hwatò ema hwa rza enje wònyà Yudà hwa ò hwɛ ndi nàa jàhwèyà ema nà mà ŋgbɛ ema je imayɛnɛhwɛ na Lohwɛ̀. Lohwɛ̀ a ò hwe emeyà èhwanja Èlìŋgɛ̀ yà Wòtani e ma hwa gbeyà ema hwa emàyɛ̀lɛ̀hwɛ̀ ò wòrzò wò ama Lohwɛ̀.

Ròmànì 15:29

Nà hwi nanù ema na jelì tɛ, hwejèelì hwe ami hwe gbeyà e ò luwa mònàmɛ̀ mò ama Krirztò ema mò òndi.

1 Kɔ̀rintìyà 1:10

Wònyamòwè kòkò, nà è atɛkɛ ò lìnà là ama Rzàŋgo wà arzu Yerzù Krirztò, inyɔ hwa arzɛ, è ohwe ndi eyà yɔ̀kɔ, aŋga nanù ò rza hwɛ tɔ̀ mbùnakɛ̀ tɔ̀ hvɔ̀kɔ ò ìtììtènì jà anyu. È hwɛnɛ lì ahvìyànɛ̀ ema lì ondi nà lì lùtèyà, nà etɔ̀ti yɔ̀kɔ, ò mamɛ yà arzɛ ema yà rza lì gbeyà.

1 Kɔ̀rintìyà 15:58

O èŋgànɛ̀lɛ̀ ìi wònyamòwè kòkò, e tɛ̀mɛ̀ gbamù, e rza anyìŋgìrzɛ̀nɛ̀. È hwɛ ndi o lì gbèeyà Rzàŋgo. È hwi nanù ema èwòlò ema e gbèeyà Rzàŋgo tɔ̀ yɔ̀kɔ e rza hwɛ ya ŋgundu.

2 Kɔ̀rintìyà 13:11

O lì umba ene kààtì, wònyamòwè kòkò, e oke mɔ̀nyɛ̀ŋgì. Nà e ohweyà ndi nanù ema e tikowe, ɛ̀ɛ̀mɛ̀ ya anyu e hwɛni lì lɔ̀wu, na arza nanù ema e òkànèyà mayowà mà ami. È hwɛnɛ ndi lì lùtèyà lɔ̀kɔ. È hwɛ o ɛ̀yɔ̀lɛ̀ mɔ̀kɔ na ɔ̀nɛyi. È gbèyi tɛ hwene hweyà hwe arzɛ, Lohwɛ̀ ema a e gbèyi ema e alìŋgànɛ na lì hwɛ o ɛ̀yɔ̀lɛ̀ mɔ̀kɔ na ɔ̀nɛyi, a o e nàmìrzɛ̀.

2 Kɔ̀rintìyà 4:4

Mòkarzɛ̀, e mòkànèlì wa ene rze mɔ̀ ndi à kànèyà màlùtèyà ma hwatò ema hwa rza lòkɛ̀yì Krirztò. Wɔ̀ hwa rza tànɛyi lì rzɔ̀ŋgìtɛ̀nɛ̀ nanù ema ŋmɛ̀ndì mò gbamù e uŋmɛ̀lɛ̀ nɛ Krirztò a hwɛni wòlìto. Krirztò mɔ̀ ŋmìti a hwèlì ndi nàa Lohwɛ̀.

2 Kɔ̀rintìyà 9:13

Hweya ema ene èwòlò ema e gbeyà, hwe o wuluhwa o mote, hwe gbeyà hwatò rzayi-rzayi o lì ŋgba Lohwà èluhwe, èhwanja inyɔ e hwèlì ndi o lì gbeyà na oma ŋmɛ̀ndì mò ama Krirztò mo òhwi. Inyɔ e hwɛnì rzɔ o lì uŋmɛ̀lɛ̀ mono ŋmèma mo gbamù o hwatò hwa Lohwà ema hwa hwèlì o Jèrurzalɛ̀mù, ndèŋgànɛlɛ o lì mo uŋmɛ̀lɛ̀ hvɛ o hwahvɛhvɛ hwatò hwa Lohwà.

Gàletìyà 1:7

O tɛ̀ɛ̀tɛ̀ɛ o rza enje mohvɛhvɛ ŋmɛ̀ndì mò gbamù. Ndi imba na ohwa ndi nanù èhwanja o hwèlì lòŋgo la hwatò ema hwa e emirzɛ. Hwa arza lì keka o lì tikowa Ŋmɛ̀ndì mò Gbamù mò ama Yerzù Krirztò.

Ɛ̀hvìrzìyà 1:13

Inyɔ hvɛ è mà hweyà ŋmɛ̀ndì mò jɔ̀kɛ̀. Mòŋgo ŋmɛ̀ndì mò jɔ̀kɛ̀ mɔ̀ ndi mò hwèlì Ŋmɛ̀ndì mò Gbamù ema mò è jànelì lì kɔ̀tɔ̀wɔ̀. Inyɔ è lòkɛ̀ Yerzù ndèŋgànà è ma hwɛ ndi mòtò mɔ̀kɔ nà mɔ̀. Ène eyà è mà gbeyà Lohwɛ̀ à mà è ŋgbà Èlìŋgɛ̀ yà Wòtani ema à mà ohwe nanù ema à ŋgba hwatò hwa eni. Èŋge Èlìŋgɛ̀ yà Wòtani è hwèlì ndi nàa embànèlì ema è uŋmɛ̀lɛ̀ nanù ema inyɔ è hwèlì ndi hwatò hwa ama Lohwɛ̀.

Ɛ̀hvìrzìyà 1:15

Ò lìni lìtiŋgà nà mà hweyà nanù ema è lòkɛ̀ Rzàŋgo Yerzù Krirztò nà lì lìŋgàna hwatò hwa arzɛ hwa ama Lohwɛ̀. Ò èŋgànɛ̀lɛ rzɔ,

Ɛ̀hvìrzìyà 4:1

O èŋgànɛ̀lɛ̀ rzɔ imba ema na hwèlì ndi nàa mòtò wa hwèwòwà èhwanja o nyòla èwòlò ema na gbèeya Rzàŋgo, nà è rzòrzòmèyà nanù ema hwɛ̀ɛ̀mɛ̀ hwe anyu hwe hwɛ ndi na oma Lohwɛ̀ a arza, na oma Lohwɛ̀ à mà e hwɛlɛ à mà e lìya.

Hvìlipìyà 1:5

Nà ŋgbà jèka tɔ̀ ima hvonda ò nyòla jòòŋgwànɛ̀ ema è nò ŋgba ò lì ohwa ŋmɛ̀ndì mò gbamù, lì wòteyà è hvonda ema è mà mò hwèye, rzi è mò lòkɛ̀, nàtɛ̀ɛ nà naŋgɛ.

Hvìlipìyà 2:12

O eŋgànɛlɛ rzɔ, ìi wònyàmòwe kòkò, na oma e ma hwɛ lì gbeyà hweyà ema Lohwɛ̀ à mà ohwe nanù ema e gbeye e hvonda ema nà mà hwɛ na inyɔ, e o lɔ̀wu nanù ema e gbeye mamɛ ema a ohwi nanù ema e gbeye, nàŋgɛ ema imba na rza enje hvɛ na inyɔ. È àŋgàmɛ̀nɛ̀yi lì hwɛnɛ wɔ̀ŋgɔ̀ wo ama Lohwɛ̀ o mèèmà me anyu na o lì arzihwirzɛ inyɔ hwiti o worzo wo ama Lohwɛ̀. È keke o lì gbeyà hweyà ema Lohwɛ̀ a arza nanù ema e gbeye aŋga nanù lì kɔ̀tɔ̀wɔ̀ ema e o luwɛ e o ondìrzɛ̀hwɛ.

Hvìlipìyà 2:24

Nà lòkɛ̀yì nanù ema e Rzàŋgo e o emeyà nanù ema imba hvɛ na o ehvɛhvɛ ŋmanà mbɔ.

Hvìlipìyà 3:18

Nà oma na yɔki lì e ohweyà, o naŋgɛ nanù na e ohweyà hvɛ na mìirzɔ̀lì, lì hvomɛ̀nɛ rzayi-rzayi ja hwatò ema ɛ̀ɛ̀mɛ̀ ya awu e uŋmɛ̀lɛ̀ ndi nanù ema hwa hwèlì ndi hwàkɔ̀yèlì lì hvomɛ̀nɛ̀ ŋmɛ̀ndì ema mo ohwa nanù ema Krirztò à mà ŋwèeyà o mbàrza.

Hvìlipìyà 3:20

Ndi o irzɔ, i hwèlì ndi hwatò ema e mbowà ya awu e hwe ndi o ŋmanyu yà lohwà. Ndeŋgànɛ̀lɛ̀ ja ambɛlɛlɛ e Mòrzùŋgèlì hwa arzu, Rzàŋgo Yerzù Krirztò nanù ema mɔ̀ à anjiye o ŋmanyu yà lohwà a timbe o rze ya mɔ̀nyɛ̀.

Hvìlipìyà 4:1

O eŋgànɛ̀lɛ̀ rzɔ wònyàmòwe kòkò, inyɔ ema na lìŋgàni na lì okeya o lì ɛnɛ, inyɔ ndi e hwèlì màlìŋgo na iitàŋgi ja ami o nyòla èwòlò ema imba nà mà gbeyɛ. Imbunda ja ami kòkò, o lì wowàna hweyà hwe arzɛ ema nà mà e ohweyà, e tɛmeya lìlòkɛ̀ la anyu o ma e Rzàŋgo kɔ̀yi-kɔ̀yi.

Kòlòrzìyà 1:10

Èŋge eyà è gbeyà mòŋgɛ mà anyu, mà hwɛ ndi nà oma lòŋgɛ là hwatò hwa ama Lohwɛ̀ là àŋgàmɛ̀nɛ̀yi lì hwɛ. È ò gbeyà ndi hweyà ema hwe ò mò lìŋgirzɛ. Hweyà hwe gbamù nà gbamù mɛnɛ ndi inyɔ è ò gbeyɛ. Lì rzɔ̀ŋgìtɛ̀nɛ̀ là anyu là ama Lohwɛ̀ lì ò ahwàtɛ ndi nanù mɛnɛ.

Kòlòrzìyà 1:4

Irzɔ jè èka Lohwɛ̀ ehwànja, irzɔ i mà hweyà lì hvomɛ̀nɛ̀ lìlòkɛ̀ là anyu là ama Yerzù Krirztò. Nà è ndìŋgɛ yà anyu ema è hwɛ̀nèlì hwatò hwa arzɛ hwa ama Lohwɛ̀.

1 Tɛ̀rzàlonìyà 3:6

Ndi o nàŋgɛ nanù Tìmòtì ema à mà jà lì ehvɛhvɛ à mà jo timbeya, mɔ̀ à jo jànelì ŋmɛ̀ndì mò gbamù nanù ema, inyɔ e lòkɛ̀ Krirztò nanù mɛnɛ ndèŋgànɛ̀lɛ̀ inyɔ e alìŋgànɛ mɔ̀kɔ na ɔ̀nɛyi nanù mɛnɛ. A ma jo òhweyà hvɛ nanù ema e jo ohvanì mɔ̀ŋgɛ̀lɛ̀ ma gbamù, ndèŋgànɛ̀lɛ̀ e okelì hvɛ o lì jo ɛnɛ nyayi hvɔ̀kɔ mɛnɛ na oma irzɔ hvɛ ja okeya o lì e ɛnɛ.

1 Tɛ̀rzàlonìyà 4:1

Ìi wònyamòwè kòkò, jo òhwa hvɛ nanù ema, i ma e okolɛ nɛ e àŋgàmɛ̀nɛ̀yi lì lìya o lì òkìrzɛ̀ Lohwɛ̀ mɔ̀nyɛ̀ŋgi. Ndeŋgànɛ̀lɛ̀ o jɔ̀kɛ̀ nanù ndi hwèlìyelì hwe anyu hwe hwèlì o nàŋgɛ. O nàŋgɛ nanù, je e akowana, na lì e ohweyà o lìna la ama Rzàŋgo Yerzù nanù ema, e hwɛ ndi o lì lìyàna ene nyayi ya ɛ̀ɛ̀mɛ̀.

1 Tìmotì 1:11

Hwene hwèyòkòlèlì hwe jɔ̀kɛ̀, hwe làti na ŋmɛ̀ndì mò gbamù ema Lohwɛ̀ a no ŋgbelì o lì ohweyà hwatò. Moŋgo ŋmɛ̀ndì mò gbamù mo uwɛ̀lɛ̀lɛ̀yi ndi o ma Lohwɛ̀ ema lì karzami ema hwatò hwa eka.

1 Tìmotì 1:19

Ò lɛ̀mbɛ kɔ̀yi-kɔ̀yi ò lì lòkɛ̀ Krirztò nà lì gbeyà hweyà gbamù nà oma ŋmèma mò aŋgɔ̀ mò òhweyà. Lòŋgo là hwatò hwa rza gbeyà hweyà nà oma mèèmà mè awu mè hwa ohweyà ò lì gbeyà. Ène eyà ema hwa gbeyà ema hwa mà rzɔ̀njɛlɛ lìlòkɛ̀ là awu ndeŋgànɛ̀lɛ̀ hwa rza hwi òne hwa tànɛyi lì ɛndɛ.

2 Tìmotì 4:7

Nàa e mògbèèlì hwa ama Krirztò nà mà ana e njuma gbamù, nà mà kulɛ èwòlò ema Krirztò à mà no ŋgbe ema nà mò gbèeyà. Ndèŋgàna na nɔ̀ŋgɔ lì lòkɛ̀ hwènɔ̀ŋgèlì hwe gbamù.

Tàyìtùrzì 2:10

Hwa rzi keka lì hwa ihwàna, ndi hwa uŋmɛ̀lɛ̀ irzàŋgo ja awu ja èwòlò nanù ema wɔ̀ hwa tànɛ lì lòkɛ̀hwɛ. Wɔ̀ hwa aŋgàmɛ̀nɛ̀yi ndi lì gbèeyà nanù, aŋga nanù tɔ̀ ima eyà ema hwa gbèeyà, e gbeyà hwatò ò lì uŋmɛ̀lɛ̀ èluhwe o mamɛ ema irzɔ jo òkolɛ lì hvomɛ̀nɛ̀ ŋmɛ̀ndì mo ama Lohwɛ̀, e Mòrzùŋgèlì hwa arzu.

Hvìlɛ̀mɔ̀nì 1:5

Nà eka Lohwɛ̀ ehwànja nà hweyà nanù ema ò lìŋgàni hwatò hwa arzɛ hwa ama Lohwɛ̀, ndeŋgànɛlɛ ò mà ika ŋmèma mò aŋgɔ ò mà Rzàŋgo Yerzù Krirztò.

Jèmìrzì 3:18

È hwèlì tɛ nanù ema hwàgbèèlì hwa ɛ̀yɔ̀lɛ̀ hwa gbeyà èwòlò ema e jànà ɛ̀yɔ̀lɛ̀ o ìtììtènì ja hwatò, eŋge e gbeyà hwatò hwa gbeyà hweyà ema Lohwɛ̀ a arza.

2 Pètrò 3:11

Kànàtɛ hwene hwema hwe arzɛ hwe ò hvàŋgahwɛ̀ ndi ò ene ŋgànà, ima lìtumba là hwatò inyɔ è ò hwɛ̀ɛ̀ e? Mòòŋgɛ mà anyu mà àŋgàmɛ̀nɛ̀yi lì hwɛ Wòrzàŋgì ndèŋgànɛ̀lɛ̀ inyɔ hvɛ e hwɛnɛ ɛ̀ɛ̀mɛ̀ hwe hwatò hwa ama Lohwɛ̀.

2 Pètrò 3:14

O eŋgànɛlɛ imbùnda ja ami kòkò, na oma ya ambɛlɛlɛ woŋgo wùnyà, e gbeye gbamù wo anyu o lì hwɛ Wòrzàŋgì ema e rza ohva njɔ̀mi o worzo wa ama Lohwɛ̀. Nà o lì hwɛ hvɛ o ɛ̀yɔ̀lɛ̀ na mɔ̀.

Judɛ 1:3

Imbùnda jà ami kòkò, nà hwèlì nà atàkìrzɛ̀ ò lì è tìleyà lì hvomɛ̀nɛ̀ lì rzùŋgàhwà ema Lohwɛ̀ à mà jò ŋgbɛ ò lì akeyà nà Yerzù Krirztò. Ndi o nàŋgɛ, na ɛnɛ nanù ema o lɔ̀wu nanù ema na e tìleya o lì hvomɛ̀nɛ̀ hwehvɛhvɛ hweyà. Nà e kɔ̀mɛ̀lɛ̀ nanù ema, e a alɛ̀mbɛ̀nɛ na ŋginyà e jɔ̀kɛ̀ ya ŋmɛ̀ndì mò gbamù. Mono ŋmɛ̀ndì mò gbamù mo rza àyèŋgòwɛ̀. Lohwɛ̀ à mà mo ŋgba hwatò hwa eni ŋgelì hvɔ̀kɔ o iŋgèlì ja arzɛ.