Hvìlipìyà 1:17 - Mokpwe: Bakwery (New Testament)

¹⁷ Ndi hwaŋga ema hwa no nòneyà wɔ̀ hwa rza ohwa ŋmɛ̀ndì mò gbamù na mèèmà me gbamù, wɔ̀ hwa mo ohwa ndi o lì arzeelɛ wɔ̀ hwiti hwema. Wɔ̀ hwa gbeyà nanù, o màlùtèyà nanù ema imba na o hweyà wòhwe èhwanja na hwèlì o hwèwòwà.

Hvìlipìyà 1:17 Mawu Ofanana

Lukàrzɛ̀ 21:14

È ètìrzɛ̀ mèèmà me anyu ema, è rza òka lì ahvahvɛ ò lì arzùŋgɛ̀ inyɔ hwìti.

Hwègbèèlì 22:1

“Hwa tatɛ̀ na wònyànyàŋgò hwa ami, e nò òkànèyà na òma na kàya mònò ŋmàŋgò ema na rza òhvɛ tɔ̀ njɔ̀mi ò màrzò ma anyu.”

Hwègbèèlì 26:1

Kìŋgɛ̀ Agrìpa rzìi a òhweyà Pàwolò nanù ema, “O ŋgbàahwì wònjà ò lì òhwa eyà lì hvòmɛ̀nɛ̀ hweyà ema hwa òhwa lì ò teŋgɛ̀nɛ̀.” Pàwolò rzìi a enyòwa mɔɔ mò eni rzìi a wòteya lì kaya. A òhwa nanù ema,

Hwègbèèlì 26:24

È ŋgànà ema Pàwolò à mà kaye, e ma gbeyà Hvɛ̀rzìtùrzì a mò lòmeya nanù ema, “Ìi Pàwolò ò ma kpànyà e? Lì òkòwa la aŋgɔ̀ là rzàyi-rzàyi ndi lì ò kpànyìrzɛ e?”

Ròmànì 2:8

Hwahvɛhvɛ hwatò hwa hwèlì ikuka ndèŋgànɛ̀lɛ̀ hwa rza gbeyà hweyà hwe jɔ̀kɛ̀, wɔ hwa gbeyà ndi hweyà hwe wòhwe. Inì nyayi ja hwatò Lohwɛ̀ a ò hwa uŋmɛ̀lɛ̀ hwètàtò hwe eni ò lì hwa kɔ̀kìrzɛ̀.

Hvìlipìyà 1:18

Ndi ene ŋgànà e rza enje tɔ eyà. O hwene hwègbèèlì hwe arzɛ, ŋmɛ̀ndì mò gbamù mo ama Krirztò mɔ̀ ndi hwa hwèlì hwa ohwa, tɔ e hwɛ ndi nanù ema hwa gbeyànì màlùtèyà ma gbamù tɔ̀ ma wòhwe. O eŋgànɛ̀lɛ̀ rzɔ, o nyòla ya ene eyà, imba na o oka mɔ̀nyɛ̀ŋgì.

Hvìlipìyà 1:7

Imba nà àŋgàmɛ̀nɛ̀yi lì ohva manù màlùtèyà o inyɔ hwa arzɛ èhwanja è hwèlì ò ŋmèma mò ami. Tɔ̀ nà oma nà hwèlì ò hwèwòwà, ndèŋgànɛ̀lɛ̀ nà oma nà ohwa hweyà lì hvomɛ̀nɛ̀ ŋmɛ̀ndì mò gbamù, nà ohwa nanù ema mono ŋmɛ̀ndì mò gbamù mò rza enje mòlaŋgà, mò hwèlì ndi è jɔ̀kɛ̀. Lohwɛ̀ à mà jò uŋmɛ̀lɛ̀ irzɔ hwa arzɛ è ndèli yà eni nà oma i mò gbèeyà.

Hvìlipìyà 2:3

È rzi gbeyà hweyà ema hwe uŋmɛ̀lɛ̀ nanù ema e hwe gbeyà ndi o lì hwɛ gbamù. È rzi gbeyà hvɛ hweyà ema hwe uŋmɛ̀lɛ̀ nanù ema e awòwɛ̀. Ndi na lì arzihwirzɛ la anyu la arzɛ inyɛ e ɛnɛ hwahvɛhvɛ hwatò wòlìto lì aka inyɔ hwìtì.

1 Tìmotì 2:7

Ène eyà ndi e ma gbèeyà Krirztò o lì no òma nàa àpɔ̀rzìtòlò o lì ɛndɛ lì ohwa ŋmɛ̀ndì mò gbamù lì hvomɛ̀nɛ̀ o lì lòkɛ̀ Krirztò na e jɔ̀kɛ̀ o hwatò ema hwa rza enje wònyà Yudà. Mamɛ ema na ohwa e hwèlì ndi e jɔ̀kɛ̀ na rza kɔ tɔ̀ eyà.

2 Tìmotì 2:9

Ndèŋgàna, èhwanja na òhwèyà hwatò mono ŋmɛ̀ndì mò gbamù, ɔ̀ndeŋgàtɛ̀ imba na taka, natɛ̀ɛ hwa no kaki iŋgɔkɔhwi ò à ɛnɛ oma na hwèlì ndi mòtò ema a undi mbenda. Ndi tɔ̀ mòtò a rza tànɛyi a kaka Eyà ya ama Lohwɛ̀ na ŋgɔ̀kɔ̀hwi.

2 Tìmotì 4:16

Tɔ̀ mòtò a rzi no tɛmeya o mburza e ŋgèlì ya worzo ema hwà mà no jàne o hwèkayirzelì. Hwatò hwa arzɛ hwà mà no rzɔ̀rzɔ̀. Nà kanɛ̀ nanù ema Lohwɛ̀ a hwa làkìrzɛ̀.