Hvìlipìyà 1:14 - Mokpwe: Bakwery (New Testament)

¹⁴ Èhwànja na aŋgɛhwɛyi o hwèwòwà e ŋgànà ema e ma kɔ̀mɛlɛ rzàyi-rzàyi ja hwàlòkèlì o lì ètìrzɛ̀ mèèmà me awu, o eŋgànɛ̀lɛ̀ wɔ̀ hwà mà ètìrzɛ̀ mèèmà o lì ohwa Eyà ya Lohwà e rzi hwɛ lì oka tɔ̀ wɔ̀ŋgɔ̀.

Hvìlipìyà 1:14 Mawu Ofanana

Makòrzì 3:3

Yerzù à mà òhweyà òŋgò mòtò ema à ma ɔ̀kirzɛ̀ mɔ̀ɔ̀ mò njɛmbu nanù ema, “Jà ò tɛ̀mɛ̀ ò màrzò ma hwatò hwa arzɛ!”

Lukàrzɛ̀ 1:74

Mɔ̀ à mà òhwa àma, à jò kɔ̀tɔ̀ ò màà ma hwàkɔ̀yèlì hwa arzu, ndèŋgàna jò ò mò gbèeyà e rzì hwɛ lì òkà wɔ̀ŋgɔ̀.

2 Kɔ̀rintìyà 3:12

O èŋgànɛ̀lɛ̀ rzɔ na oma i ma lòkɛ̀ nanù ema ŋmɛ̀ndì ema jo òhwa mo òhvi wòlìto rzayi-rzayi, irzɔ i ma ohwa e rzi hwɛ lì oka tɔ̀ wɔ̀ŋgɔ̀ tɔ̀ wɔ̀kɔ.

2 Kɔ̀rintìyà 7:4

Nà e hwɛnelì kumbà. Nà e kùmbelì e kòkò. È no ètìrzɛ̀ ŋmèma mo ami nyayi ema e no òkirzɛ mɔ̀nyɛ̀ŋgì rzayi-rzayi, tɔ̀ nɛ irzɔ i taka rzayi-rzayi.

Ɛ̀hvìrzìyà 3:13

Ò èŋgànɛ̀lɛ̀ rzɔ nà è àtɛ̀kɛ̀ ema, è rzi tùùhweyà ŋmèma èhwanja mètàkà ema nà lùwa inyɔ ndeŋgatɛ nà mè lùwa. Imba nà hwèlì ndi ò lì è tàkeyà. Moŋgo mòtakà mɔ̀ ndi mò è jàneyà mɔ̀rzɛ̀ŋgi.

Hvìlipìyà 1:20

Nà hwɛni e nyɔ̀ŋgi na màlìŋgo ma arzɛ, ndèŋgànɛ̀lɛ̀ na àhvìtɛ̀ nanù ema na rza o ohva irzɔ̀ni, ndi na o hwɛnɛ lì kɔ̀mɛ̀lɛhwɛ ihvonda ja arzɛ rzɛhvɔ̀ni o nàŋgɛ. Ène eyà e o gbèeyà nanù ema tɔ̀ mamɛ ema na gbeyà naŋgɛ, e o gbeyà èluhwe ya ama Krirztò e awuŋmɛ̀lɛ̀, tɔ̀ na hwɛ lòŋgɛ tɔ̀ na ŋwa.

Hvìlipìyà 1:7

Imba nà àŋgàmɛ̀nɛ̀yi lì ohva manù màlùtèyà o inyɔ hwa arzɛ èhwanja è hwèlì ò ŋmèma mò ami. Tɔ̀ nà oma nà hwèlì ò hwèwòwà, ndèŋgànɛ̀lɛ̀ nà oma nà ohwa hweyà lì hvomɛ̀nɛ̀ ŋmɛ̀ndì mò gbamù, nà ohwa nanù ema mono ŋmɛ̀ndì mò gbamù mò rza enje mòlaŋgà, mò hwèlì ndi è jɔ̀kɛ̀. Lohwɛ̀ à mà jò uŋmɛ̀lɛ̀ irzɔ hwa arzɛ è ndèli yà eni nà oma i mò gbèeyà.

Hvìlipìyà 4:1

O eŋgànɛ̀lɛ̀ rzɔ wònyàmòwe kòkò, inyɔ ema na lìŋgàni na lì okeya o lì ɛnɛ, inyɔ ndi e hwèlì màlìŋgo na iitàŋgi ja ami o nyòla èwòlò ema imba nà mà gbeyɛ. Imbunda ja ami kòkò, o lì wowàna hweyà hwe arzɛ ema nà mà e ohweyà, e tɛmeya lìlòkɛ̀ la anyu o ma e Rzàŋgo kɔ̀yi-kɔ̀yi.

Kòlòrzìyà 4:4

Inyɔ e kànɛ nanù ema imba nà mà ohwe gbamù e ŋgànà ema imba na àŋgàmɛ̀nɛ̀yi lì mo òhwa.

Kòlòrzìyà 4:7

Ŋmanyàŋgò wà arzu wà Krirztò wà ndìŋgɛ yà màlìŋgò Tàyìkìkùrzì, à è òhweyà hweyà ema hwe nò gbèèyɛ̀nɛ̀ anu, mɔ̀ hvɛ à hwèlì ndi mògbèèlì ema gbèeyà è Rzàŋgo nà ŋmèma mɔ̀kɔ nà imba.

1 Tɛ̀rzàlonìyà 2:2

Inyɔ hwiti e hwi nɛ hwà mà jo hwɛnyɛ na lì jo tàkirzɛ wòhwe o e mbowà ya Hvìlìpì ndèŋgànà je e jèeya o e mbowà ya Tɛ̀rzàlonìya. Tɔ̀ nɛ o ma hwɛ hwatò hwà mà jo teŋgɛ̀nɛ̀ rzayi-rzayi, Lohwɛ̀ la arzu a jo etìrzɛ mèèmà me arzu o lì e ohweyà Ŋmɛ̀ndì mò Gbamù ema mo uwɛ̀lɛ̀lɛ̀yi na mɔ̀.

2 Tìmotì 2:9

Ndèŋgàna, èhwanja na òhwèyà hwatò mono ŋmɛ̀ndì mò gbamù, ɔ̀ndeŋgàtɛ̀ imba na taka, natɛ̀ɛ hwa no kaki iŋgɔkɔhwi ò à ɛnɛ oma na hwèlì ndi mòtò ema a undi mbenda. Ndi tɔ̀ mòtò a rza tànɛyi a kaka Eyà ya ama Lohwɛ̀ na ŋgɔ̀kɔ̀hwi.