Hvìlipìyà 1:11 - Mokpwe: Bakwery (New Testament)

¹¹ Ène eyà e gbeyà nanù ema ɛ̀ɛ̀mɛ̀ ya anyu ya gbamù ema e uwɛlɛlɛyi o ma Yerzù Krirztò, e o awuŋmɛ̀lɛ̀ o hweyà hwe gbamù hwe arzɛ ema e gbeyà, aŋga nanù Lohwɛ̀ a o luwa èluhwe ya eni na jeka.

Hvìlipìyà 1:11 Mawu Ofanana

Matiyò 5:16

Inyɛ̀ inyɔ hvɛ è pànye ndi ŋgàna hvɔ̀kɔ nàa ètùlù. Hwatò hwa ɛni tɛ hwèwòlò hwe anyu hwe gbamù ema è gbèya, hwa eka Lohwɛ̀ Tatɛ̀ hwa anyu ema à hwèlì ò ŋmanyu yà lohwà.”

Yòwanìrzɛ̀ 15:16

Inyɔ è rzi nò hvɔ̀rzè, ndi imba ndì nà è hvɔ̀rzì rzìi nà è òmi nanù ema è ɛ̀ndɛ è gbèye hweyà ema hwe ŋyàa hwehvùma hwe gbamù. Iŋgi nyàyi jà hweyà ema ì ò indaa. È gbèyi tɛ nanù Tatɛ̀ wà ami à è ŋgbà tɔ̀ ima nyàyi yà yomà ema è mò ijòwi ò lìnà là ami.

Yòwanìrzɛ̀ 15:2

A kɛ tɔ̀ ima ɛkɔkɔ e nò hwèlì ema e rza ŋya hwehvùma a e rzenjòwe hvɛ tɔ̀ ima ɛkɔkɔ ema e ŋyàa hwehvùma, ò lì gbeyà nanù ema e hwɛ gbamù ò lì ŋya hwehvùma.

Yòwanìrzɛ̀ 15:8

Èluhwe ya ama e Tatɛ̀ ya ami e awuŋmɛ̀lɛ̀ e hwèlì tɛ ema e ŋyàa hwehvùma jɔ̀ɔjɔ̀ɔ, eŋge ndi e gbeyà ema e hwɛ̀ɛ hwànɔ̀ŋgèlì hwa ami.

Ròmànì 15:28

È hvònda ema na ò kulɛ ene èwòlò ò Jèrurzalɛ̀mù, na lì hwa akɛlɛlɛ wòlì wò arzɛ ema wò rzàŋgahwi lì hwa hvòmɛ̀nɛ̀, ò ma nà mà anjiya aŋga lì ɛndɛ ò èkòmè ya Rzìpenì. O eŋge hvònda ndi na ò tɛ̀mɛ̀ ò lì e ɛnɛ.

Ròmànì 6:22

Ndi ò naŋgɛ Lohwɛ̀ à mà e ulɛ ò rze ya e ŋginyà ya wòhwe ò èŋgànɛ̀lɛ̀ e hwèlì ndi hwàkòmì hwa ama Lohwɛ̀. Mɔ̀rzɛ̀ŋgi ema e luwa mò hwèlì ndi nanù ema Lohwɛ̀ à mà e gbeyà ò lì hwɛ wòtani na òma hwatò hwa eni hwa àŋgàmɛ̀nɛ̀yi lì hwɛ. Èŋge eyà ye e gbeyà nanù ema e luwe lòŋgɛ la gbìndèyà.

1 Kɔ̀rintìyà 10:31

Ène ŋgàna e hwèlì ndi nanù ema, tɔ̀ mamɛ ema o làa tɔ̀ o nyɔ̀, tɔ̀ mamɛ ema o gbeyà, o hwe gbeyàne nà èluhwe ya ama Lohwɛ̀.

2 Kɔ̀rintìyà 9:10

Lohwɛ̀ ndi à ŋgbà hwatò mamɛ ema hwa ona, rzìi a ŋgba hvɛ hwatò mamɛ ema hwa laa. A o e ŋgbà mamɛ ya arzɛ ema e hwɛni lì ona, a o hwe gbeyà o lì oŋga ndèŋgànɛlɛ a o hwe gbeyà nanù ema hwe ŋyàa mbota rzayi-rzayi. A o gbèeyà ndi ene eyà nanù lì hvomɛ̀nɛ̀ mèèmà me anyu me gbamù.

Ɛ̀hvìrzìyà 1:12

À mà gbeyà ndi nanù, aŋga nanù irzɔ ema i mà lòmɛ lì ika lìhvìta là arzu ò mà Yerzù Krirztò, jò ò ohva ɛ̀ɛ̀mɛ̀ ema è ò gbeyɛ hwahvɛhvɛ hwatò ò lì mò eka èhwanja ò è ŋginyà yà eni ndɛnɛ.

Ɛ̀hvìrzìyà 1:14

Ène Èlìŋgɛ̀ yà Wòtani yɔ ndi e jo uŋmɛ̀lɛ̀ nanù ema i luwa hwèèmà ema Lohwɛ̀ à mà jo kàkɛ̀nɛ nanù ema i luwa. Irzɔ jo ò luwa hwene hwema e hvonda ema Lohwɛ̀ à ò jo rzolohwɛ irzɔ hwatò hwa eni o èki ema i kakahwi. Ène eyà e o gbèeyà hwatò wo ò eka Lohwɛ̀ o nyòla e ŋginyà ya eni ndɛnɛ.

Ɛ̀hvìrzìyà 2:10

Lohwɛ̀ à mà jo wèka o lì hwɛ mamɛ ema i hwèlì naŋgɛ. Nà oma i hwèlì mɔ̀kɔ na Yerzù Krirztò, mɔ̀ à jo ŋgbelì lòŋgɛ aŋga nanù, i gbeyà hwèwòlò hwe gbamù nanù ndi Lohwɛ̀ à mà tɛ̀yirzɛ natɛ̀ɛ na e hvonda ya koohwa ema i luwa ene tumba ɛ̀ɛ̀mɛ̀ o lòŋgɛ.

Ɛ̀hvìrzìyà 5:9

Nà ohwa ndi nanù ehwànja hwatò ema hwa hwèlì o ŋmàye wɔ̀ hwa gbèeyà ndi hweyà hwe gbamù, hwa gbèeyà ndi hweyà ema hwe hvomɛ̀nɛ̀yi na hweyà ema hwe hwèlì jɔ̀kɛ̀.

Hvìlipìyà 4:17

Nà rza e ohweyà ndi ene eyà nanù ehwànja na arza nanù ema e no òmeya màhwèyà, ndi na arza lì ɛnɛ nanù ema Lohwɛ̀ a e nàmìrzɛ̀ ŋgɛ̀lɛŋgɛlɛ.

Kòlòrzìyà 1:10

Èŋge eyà è gbeyà mòŋgɛ mà anyu, mà hwɛ ndi nà oma lòŋgɛ là hwatò hwa ama Lohwɛ̀ là àŋgàmɛ̀nɛ̀yi lì hwɛ. È ò gbeyà ndi hweyà ema hwe ò mò lìŋgirzɛ. Hweyà hwe gbamù nà gbamù mɛnɛ ndi inyɔ è ò gbeyɛ. Lì rzɔ̀ŋgìtɛ̀nɛ̀ là anyu là ama Lohwɛ̀ lì ò ahwàtɛ ndi nanù mɛnɛ.

Kòlòrzìyà 1:6

Mono ŋmɛ̀ndì mò gbamù ema mò jànà mònàmɛ̀ mò ama Lohwɛ̀, mò hwèlì mò ohwahwɛlɛ nà lì nyàla ò è rze ya arzɛ. Wùùnyà wò worzo ema è mà mò hwèye, inyɔ è mà rzɔ̀ŋgìtɛ̀nɛ̀ nanù ema Lohwɛ̀ à hwɛ̀nèlì hwatò hwa wòhwe ŋmèma mo gbamù.

2 Tɛ̀rzàlonìyà 1:12

Ì kanɛ̀ ndi nanù aŋga nanù, lìinà là ama Rzàŋgo wà arzu Yerzù Krirztò lì ò luwa èluhwe ò ìtììtènì jà anyu, ndèŋgànɛ̀lɛ̀ ò nyòla mɔ̀, inyɔ hvɛ è ò lùwa èluhwe. Inyɛ̀ è ndèli yà ama Lohwà là arzu nà Rzàŋgo Yerzù Krirztò, hwèyɔ ndi hwe ò gbeyà ene eyà ò lì gbèyɛ̀nɛ.

Tàyìtùrzì 3:14

Ndèŋgànɛ̀lɛ̀ o gbeye hwatò hwa arzu o lì okowa o lì gbeyà hweyà hwe gbamù. Wɔ̀ hwa àŋgàmɛ̀nɛ̀yi lì oŋgòwànà o lì gbeyà hweyà ema hwe arzahwa nanù ema mòtò a hwe gbeye. Wɔ̀ hwa rza gbeyà hweyà hwe ŋgàndi.

Hibrù 12:11

È hvonda ema i kɔ̀kìrzɛ̀hwɛ̀, e hwèlì ndi e hvonda ema i hweyà mòrziyò ndèŋgànɛ̀lɛ̀ hvɛ i rza ohva mɔ̀nyɛ̀ŋgì. Ndi o mburzà hvonda, hwaŋga ema hwà mà kɔ̀kìrzɛ̀hwɛ̀, hwa lùwa etàŋgì ema e hwèlì ndi lòŋgɛ la ɛ̀yɔ̀lɛ̀ na e laa ehve-ehve.

1 Pètrò 2:12

È hwɛnɛ hwɛ̀ɛ̀mɛ̀ hwe gbamù o ìtììtènì ja hwaŋga hwatò ema hwa rza lòkɛ̀ Lohwɛ̀, aŋga nanù tɔ̀ nɛ wɔ hwa e rzàmba nanù ema e gbeyà wòhwe, wɔ hwa ɛnɛ hwegbèèlì hwe anyu hwe gbamù. Èŋge e gbeyà hwa eka Lohwɛ̀ o wùnyà wo hwejèelì hwe eni.

1 Pètrò 2:5

Inyɔ e jèe e hwɛ ndi nàa màŋyàyi ema mà hwèlì lòŋgɛ ema Lohwɛ̀ a gbeyàna o lì oŋga e ndawò ya eni ya èlìŋgɛ̀. Ndeŋgànɛlɛ o tenì ya eŋge ndawò ɔndi inyɔ e o mo gbèeyà. È o hwɛ ndi pìlìrzì ja wòtani, ema e o mo ŋgbɛ màhwèyà ma wòtani ema mɔ̀ à o emeyà lì akeyà na Yerzù Krirztò.

1 Pètrò 2:9

Ndi inyɔ ndi e hwèlì hwatò ema Lohwɛ̀ à mà hvɔ̀rzɛ̀, Ipìlìrzì ja ama Lohwɛ̀ ema mɔ̀ ndi à hwèlì e kiŋgɛ. È hwèlì ndi èkòmè ya wòtani, ndèŋgànɛ̀lɛ̀ Lohwɛ̀ ŋmitɛ-ŋmitɛ ndi à e hwɛni, aŋga nanù inyɔ e uŋmɛ̀lɛ̀ hwahvɛhvɛ hwatò na oma mɔ̀ à hwèlì gbamù. Lohwɛ̀ à mà e ulɛ ò tenì ya jìtìtì ndèŋgànɛ̀lɛ̀ mɔ̀ à mà e jànà o ŋmàye.

1 Pètrò 4:14

È hwèlì tɛ nanù ema hwatò hwa e hwɛ̀nyɛ̀, ehwànja e hwèlì ndi hwatò ema e oŋgama Krirztò, nanù oma e lɔ̀yìrzɛ̀yi, ehwànja ŋmàye mo Èlìŋgɛ̀ ya ama Lohwɛ̀ mo hwèlì na inyɔ.