Hvìlipìyà 1:1 - Mokpwe: Bakwery (New Testament)

¹ Imba Pàwolò, mòndeŋgè na Tìmòtì imba ndi na tilì ene kààtì. Nà tìleya ndi hwatò hwa ama Lohwɛ̀, hwatò ema hwa hwèlì mòtò mɔ̀kɔ na Yerzù Krirztò ema hwa hwèlì o mbowà ndɛnɛ ya Hvìlìpì, mondeŋge na hwàtìmbèlì na hwatò ema hwa oŋgowàna èwòlò ya ama Lohwɛ̀ o lì ɛndɛ o worzo.

Hvìlipìyà 1:1 Mawu Ofanana

Makòrzì 13:34

Wò ò hwɛ ndi nàa mòhwɛnɛ wà ndawò a ɛ̀ndɛ tɛ yɔ̀ndɔ̀ a lìya hwàgbèèlì hwa eni. À ŋgbà mòtò tɛ è yà eni èwòlò, rzìi a òhweyà e mɔ̀ɔ̀ŋgèlì wà hwèkpeyànèlì hwe èwòka ema a gbè èwòlò ya eni gbamù.

Yòwanìrzɛ̀ 12:26

Tɔ̀ ima mòtò ema à nò gbèeyà à àŋgàmɛ̀nɛ̀yi lì hwɛ è mògbèèlì wà ami. Tɔ̀ ima èki ema nà hwèlì è mògbèèlì wa ami mɔ̀ hvɛ à àŋgàmɛ̀nɛ̀yi lì hwɛ aŋga. Tɔ̀ ima mɔ̀ ema à nò gbèèlì, Tatɛ̀ wa ami à mò ŋgbà èluhwe.

Hwègbèèlì 1:20

Pètrò rzìi a tòmbana e mbɔrzi ya eni ò wòrzò, a òhwa nanù ema, “Ène eyà e gbèyɛ̀nɛ na òma e tìlahwì ò kààtì ya mɛ̀rzɔ̀kɔ̀ me ama Lohwɛ̀ nanù ema, ‘Inyɛ̀ e ndawò ya eni e timbe èkpàkpà, inyɛ tɔ̀ mòtò a rza òŋga ndawò aŋga.’ È tìlahwì hvɛ nanù ema, ‘Inyɛ̀ òhvɛhvɛ mòtò a wòwe ekì ya eni ya èwòlò.’

Hwègbèèlì 20:28

È àwòŋgòhwɛlɛ inyɔ hwiti, na lìhwemba la hwatò ema Èlìŋgɛ̀ yà Wòtani ye e ŋgbelì ò rze ya anyu ò lì ɔŋgeya. È hwɛ nàa hwà-ɔ̀ŋgèlì hwa mɛ̀lɛ̀ŋgù e ɔŋgeya hwatò hwa ama Lohwɛ̀. A ma gbeyà ŋmèmba mò eni ò lì hwɛ e mò eni lì akeyà na e kpelì ema è Ŋmanà wà eni a ŋwelɛlɛyi ò mbarza.

Hwègbèèlì 9:13

Ànàniyarzì rzìi à mò alàhwɛ̀ nanù ema, “Ìi Rzàŋgò, rzayi-rzayi jà hwatò hwa mà nò òhweyà lì hvòmɛ̀nɛ̀ ònò mòtò, nà hweyà hwe arzɛ hwe wòhwe ema mɔ̀ à mà gbeyànɛ̀ hwatò hwa aŋgɔ̀ hwa wòtani ò mbòwà yà Jèrurzalɛ̀mù.

Ròmànì 1:1

Imba, Pàwolò, e mògbèèlì wa ama Yerzù Krirztò, imba ndi na tìlì ene kààti. Lohwɛ̀ à mà nò hvɔ̀rzɔ̀ ò lì hwɛ e àpɔ̀rzìtòlò ya eni ndèŋgànɛlɛ à mà nò ŋgbàà èwòlò ò lì òhwa Ŋmɛ̀ndì mò eni mò Gbamù.

Ròmànì 1:7

Ò èŋgànɛ̀lɛ̀ rzɔ, nà è tìlèlì inyɔ hwa arzɛ ema è hwèlì ò èkòmè ya Ròmànì. È hwèlì ndi hwatò ema Lohwɛ̀ à lìŋgàni ndèŋgànɛ̀lɛ̀ à mà è hvɔ̀rzɔ̀ ò lì hwɛ hwatò wà eni. Inyɛ̀ è ndèli nà ɛ̀yɔ̀lɛ̀ ema hwe uwɛ̀lɛ̀lɛ̀yi òma Lohwɛ̀ è Tatɛ̀ yà arzu, nà è Rzàŋgò Yerzù Krirztò è hwɛ nà inyɔ.

1 Kɔ̀rintìyà 16:10

Tìmòtì a e jèlɛlɛ tɛ, e mo àŋgoweyà kɔ̀yi-kɔ̀yi èhwanja èwòlò ema a gbeyà Rzàŋgo yɔ ndi imba hvɛ na gbeyà.

2 Kɔ̀rintìyà 1:1

Imba Pàwolò e Àpɔ̀rzìtòlò yà ama Yerzù Krirztò, nà omà e mà tɛyìrzɛhwɛ na Lohwɛ̀. Imba ndi na tìlì ene kààtì o irzɔ nà ŋmànyàŋgò wà arzu wà Krirztò Tìmòtì je omelì ikɔ̀mi. Inyɔ, lì arzàŋganɛ là hwatò hwa Lohwà ema e hwèlì ò è mbowà yà Kɔ̀rintò, na hwanɛ̀yi hwatò hwa arzɛ hwa Lohwà ema hwa hwèlì o erzoòkà ya Àkayiyà.

Gàletìyà 1:10

Nà oma na ohwa nanù, e rza ɔ̀ŋgɛ̀lɛ̀ ndi nanù ema hwatò hwa hwènàmà hwa no tuuwe lìna la gbamù. Imba na rza arza nanù. Lohwɛ̀ ndi imba na arza nanù ema a no tuuwe lìna la gbamù. È ma hwɛ tɛ nanù ema na arza ndi ema hwatò hwa hwènàmà hwa no tuuwe lìna la gbamù, o ma na rza enje ndi e mògbèèlì hwa ama Krirztò.

Gàletìyà 3:26

Inyɔ hwa arzɛ è hwèlì ndi hwàanà hwa ama Lohwɛ̀ èhwanja è lòkɛ̀yì Yerzù Krirztò.

Gàletìyà 3:28

Ò eŋgànɛ̀lɛ̀ rzɔ, o rza enje lì akahwanɛ ò hwaŋga ema hwa hwèlì wònyà Yudà nà hwaŋga ema hwa rza enje wònyà Yudà, ò hwàkòmì nà ò hwaŋga ema hwa hwèlì wònja, ò wunyanà nà hwalanà. Inyɔ hwa arzɛ è hwèlì ndi mòtò mɔ̀kɔ èhwanja è lòkɛ̀ Yerzù Krirztò.

Ɛ̀hvìrzìyà 1:1

Ìmba Pàwolò ndi nà e omelì inì itita ema nà ma hwɛ̀lɛ̀hwɛ̀ na lemeyà la ama Lohwɛ̀ o lì hwɛ àpɔ̀rzìtòlò ya ama Yerzù Krirztò. Ìmba na e tìleya inyɔ hwatò hwa ama Lohwɛ̀ ema hwa lìya o mbowà ya Ɛ̀hvɛ̀rzɔ̀rzì. È hwèlì ndi mòtò mɔ̀kɔ na Yerzù Krirztò ema e mo òŋgama hvɛ na ŋmèma mɔ̀kɔ.

Ɛ̀hvìrzìyà 1:15

Ò lìni lìtiŋgà nà mà hweyà nanù ema è lòkɛ̀ Rzàŋgo Yerzù Krirztò nà lì lìŋgàna hwatò hwa arzɛ hwa ama Lohwɛ̀. Ò èŋgànɛ̀lɛ rzɔ,

Ɛ̀hvìrzìyà 6:24

Inyɛ̀ è ndèli yà ama Lohwɛ̀ è hwɛ nà hwaŋga hwa arzɛ ema hwa lìŋgàni Rzàŋgo wà arzu Yerzù Krirztò nà ndìŋgɛ ema è rza kùwa.

Hvìlipìyà 2:19

Nà àhvìtɛ̀ nanù ema na e omeya Tìmòtì o lì ehvɛhvɛ ŋmanà mbɔ, e hwèlì tɛ nanù ema Rzàŋgo Yerzù a emelì tɛ, aŋga nanù ŋmɛ̀ndì ema imba na o luwɛ lì e hvomɛ̀nɛ̀, mo o no kɔ̀mɛlɛ.

Hvìlipìyà 2:5

Inyɛ̀ màlùtèyà ma anyu ma hwɛ ndi nàa e ma ama Yerzù Krirztò.

Hvìlipìyà 3:12

Nà rza ohwa nanù ema nà mà màa lì gbeyà hwene hweyà hwe arzɛ, tɔ̀ nanù ema nà mà màa lì tɛmi ehve-ehve o hweyà hwe arzɛ. Ndi na hwèlì lì keka o lì hwɛ e nyayi ya mòtò ema Yerzù Krirztò à mà arza ema na hwɛ e hvonda ema à mà no hvɔ̀rzè.

Hvìlipìyà 3:3

Irzɔ ndi je endàlɛ̀hwɛ ŋgànà ema e hvomɛ̀nɛ̀, Èlìŋgɛ̀ e jo oŋgowàna o lì ŋgba Lohwɛ̀ èluhwe na oma i mo gbèeyà. Jo oki mɔ̀nyɛ̀ŋgì na oma irzɔ i hwèlì na Yerzù Krirztò. Irzɔ i hwi nanù ema hwatò hwa hwènàmà hwa rza tanɛ hwa jo oŋgowàna.

Hvìlipìyà 3:8

Rzeketɛ hweŋge hweyà mɛnɛ, ndi na wowi hweyà hwe arzɛ nàa eyoyo, na hwe mɛnɛni tɛ na eŋge eyà ndɛnɛ ema e hwèlì o lì hwiya Yerzù Krirztò e Rzàŋgo ya ami. Èhwànja hweŋge hweyà hwe arzɛ hwe hwèlì ndi eyoyo ndèŋgànɛ̀lɛ̀ nà hwe ɛnɛ ndi nàa mbindo aŋga nanù na hwiya Krirztò,

1 Tɛ̀rzàlonìyà 1:1

Imba Pàwolò, mòndèŋgè nà Rzàyìlàrzì nà Tìmòtì ndi nà è tìleyà ene kààti. Nà è tìleyà ndi inyɔ hwatò ema è hwèlì ò ŋmèmba mò è mbowà ndɛnɛ yà Tɛ̀rzàlonìya, inyɔ ema è hwèlì hwatò hwa ama Tatà Lohwɛ̀, ndèŋgànà inyɛ inyɔ è hwɛ hwatò hwa ama è Rzàŋgo Yerzù Krirztò. Inyɛ̀ è ndèli nà ɛ̀yɔ̀lɛ̀ yà ama Lohwɛ̀ è hwɛ nà inyɔ.

1 Tɛ̀rzàlonìyà 2:2

Inyɔ hwiti e hwi nɛ hwà mà jo hwɛnyɛ na lì jo tàkirzɛ wòhwe o e mbowà ya Hvìlìpì ndèŋgànà je e jèeya o e mbowà ya Tɛ̀rzàlonìya. Tɔ̀ nɛ o ma hwɛ hwatò hwà mà jo teŋgɛ̀nɛ̀ rzayi-rzayi, Lohwɛ̀ la arzu a jo etìrzɛ mèèmà me arzu o lì e ohweyà Ŋmɛ̀ndì mò Gbamù ema mo uwɛ̀lɛ̀lɛ̀yi na mɔ̀.

2 Tɛ̀rzàlonìyà 1:1

Imba Pàwolò mondeŋge na Rzàyilàrzì na Tìmòtì ndi na e tilelì ene kààti. Nà e tilelì ndi inyɔ hwatò ema e hwèlì o ŋmèmba mo e mbowà ndɛnɛ ya Tɛ̀rzàlonìya, inyɔ ema e hwèlì e hwa ama Lohwɛ̀ Tatɛ̀ wa arzu na e hwa ama Rzàŋgo Yerzù Krirztò.

2 Tɛ̀rzàlonìyà 1:10

Mɔ̀ à jèelì tɛ ò woŋgo wùnyà, hwatò hwa ama Lohwɛ̀ hwa ò mò eka, ndèŋgànɛ̀lɛ hwatò hwa arzɛ ema hwa lòkɛ̀yi hwa ò tàmà rzàyi-rzàyi. Inyɔ hvɛ è ò hwɛ ò ìtììtènì ja hwànu hwatò ehwànja è mà lòkɛ̀ ŋmɛ̀ndì ema ì mà è ohweyà.

1 Tìmotì 1:2

Ìi Tìmòtì, ò wà ndi nà tìleyà ene kààtì. Ò tɛ̀ɛ̀tɛ̀ɛ ò hwèlì ndi nàa è ŋmanà wà ami èhwanja ò lòkɛ̀yì Krirztò. Inyɛ̀ è ndèli, ììlì nà ɛ̀yɔ̀lɛ̀ ema è uwɛ̀lɛ̀lɛ̀yi oma Lohwɛ̀ Tatɛ̀ wà arzu nà Yerzù Krirztò è Rzàŋgo yà arzu hwe hwɛ nà inyɔ.

1 Tìmotì 3:8

Hwatò ema hwa oŋgowàna o lì gbèeyà èwòlò ò ŋmèmba hwa hwɛni ndi lì hwɛnɛ ɛ̀ɛ̀mɛ̀ ya gbamù na o lì hwɛ hwatò ema hwa ohwa hweyà na ŋmèma mɔ̀kɔ. Hwa rza hwɛni lì hwɛ hwatò hwa mboma, tɔ̀ lì hwɛ hwatò ema hwa hwèlì njɔ̀ŋgu ya wolì.

Tàyìtùrzì 1:1

Ìmba Pàwolò ema nà hwèlì e mògbèèlì wà ama Lohwɛ̀ nà è àpɔ̀rzìtòlò ya ama Yerzù Krirztò ndi nà tilì ene kààtì. Yerzù ndi à mà nò hvɔ̀rzɔ̀ rzìi à nò oma o lì ɛndɛ lì ètìrzɛ̀ lìlòkɛ̀ la hwatò ema Lohwɛ̀ à mà hvɔ̀rzɛ̀, nà o lì hwa oŋgowàna o lì hwiya e jɔ̀kɛ̀ lì hvomɛ̀nɛ̀ Yerzù, na o lì gbeyà na oma Lohwɛ̀ a àrzeyà.

Tàyìtùrzì 1:7

Kànàtɛ e mòtimbèlì wa ŋmèmba ndi à kànèyà ewòlo ya ama Lohwɛ̀, a àŋgàmɛ̀nɛ̀yi ndi lì hwɛ mòtò ema a rza ohvɛ tɔ̀ njɔ̀mi. A àŋgàmɛ̀nɛ̀ ndi lì hwɛ mòtò ema a rza enje lìhvàma, na mòtò ema a ambi lì tata. A rza àŋgàmɛ̀nɛ̀ lì hwɛ mòtò ema a aŋgbɛ mɔ̀ ŋmìti o lì nyɔ la mimba, tɔ̀ mòtò ema a jànà mòhvùŋgu. Ndèŋgànɛ̀lɛ̀ a rza àŋgàmɛ̀nɛ̀ lì hwɛ njɔ̀ŋgu.

Hvìlɛ̀mɔ̀nì 1:1

Imba Pàwolò, mòtò ema nà hwèlì ò hwèwòwà o nyòla lìinà là ama Yerzù Krirztò imba ndi na tilì ini itita. Ŋmànyàŋgo wa arzu wa Krirztò Tìmòtì na imba je e omelì ikɔ̀mi. Hvìlɛ̀mɔ̀nì irzɔ jo ò kɔ̀mi e mbunda ya arzu wa ndìŋgɛ màlìŋgo ema wàhvɛ o gbeyà nyàyi hvɔ̀kɔ ya èwòlò ema irzɔ̀hvɛ i gbeyà.

Hibrù 13:23

Nà arza ema e hwiye ema ŋmanyàŋgo wa arzu Tìmòtì, à mà ulɛ̀hwɛ o ndawò ya hwèwòwà. A no ùŋmànɛ̀lɛ̀ tɛ karzi-karzi je e jèeya.

Jèmìrzì 1:1

Imba Jèmìrzì e mògbèèlì wa ama Lohwɛ̀ na Rzàŋgo Yerzù Krirztò ndi na tilì ene kààtì. Nà e kɔ̀mi inyɔ hwa arzɛ lìyomɛ la matumba na mahwakɛ ma wonyà Irzàyɛ̀lì ema e bùhwèlì o e rze ya mɔ̀nyɛ̀ ya arzɛ.

1 Pètrò 2:25

O hvonda hvɔ̀kɔ, inyɔ e ma hwɛ ndi nàa mɛ̀lɛ̀ŋgù ema me ma ɛndɛ moŋgoŋgo. Ndi o naŋgɛ Lohwɛ̀ à mà e timbirzɛ o lì oŋgama e mòtò ema a e ɔŋgeya nàa e mɔ̀ɔ̀ŋgèlì hwa mɛ̀lɛ̀ŋgù a ɔŋgeya gbaka wò mɔ̀lɛ̀ŋgù.

2 Pètrò 1:1

Imba Rzimɔ̀ni Pètro ema nà hwèlì è mògbèèlì nà è àpɔ̀rzìtòlò yà ama Yerzù Krirztò, nà è tìleyà ndi inyɔ hwatò ema è lòkɛ̀ Yerzù Krirztò nyayi hvɔ̀kɔ hvɛ nà oma irzɔ hvɛ ì mò lòkɛ̀. Yerzù Krirztò ndi à hwèlì Lòohwà nà Mòrzùŋgèlì hwa arzu. Mɔ̀ à tɛ̀mì ehve-ehve. Ndeŋgànɛ̀lɛ̀ mɔ̀ ndi à gbèyi ndèŋgànà irzɔ hwa arzɛ jè è mò lòkɛ̀.

Judɛ 1:1

Imba Judɛ, nà hwèlì ndi Jèmirzi ŋmanyàŋgò wà eni, nà è mògbèèlì wà ama Yerzù Krirztò. Imba ndi nà è tìleyà ene kààti inyɔ ema Lohwɛ̀ à hvɔ̀rzì. È hwɛni lì hwiyà nanù ema Tatɛ̀ Lohwɛ̀ à è lìŋgàni, ndèŋgànɛlɛ Yerzù Krirztò à hwèlì à è ɔ̀ŋgeyà.

Hwèwulùwèlì 1:1

Ène kààtì e ohwa ndi lì hvomɛ̀nɛ̀ hweyà ema hwe o gbèyɛ̀nɛ ema Yerzù Krirztò a gbèyi ndèŋgànà hwe o e hwiyɛnɛ. Lohwɛ̀ à mà mo ŋgba hwene hweyà nanù ema hwe hwiyɛnɛ aŋga nanù mɔ̀ à uŋmɛ̀lɛ̀ hwàgbèèlì hwa eni hweyà ema hwe o gbèyɛ̀nɛ ŋmanà mbɔ. Krirztò à mà gbeyà e mògbèèlì wa eni Yòwanìrzɛ̀ o lì hwiye hwenè hweyà na oma à mà mo òmeya e aŋgèlì ya eni.

Hwèwulùwèlì 1:20

È wùndɛ̀ ema e hwèlì lì hvomɛ̀nɛ̀ lìrzàmba la rzombe ema lì hwèlì o lìya la ami la mome na lìrzamba la mboko ja gòòlù ja hwètùlù hwe hwèlì ndi: Lìrzàmbà la rzombe lì hwèlì ndi i aŋgèlì lìrzàmba ja lìrzàmba la mèèmbà, ndeŋgànɛlɛ lìrzàmba la mboko ja gòòlù ja hwètùlù hwe hwèlì ndi lìŋgi lìrzàmba la mèèmbà.”

Hwèwulùwèlì 19:10

Rzìi na kpa o worzo wo eni o lì mo kanɛ̀. Ndi e aŋgèlì e ma no ohweyà nanù ema, “Jàyɛ̀ o rza gbeyà nanù, na hwèlì ndi mògbèèlì wa ama Lohwɛ̀ nàa o wa, na hwèlì ndi nàa hwahvɛhvɛ hwatò ema hwa lòkɛ̀yì Krirztò. Nà hwèlì ndi nàa mɔ̀kɔ ema a tɛmi o e jɔ̀kɛ̀ ema Yerzù à mà okolɛ. Lohwɛ̀ ndi inyɔ e àŋgàmɛ̀nɛ̀yi o lì kanɛ̀.” È jɔ̀kɛ̀ ema Yerzù a wulu yɔ̀ ndi e ŋgbelì hwatò màyìmbi o lì ohwa ŋmɛ̀ndì mo ama Lohwɛ̀.

Hwèwulùwèlì 2:12

À mà nò ohweyà hvɛ nanù ema, “Tìleyà è aŋgèlì ema è hwèlì ò ŋmèmba mò Pɛ̀gàmùmì nanù ema, “‘Mono ŋmɛ̀ndì mò uwɛ̀lɛ̀lɛ̀yì ndi nà è mɔ̀ ema à ohvi è rzɔ̀lɔ̀ ema yè èeyà hwèhvàrzù hwe ahwàkɛ.

Hwèwulùwèlì 2:8

À mà nò ohweyà hvɛ nanù ema, “Tìleyà è aŋgèlì ema è hwèlì ò ŋmèmba ema mò hwèlì ò Rzàmàyinà nanù ema, “È mòtò ema à hwèlì è wà worzo ndèŋgànɛ̀lɛ̀ à hwèlì è mòtò ema à hwèlì è wà lìrzùkù, mɔ̀ ema à mà ŋwa ndèŋgànɛ̀lɛ̀ à hwèlì ò lòŋgɛ hvɛ, mɔ̀ ndi à omi mono ŋmɛ̀ndì.

Hwèwulùwèlì 22:9

Ndi eŋge aŋgèlì e ma no òhweyà nanù ema, “O rza gbeyà nanù! Imba hvɛ na hwèlì ndi mògbèèlì wa ama Lohwɛ̀ nàa o wa, ndèŋgànɛ̀lɛ̀ na hwanɛ wònyànyàŋgo hwa aŋgɔ hwa ama Krirztò ema hwa hwèlì hwà-òhwèlì hwa hwèlìŋgɛ̀ na hwatò ema hwa gbeyà hweyà ema hwe tìlahwì o tenì ya ene kààti. Lohwɛ̀ ndi inyɔ e àŋgàmɛ̀nɛ̀yi lì kànɛ.”