Hibrù 9:9 - Mokpwe: Bakwery (New Testament)

⁹ Lìŋgi lìwondo lì uŋmɛ̀lɛ̀ ndi hweyà ema hwe gbèyɛ̀nɛ yàwono. Ène eyà e jo uŋmɛ̀lɛ̀ ndi nanù ema jàhwèyà, na màahweyà ma hwèembè ema hwatò hwa mà hwɛ lì ŋgbà Lohwɛ̀, hwe rzi tànɛyi lì rzàŋgirzɛ ŋmèma mo mòtò ema a ŋgbà làhweyà.

Hibrù 9:9 Mawu Ofanana

Ròmànì 5:14

Ndi ò lì wòteya ò e hvònda ya ama Adàmu, natɛ̀ɛ nà ò e hvònda ya ama Mòrzè, e kpelì e ma òhva ŋginyà lì aka e mòtò wa hwènàmà wa arzɛ. Hwatò hwà mà hwɛ lì ŋwa tɔ̀ nɛ hwa rzi undɛ e mbenda ya ama Lohwɛ̀ na òma Adàmu à mà e unde. Adàmu ndi à mà hwɛ embànèlì ya e mɔ̀ ema à mà hwɛnɛ lì jà ema a hwèlì Krirztò.

Gàletìyà 3:21

Ène ŋgàna è hwèlì rzɔ ndi nanù ema è mbenda è teŋgɛ̀nɛ lì kàkɛ̀nɛ là ama Lohwɛ̀ e? Jàyɛ̀, rzeketɛ nanù! Ò mà hwɛ tɛ mbenda ema è ŋgba lòŋgɛ là gbìndèyà, ò mà ì tɛmi ndi ehve-ehve ò worzo wò ama Lohwɛ̀ èhwanja ì ji ika.

Hibrù 10:11

Èwòlò ya ama e pìlìrzì ya wònyà Yudà, e hwèlì ndi o lì tɛ̀mɛ̀ lì ŋgbà Lohwɛ̀ nyayi hvɔ̀kɔ ya làhweyà wùnyà tɛ. Ini tumba ja màahweyà i rza tànɛyi lì ulɛ wòhwe wo hwatò.

Hibrù 11:19

Abràhamù a mà lòkɛ̀ nanù ema Lohwɛ̀ a hwɛni ŋginyà o lì hvùmùlɛ̀ tɔ̀ mòtò ema à mà ŋwɛɛ. O eŋgànɛ̀lɛ̀ irzɔ i tanɛ jo òhwa nanù ema Abràhamù à mà timba ndi lì luwa Irzàkì o mburza hwèhvùmùwèlì hwe e kpelì hwe ama Irzàkì.

Hibrù 5:1

Tɔ̀ ima Pìlìrzì e Kàrzàmi ema Lohwɛ̀ a hvɔ̀rzì o ìtììtènì ja hwatò, a mo hvɔ̀rzɔ̀ ndi nanù ema a mo gbèeyà o lìinà la hwaŋga hwatò. Èŋge Pìlìrzì ndi e hwèlì e mɔ̀ ema a wowa màahweyà ma hwatò, rzìi à mà ŋgbà o ma Lohwɛ̀ nàa jàhwèyà na màahweyà aŋga nanù Lohwɛ̀ a o làkìrzɛ̀ wòhwe wo hwatò.

Hibrù 7:11

È hvonda ema hwatò hwa mòtende mò ama Lɛ̀hvì hwa mà hwɛ ipìlìrzì ò èkòmè ya Irzàyɛ̀lì ɔ̀ndi imbenda ì mà ŋgbàahwe wònyà Irzàyɛ̀lì. È hwèlì tɛ ema èwòlò yà Ipìlìrzì jà wònyà Lɛ̀hvì è mà tɛ̀mɛ̀ tɛ ehve-ehve oma ò rzi hwɛ hvɛ tɔ̀ jànda ema ehvɛhvɛ Pìlìrzì è wurza nàa Mɛ̀lkirzɛ̀dɛ̀ki ema à rzi hwɛ ò mòtèndè mò ama Arɔ̀nì.

Hibrù 8:4

O nàŋgɛ rzɔ, e ma hwɛ tɛ nanù ema à mà hwɛ ndi o rze ya mɔ̀nyɛ̀ o ma a rzi hwɛ Pìlìrzì, èhwanja o hwèlì Ipìlìrzì ema ja ahweyà màahweyà na oma e mbenda e ohwi.

Hibrù 9:24

Krirztò mɔ̀ à rzi kpèeyà Èki ya Wòtani ema e ma oŋgahwa ndi na màà mà hwatò hwa hwènàmà, ema e ma àyɛ̀kɛ̀nɛ̀ hwèèmà hwe e ŋmanyu yà lohwà. Krirztò mɔ̀ à mà kpèeyà o ŋmanyu yà lohwà yitɛ-yitɛ, o nàŋgɛ nanù mɔ̀ à tɛmì o worzò wo ama Lohwɛ̀ o lì ohwa o nyòla arzu.

1 Pètrò 3:21

Ndeŋgànɛ̀lɛ̀ manù malìhwà mà tɛmelì ndi lìlùhwìrzɛ̀. O naŋgɛ, lìŋgi lìlùhwìrzɛ̀ lɔ ndi lì gbèyi ɔ̀ndeŋgàtɛ̀ hwatò hwa rzùŋgahwì o lì akeyà na e ŋginyà ya hwèhvùmuwèlì hwe ama Yerzù Krirztò. Lìlùhwìrzɛ̀ lì rza enje ndi o lì ulɛ la ŋmiŋgo ò nyo, ndi lì hwèlì ndi o lì emeyà o lì gbèeyà Lohwɛ̀ na ŋmèma mo rzàŋgi.