Hibrù 9:25 - Mokpwe: Bakwery (New Testament)

²⁵ Mɔ̀ a rzi ɛndɛ aŋga o lì aŋgbɛ mɔ̀ ŋmìti nàa màahweyà rzayi-rzayi ja ŋgelì. Mɔ̀ a rza ɛndɛ na oma e Pìlìrzì e Kàrzàmi e ma ɛndɛ ŋma tɛ o Èki ema e akayi Wòtani Rzayi-rzayi o lì ŋgba màahweyà na màyija ma hwèembè.

Hibrù 9:25 Mawu Ofanana

Hibrù 10:10

Nà oma Yerzù Krirztò à mà emeyà o lì gbeyà na oma Lohwɛ̀ a àrzeyà, o lì aŋgbɛ mɔ̀ ŋmìti nàa màahweyà, e ma jo gbeyà irzɔ hwa arzɛ o lì rzaŋga o worzo wo ama Lohwɛ̀ ŋgèlì hvɔ̀kɔ, o iŋgèlì ja arzɛ.

Hibrù 10:19

Ò eŋgànɛ̀lɛ̀ ìi wònyamòwè, jo òhvi e wònja o lì kpèeyà o eŋge Èki ema e Rzàŋgi lì Akà na Lìmɛ̀nì la Wòrzàŋgì.

Hibrù 9:12

Nà oma Yerzù à mà kpèeyà o lìŋgi lìwondo, à mà kpèeyà ndi o Èki ema e akayi Wòtani Rzayi-rzayi o ŋgelì hvɔ̀kɔ o iŋgèlì ja arzɛ. A rzi wòwe màyija ma mbolì tɔ̀ e màa nyàkà o lì ŋgbà màahweyà, à mà wowa ndi màyija ma eni mɛnɛ. A ma mà gbeyàna o lì jo kɔ̀tɔ̀ o wòhwe wo arzu aŋga nanù jo o hwɛ o lòŋgɛ la gbìndèyà.

Hibrù 9:14

È hwèlì tɛ ema màyija ma hwèembè ma tanɛ ma hwɛnɛ màyìmbì ma lì rzàŋgirzɛ hwatò, nanù oma màyija ma ama Yerzù ma hwɛni màyìmbì rzayi-rzayi o lì rzàŋgirzɛ hwatò. Krirztò ema a rza ohvɛ tɔ̀ wòhwe tɔ̀ wɔ̀kɔ à mà aŋgbɛ mɔ̀ ŋmìti nàa jàhwèyà o lì jo kɔ̀tɔ̀ irzɔ hwa arzɛ. A ma gbeyà ndi ene eyà nanù o lì akeyà na èlìŋgɛ̀ yà wòtani ema e hwɛ natɛ̀ɛ na o gbìndèyà. Màyìjà ma eni mɔ̀ ndi ma jo rzàŋgirzɛyi mèèmà me arzu, ema i rza gbeyà hweyà hwe wòhwe ema hwe jo jàneyà e kpelì. Ndi e àŋgàmɛ̀nɛ̀yi lì gbèeyà Lòohwà la lòŋgɛ.

Hibrù 9:2

Lìwondo ema lì ma ohva tùu ihwàkɛ lì ma oŋgahwa. È tùu ema e ma hwɛ o worzo, e ma hwɛ̀lɛ̀hwɛ̀ nanù ema Èki ema e hwèlì wòtani, mboko ema ètùlù e tɛ̀mɛ̀ e ma hwɛ aŋga, tehwèlì e ma hwɛ na èhvòotò ema hwa ŋgbàna Lohwɛ̀ jàhwèyà.

Hibrù 9:26

Èma hwɛ tɛ nanù, o ma Krirztò à mà àŋgàmɛ̀nɛ̀yi lì taka hvɛ o rzayi-rzayi ja ŋgelì lì wòteya ewèkelì ya e rze ya mɔ̀nyɛ̀. Ndi e rzi hwɛ nanù, Krirztò mɔ̀ à mà jà ndi o ŋgelì hvɔ̀kɔ o iŋgèlì ja arzɛ nàŋgɛ ema e rze ya mɔ̀nyɛ̀ e a kombɛnɛ lìrzukù. Mɔ̀ à mà aŋgbɛ e nyo ya eni nàa jàhwèyà o lì ulɛ wòhwe wo tɔ̀ ima mòtò.

Hibrù 9:7

È Pìlìrzì e Kàrzàmi mɛnɛ ndi e ɛ̀ndɛ o tùu ema e hwèlì o tenì ŋgelì hvɔ̀kɔ o ŋma. È hvonda ema a ɛ̀ndɛ tɛ o lì kpèeyà, a ohva màyija ma èembè ema a ŋgbàna Lohwɛ̀ màahweyà, o wòhwe wo eni, na o wòhwe ema hwatò hwa gbeyànì Lohwɛ̀ e rzi hwɛ wɔ̀ lì hwiya.