Hibrù 9:24 - Mokpwe: Bakwery (New Testament)

²⁴ Krirztò mɔ̀ à rzi kpèeyà Èki ya Wòtani ema e ma oŋgahwa ndi na màà mà hwatò hwa hwènàmà, ema e ma àyɛ̀kɛ̀nɛ̀ hwèèmà hwe e ŋmanyu yà lohwà. Krirztò mɔ̀ à mà kpèeyà o ŋmanyu yà lohwà yitɛ-yitɛ, o nàŋgɛ nanù mɔ̀ à tɛmì o worzò wo ama Lohwɛ̀ o lì ohwa o nyòla arzu.

Hibrù 9:24 Mawu Ofanana

Matiyò 18:10

“È aŋgòwe rzɔ nanù ema e rzi ndinda tɔ̀ mɔ̀kɔ hwa hwànù hwarzàlì. Nà e òhweyà nanù ema i aŋgèlì ema i hwa ɔŋgeya i hwèlì ò wòrzò wò ama Tatɛ̀ wa ami ema a hwèlì ò ŋmanyu yà lohwà.

Makòrzì 14:58

“Ì mà hwèya à òhwi nanù ema, ‘Nà wùulɛ̀ ène Ndawò yà Lohwà ema yò òŋgahwi na hwatò hwa hwènàmà, rzìi ò mèenyà meyawò nà òŋga ehvɛhvɛ ema e rza òŋgahwɛ na màà mà mòtò wa hwènàmà.’”

Makòrzì 16:19

Ò mburzà hvònda ema Rzàŋgò Yerzù à mà hwa òhweyà hwenè hweyà, rzìi Lohwɛ̀ à mò gbeyà à kòòhwà ò ŋmanyu yà Lohwà. À mà lìyà ò lìya là mòmɛ̀ là ama Lohwɛ̀.

Lukàrzɛ̀ 24:51

Nà òmà a mà hwɛ lì hwa nàmìrzɛ̀, rzìi hwa lìiya aŋga, à kòhwà ò ŋmanyu yà Lohwà.

Yòwanìrzɛ̀ 16:28

Nà mà uwɛ̀lɛ̀lɛ̀yi ndi òma Tatɛ̀, rzi nà jà ò rze. Nàŋgɛ nanù imba nà è lìya è rze ò lì ɛ̀ndɛ lì tìmba ò mà Tatɛ̀.”

Yòwanìrzɛ̀ 6:62

Mamɛ e òhwa e ɛni tɛ è Ŋmanà wà è Mòtò wà Hwènàmà a kòòhwa tɛ lì timba ò èki ema à mà uwɛ̀lɛ̀lɛ̀yi!

Hwègbèèlì 3:21

Yerzù a lòma lì lìya hvɔni ò ŋmanyu yà lohwà natɛ̀ɛ e hvònda e ɔlɛ ema Lohwɛ̀ a tikòwa hweyà hwe arzɛ rzi hwe timba hwe hvènya. Nànù ndi Lohwɛ̀ à mà gbeye natɛ̀ɛ na e kòhwa nanù ema hwà-òhwèlì hwa hwèlìŋgɛ̀ hwa Wòtani hwa òhweyà hwatò.

Ròmànì 8:33

Njɛ̀nɛ a tànɛyi lì òhwa nanù ema hwatò ema Lohwɛ̀ a hvɔ̀rzì hwa tùu ŋmàŋgò e? Lohwɛ̀ mɔ̀ ŋmìti ndi à òhwi nanù ema irzɔ i hwèlì ndi hwatò ema ji emeyàlɛhwɛ ò wòrzò wò eni.

2 Kɔ̀rintìyà 5:1

Irzɔ i hwi nanù ema i nyo ja arzu ema jo òhvi anu rze, i gbèyi ndi na mawondo ema i lìya o tenì. Hwa hvàŋgi tɛ maŋga mawondo, irzɔ i hwi ema jo òhvi ndawò o ŋmanyu ya lohwa ema e rza oŋgahwɛ na mòtò wa hwènàmà. Lohwɛ̀ ndi à e oŋgi, ndèŋgànɛlɛ e hwɛ natɛ̀ɛ na o gbìndèyà.

Kòlòrzìyà 3:2

È ika mèèmà mè anyu ò hwèmà ema hwe hwèlì ò ŋmanyu yà lohwà, è rzi ika mèèmà mè anyu ò hwèmà hwe rze yà mɔ̀nyɛ̀.

Hibrù 1:3

Oŋgo Ŋmanà ndi à hwèlì ŋmɛ̀ɛ̀nɛ̀nì mò ŋmàye mò ama Lohwɛ̀, ndèŋgànɛ̀lɛ̀ mɔ̀ ndi à jò uŋmɛ̀lɛ̀ njɛnɛ Lohwɛ̀ à hwèlì nà è jɔ̀kɛ̀, à hwèlì ndi nyàyi hvɔ̀kɔ nà oma Lohwɛ̀ mɔ̀ hvɛ à hwèlì. Màyimbì mà hweyà hwe ama oŋgo Ŋmanà, hwe mà gbeyà hweyà hwe arzɛ hwe ɛndɛ ndi ò worzo nà oma hwe àŋgàmɛ̀nɛ̀yi lì hwɛ. Nà oma mɔ̀ à jò hvɔ̀ɔ̀tì ò wòhwe, mɔ̀ à mà jò gbeyà nanù ema i hwɛ wòtani. Ò mburza nanù à mà lìya ò lìyà là momɛ̀ là ama Lòohwɛ̀ ema lì kàrzàmi ò ŋmanyu yà lohwà.

Hibrù 12:2

Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.

Hibrù 4:14

Ò èŋgànɛ̀lɛ̀ rzɔ nà oma ì hwɛnì è Pìlìrzì è Kàrzàmi Ndɛnɛ, Yerzù è Ŋmanà wà ama Lohwɛ̀, ema à mà lòmɛ lì ɛndɛ ò ŋmanyu yà lohwà ò worzo wò ama Lohwɛ̀, inyɛ ì lɛ̀mbɛ lìlòkɛ̀ là arzu kɔ̀yi-kɔ̀yi.

Hibrù 6:20

Yerzù ndi à mà lòma ò lì kpèeyà ò eŋge èki ò nyòla arzu ò lì jò rzekeya ekì. Ò nàŋgɛ mɔ̀ ndi à mà hwɛ è Pìlìrzì è Kàrzàmi, aŋga ema è hwèlì natɛ̀ɛ nà ò gbìndèyà ŋgàna hvɔ̀kɔ nàa Mɛlkirzɛdɛki.

Hibrù 8:2

A gbèeyà ndi nàa è Pìlìrzì è Kàrzàmi o èki ema e hwèlì wòtani ema hwèèmà hwe wòtani hwe utahwa, o èki ema lìwondo la ama Lohwɛ̀ lì hwèlì. Rzàŋgo Lohwɛ̀ mɔ̀ ŋmitɛ ŋmitɛ ndi à oŋgi lìŋgi lìwondo rzeketɛ hwatò hwa hwènàmà.

Hibrù 8:5

Èwòlò ema iŋgi Pìlìrzì i gbeyà, i hwèlì ndi embànelì na elìŋgɛ̀ ya hwèèmà ema hwe hwèlì o ŋmanyu yà lohwà. Nànù mɛnɛ hvɛ ndi e ma hwɛ na Morzè. È hvonda à mà arze lì oŋga lìwondo la hwetanelì la ama Lohwɛ̀, Lohwɛ̀ à mà mo kòkòwɛ̀lɛ̀ nanù ema, “O ɛnɛ nanù ema o oŋge hwèema hwe arzɛ o lìŋgi lìwondo na oma nà mà o uŋmɛ̀lɛ̀ o hvàko.”

Hibrù 9:1

O nàŋgɛ tɔ̀ yòombò ya mòlòmɛ̀ e ma ohva imbenda ema jo uŋmɛ̀lɛ̀ nɛ hwa kànɛ̀lɛ̀lɛ̀ Lohwɛ̀, ndèŋganɛlɛ hwà mà ohva èki o e rze ya mɔ̀nyɛ̀ ema hwa kànɛ̀lɛ̀lɛ̀ Lohwɛ̀.

Hibrù 9:23

O eŋgànɛ̀lɛ̀ rzɔ, ene eyà ndi e gbèyi ɔ̀ndeŋgàtɛ̀ lìwondo la e rze ya mɔ̀nyɛ̀ na hwèèmà hwe arzɛ ema hwe hwèlì o tenì, hwe ma rzàŋgìrzɛ̀hwɛ na màyija ma hwèembè. O eŋganɛlɛ hwèèmà hwe arzɛ, hwe àyɛ̀kɛ̀nɛ̀ hwèèmà ema hwe hwèlì o ŋmanyu ema hwe hwèlì na e jɔ̀kɛ̀. Ndi hweŋge hwèèmà ema hwe hwèlì o ŋmanyu, hwe ma àŋgàmɛ̀nɛ̀yi ndi lì hwe rzàŋgìrzɛ̀ na màyija emà mà akayi e màa hwèembè.

Hibrù 9:9

Lìŋgi lìwondo lì uŋmɛ̀lɛ̀ ndi hweyà ema hwe gbèyɛ̀nɛ yàwono. Ène eyà e jo uŋmɛ̀lɛ̀ ndi nanù ema jàhwèyà, na màahweyà ma hwèembè ema hwatò hwa mà hwɛ lì ŋgbà Lohwɛ̀, hwe rzi tànɛyi lì rzàŋgirzɛ ŋmèma mo mòtò ema a ŋgbà làhweyà.

1 Pètrò 3:22

Krirztò ema mɔ̀ à mà ɛndɛ ò ŋmanyu yà lohwà ndèŋganɛlɛ à lìyàyi ò ehvàrzu yà lìya là momɛ̀ là ama Lohwɛ̀, à kànèyà i aŋgèlì jà arzɛ, hwàkànèlì hwa arzɛ nà iŋginyà ja arzɛ ja ŋmanyu.

Hwèwulùwèlì 8:3

Aŋga ndi nà à ɛnɛ ehvɛhvɛ aŋgèlì e jelì e tɛ̀mɛ̀ o worzo wo ètàwo ya itùwà, e tɛ̀tɛ̀ ewoki ya gòòlù ema aŋga ndi hwa rzɛlɛlɛ itùwà o tenì. Hwà mà mo ŋgba itùwà rzayi-rzayi nanù ema mɔ̀ à hwatɛ o hwèèmà hwe hwatò hwa ama Lohwɛ̀ o lì ŋgba màhwèyà ma gòòlù, o ètàwo ya gòòlù, eŋge ètàwo e ma hwɛ o worzo wo e konda ya lìkànèyà.