Hibrù 9:19 - Mokpwe: Bakwery (New Testament)

¹⁹ Morzè à mà loma lì ohweyà hwatò imbenda ja arzɛ ema Lohwɛ̀ à mà ohwe nanù ema hwatò hwa ika. O e mbenda ya ama Lohwɛ̀ o mburzà nanù à mà wowa màyija ma mbolì na e ma nyàkà à mà hvuŋguwanɛlɛ na malìhwa. A ma gbeyàna ekɔ̀kɔ̀ ya gbee wo hìrzɔ̀pì na majumbu ma mbolì ema e teya, rzìi a hvahva màŋga màyija o tenì ya e kààti ema iŋgi mbenda i ma tilàhwe na o inyo ja hwatò.

Hibrù 9:19 Mawu Ofanana

Matiyò 27:28

Hwa mà mò rzòlòwà lìwɔti rzìi hwa mò wɔ̀tìrzɛ̀ mòŋgòmbè mò teyàa ema mò gbèyi ndi nàa mòŋgòmbe mò ama è kiŋgɛ.

Makòrzì 15:17

Hwa mà mò wɔ̀tìrzɛ̀ mòŋgòmbè mò teyàa ema mò mà ayèkɛnɛ̀ mòŋgòmbè mò kìŋgɛ̀. Rzìi hwa òŋgà èkòòtò yà kìŋgɛ̀, hwa mò wɔ̀tìrzɛ̀ è yɔ̀ ò mòhvò mò eni.

Makòrzì 15:20

È hvònda hwa mà kulɛ lì mò kùwa, hwa ulɛ mòŋgò mòŋgòmbè ò nyò yà èni rzìi hwa mò wɔ̀tìrzɛ̀ lìhwàtù la eni. Rzìi hwa mò wòwa ò lì ɛ̀ndɛ lì mò wòmeyà ò mbarza.

Yòwanìrzɛ̀ 19:2

Hwàànà njùma rzi hwa lìŋgɛ̀lɛ̀ hwèkɔ̀kɔ̀ hwe mayi è mà hwe mà òhva ì njenje, rzìi hwa wèka tamba ema è mà àyɛ̀kɛ̀nɛ̀ ekòòtò rzìi hwa mò wɔ̀tìrzɛ̀ è yɔ̀ ò mòhvò. Rzìi hwa mò wɔ̀tìrzɛ̀ hvɛ mòŋgòmbè mò teya ema mò mà àyɛ̀kɛ̀nɛ̀ mòŋgòmbè mò ama kiŋgɛ̀.

Yòwanìrzɛ̀ 19:5

Yerzù rzìi à wurza ò èwòka nà è tamba yà njenje ò mòhvò mò eni nà mòŋgòmbè mò teya ema hwa mà mò wɔ̀tìrzɛ̀. Pìlatò rzìi à òhwa nanù ema, “È ɔ̀ŋgɔ tɛ è mòtò mɔ̀ ònò!”

Hibrù 1:1

Ò màrzalɛ Lohwɛ̀ à mà òhwìrzɛ̀nɛ̀ ì mbamba jà arzu jà kòhwà nyayi nà nyayi jà ŋgelì nà rzayì-rzayì jà mà njiya lì akeyà nà hwà-òhwèlì hwa hwèlìŋgɛ̀.

Hibrù 10:22

Inyɛ̀ i keke o lì ɛndɛ lì kombɛnɛ Lohwɛ̀ nà mèèmà mɔ̀kɔ na o lì mo ŋgbà mèèmà me arzu me arzɛ. Ène eyà e hwèlì ndi nanù èhwanja màyija ema Yerzù à mà kome o mbarza, mà rzaŋgirzɛ mèèmà me arzu. Mɔ̀ a timbi hvɛ o lì jo rzaŋgirzɛ na malìhwa ema mà rzaŋgi kɛɛŋgɛŋgɛ.

Hibrù 10:4

èhwanja màyija ma nyàkà na mbolì ma rza tànɛyi lì ulɛ wòhwe wo hwatò.

Hibrù 12:24

Inyɔ e ma jà oma Yerzù mɔ̀ ema a tɛmi o ìtììtènì ja hwatò na Lohwɛ̀ na yòombò e hvènya. Inyɔ e ma jà nàŋgɛ o ma Yerzù a hwèlì lì e hvahva màyija ma eni. Maŋga màyija ma mà jo ŋgba ndèli lì aka màyija ma ama Abɛ̀lì.

Hibrù 9:12

Nà oma Yerzù à mà kpèeyà o lìŋgi lìwondo, à mà kpèeyà ndi o Èki ema e akayi Wòtani Rzayi-rzayi o ŋgelì hvɔ̀kɔ o iŋgèlì ja arzɛ. A rzi wòwe màyija ma mbolì tɔ̀ e màa nyàkà o lì ŋgbà màahweyà, à mà wowa ndi màyija ma eni mɛnɛ. A ma mà gbeyàna o lì jo kɔ̀tɔ̀ o wòhwe wo arzu aŋga nanù jo o hwɛ o lòŋgɛ la gbìndèyà.

Hibrù 9:13

O mòlòmɛ̀, hwà mà wowa ndi màyija ma imbolì na inyàkà, rzìi hwa wowa hvɛ lìwu la e ŋguma ya nyàkà ema hwà mà rzɛlɛ, rzìi hwa lì hvahva o inyo ja hwatò ema hwa rza rzàŋgɛ o worzo wo ama Lohwɛ̀ aŋga nanù hwa rzàŋga.

Hibrù 9:18

Nànù ɔ̀ndeŋgàtɛ̀ yòombò ya mòlòmɛ̀ ema Lohwɛ̀ à mà aàtɛ na e mòtò wa hwènàmà e rzi hwɛnɛ tɔ̀ màyìmbì natɛ̀ɛ màyija ma àŋgàmɛ̀nɛ̀yi lì komahwa.

1 Pètrò 1:2

Lì hvomɛ̀nɛ̀ hwètɛ̀yìrzèlèlì hwe ama Lohwɛ̀ è Tatɛ̀, mɔ̀ à ma lòma lì è hvɔ̀rzɔ̀. Ndeŋgànɛ̀lɛ̀ è Èlìŋgɛ̀ yà eni è mà è gbeyà ò lì hwɛ hwatò ema hwa rzàŋgì. À mà gbeyà nanù aŋga nanù inyɔ è hwɛ ò lì gbeyà mamɛ ema Yerzù Krirztò à ohwi nanù ema è gbeye. À mà gbeyà nanù aŋga nanù, màyija mà eni emà ma mà rzihweyà ò mbàrza mà gbeyà wòhwe wò anyu wò ò làkìrzɛ̀hwɛ̀. Inyɛ̀ è ndèli nà ɛ̀yɔ̀lɛ̀ yà ama Lohwɛ̀ ema lì ondìrzɛ̀hwɛyi è hwɛ nà inyɔ̀.