Hibrù 9:16 - Mokpwe: Bakwery (New Testament)

¹⁶ Yòombò e hwèlì ndi nàa lì rzàrzowa, tɔ̀ ima hvonda ema mòtò a rzàrzowa lìrzàŋgo la eni, e hwɛni ndi lì uŋmɛ̀lɛ̀ nanù ema e mòtò ema a rzàrzowi erzàŋgo ya eni à mà màa lì ŋwa. Ndi hwa àŋgàmɛ̀nɛ̀yi lì oŋgama mamɛ ema mɔ̀ à rzàrzowi.

Hibrù 9:16 Mawu Ofanana

Ròmànì 5:12

Mòtò mɔ̀kɔ ndi à mà gbeyà ndèŋgàna wòhwe wò jà ò rze, ndèŋgànɛlɛ wòhwe wɔ̀ ndi wò jànà e kpelì. O eŋgànɛ̀lɛ̀ rzɔ tɔ̀ ima mòtò a ŋwa èhwanja hwatò hwa hwènàmà hwa arzɛ hwà mà gbeyà wòhwe.

Ròmànì 6:23

Inyɛ̀ inyɔ e hwiye nanù ema mòrzàhwèlì ema mòtò a luwa ò lì gbeyà wòhwe mò hwèlì ndi e kpelì. Ndi jàhwèyà ema Lohwɛ̀ a ŋgba hwatò ò ŋgundu i hwèlì ndi lòŋgɛ la gbìndèyà. Irzɔ i ma lì luwa èhwanja i hwèlì ndi na Yerzù Krirztò e Rzàŋgò ya arzu.

1 Kɔ̀rintìyà 15:22

Hwatò hwa arzɛ hwa ŋwa èhwanja hwa hwèlì ndi mòtò mɔ̀kɔ na Adàmu. Ŋgana hvɔ̀kɔ mɛnɛ nanù ndi Lohwɛ̀ a gbeyà hwatò hwa rze hwa hvùmùwà na oma hwa hwèlì mòtò mɔ̀kɔ na Krirztò.

Hibrù 1:3

Oŋgo Ŋmanà ndi à hwèlì ŋmɛ̀ɛ̀nɛ̀nì mò ŋmàye mò ama Lohwɛ̀, ndèŋgànɛ̀lɛ̀ mɔ̀ ndi à jò uŋmɛ̀lɛ̀ njɛnɛ Lohwɛ̀ à hwèlì nà è jɔ̀kɛ̀, à hwèlì ndi nyàyi hvɔ̀kɔ nà oma Lohwɛ̀ mɔ̀ hvɛ à hwèlì. Màyimbì mà hweyà hwe ama oŋgo Ŋmanà, hwe mà gbeyà hweyà hwe arzɛ hwe ɛndɛ ndi ò worzo nà oma hwe àŋgàmɛ̀nɛ̀yi lì hwɛ. Nà oma mɔ̀ à jò hvɔ̀ɔ̀tì ò wòhwe, mɔ̀ à mà jò gbeyà nanù ema i hwɛ wòtani. Ò mburza nanù à mà lìya ò lìyà là momɛ̀ là ama Lòohwɛ̀ ema lì kàrzàmi ò ŋmanyu yà lohwà.

Hibrù 13:20

O eŋgànɛ̀lɛ̀ rzɔ, Lohwɛ̀ ndi à ŋgba hwatò ɛ̀yɔ̀lɛ̀, ndeŋgànɛ̀lɛ̀ mɔ̀ ndi à hvùmùlɛ̀ Yerzù, e Rzàŋgo ya arzu. Yerzù mɔ̀ à hwèlì e Mɔ̀ŋgèlì ema e imbami wa Mɛ̀lɛ̀ŋgù ema hwà mà gbeyànɛ màyija ma eni o lì gbeyà lì emeyà la mòlìkɛ̀ o ìtììtènì ja ama Lohwɛ̀ na mɛ̀ɛlɛ̀ŋgù me eni.

Hibrù 9:15

Lìtìŋga lìiŋgi ema lì gbèyi Krirztò o lì hwɛ e mòtò wa ìtììtènì wa yòombò hvènya aŋga nanù hwatò ema Lohwɛ̀ mɔ̀ à hvɔ̀rzì hwa o luwa mònàmɛ̀ ema mo o hwɛ natɛ̀ɛ na o gbìndèyà. Moŋgo mònàmɛ̀ ndi Lohwɛ̀ a ohwi nanù ema a o ŋgba hwatò hwa eni. È kpelì ema Krirztò a ŋwelì, yɔ ndi e gbèyi ndeŋgatɛ ene eyà e gbèyɛ̀nɛ nanù. È kpelì ya eni e ma kɔ̀tɔ̀ hwatò o wòhwe ema hwà mà hwɛ lì gbeyà e hvonda ema yòombò ya mòlòmɛ̀ e ma hwɛ lì hwa kànèyà.

Hibrù 9:17

Ène eyà e hwèlì ndi nanù ehwànja, e hvonda ema e mòtò ema a rzàrzowi erzàŋgo ya eni a ŋwelì tɛ, ɔ̀ndi lìrzàrzowa la eni lì hwɛnɛ màyìmbì. Lìrzàrzowa lì rza hwɛni màyìmbì e hvonda ema e mòtò ema a rzàrzowa erzàŋgo ya eni a e hwèlì lòŋgɛ.

Jèmìrzì 2:10

Tɔ̀ njɛnɛ hvɛ ema a undi mbenda hvɔ̀kɔ nanù oma mɔ̀ à jo undi ja arzɛ.