Hibrù 9:13 - Mokpwe: Bakwery (New Testament)

¹³ O mòlòmɛ̀, hwà mà wowa ndi màyija ma imbolì na inyàkà, rzìi hwa wowa hvɛ lìwu la e ŋguma ya nyàkà ema hwà mà rzɛlɛ, rzìi hwa lì hvahva o inyo ja hwatò ema hwa rza rzàŋgɛ o worzo wo ama Lohwɛ̀ aŋga nanù hwa rzàŋga.

Hibrù 9:13 Mawu Ofanana

Hwègbèèlì 15:9

Lohwɛ̀ a rzi gbèye tɔ̀ ndandò ò wɔ̀ tɔ̀ irzɔ, èhwanja mɔ̀ à mà hwa làkirzɛ wòhwe wò awu lì akeyà na lìlòkɛ̀ la awu.

Hibrù 10:29

Mòtò a rza wowi tɛ e Ŋmanà wà mùnyanà wa ama Lohwɛ̀ nàa tɔ̀ eyà, nanù oma mɔ̀ à rza wowi màyija ma yòòmbò ya ama Lohwɛ̀ ema mà mo gbèyi ema a hwɛ worzaŋgi nàa tɔ̀ eyà. Ndèŋgàna e hwèlì tɛ ema mɔ̀ à hwɛnyɛ Èlìŋgɛ̀ ema e jànà ndèli nɛ rzɔ e kɔ̀kìrzɛ̀ ya ama ene nyayi ya mòtò e tànɛyi lì hwɛ e?

Hibrù 10:4

èhwanja màyija ma nyàkà na mbolì ma rza tànɛyi lì ulɛ wòhwe wo hwatò.

Hibrù 9:19

Morzè à mà loma lì ohweyà hwatò imbenda ja arzɛ ema Lohwɛ̀ à mà ohwe nanù ema hwatò hwa ika. O e mbenda ya ama Lohwɛ̀ o mburzà nanù à mà wowa màyija ma mbolì na e ma nyàkà à mà hvuŋguwanɛlɛ na malìhwa. A ma gbeyàna ekɔ̀kɔ̀ ya gbee wo hìrzɔ̀pì na majumbu ma mbolì ema e teya, rzìi a hvahva màŋga màyija o tenì ya e kààti ema iŋgi mbenda i ma tilàhwe na o inyo ja hwatò.

1 Pètrò 1:22

O naŋgɛ ema inyɔ e gbeyà hweyà hwe jɔ̀kɛ̀, hwe ma e gbeyà inyɔ e ma rzaŋga. Ène eyà e ma gbeyà nanù ema inyɔ na hwahvɛhvɛ hwatò ema hwa lokɛ Krirztò e ma alìŋgànɛ mɔ̀kɔ na ɔ̀nɛyi. O eŋgànɛ̀lɛ̀, e a lìŋganɛ na mèèmà me anyu kɔ̀yi-kɔ̀yi.