Hibrù 9:10 - Mokpwe: Bakwery (New Testament)

¹⁰ Ini mbenda ja arzɛ i ma hwɛ ndi mbenda ja hwèlèèlì na hwènyɔ̀ɔ̀nì na hwehvɛhvɛ hweyà rzayi-rzayi ema hwatò hwà mà gbeeye o lì arzàŋgìrzɛ̀ wɔ̀ hwiti. Ini mbenda ja arzɛ i hwèlì ndi imbenda ja e nyàma ya nyo ema jo o kuwɛ e hvonda ema Lohwɛ̀ a o rzèeya hweyà hwe arzɛ.

Hibrù 9:10 Mawu Ofanana

Makòrzì 7:4

Mòtò ema à uhwɛlɛlɛ ò èlùwà, a rza tanɛ̀yi lì làa mòlèlì, e rzi hwɛ ema mɔ̀ à ɔki màlìhwa. Wɔ̀ hwa mà ika hvɛ hwɛ̀ɛ̀mɛ̀ hwe awu hwe rzayì-rzayì, nàa ò lì rzòrza la màwònde, hwèyɔ̀ŋgɔ̀, ìkòmbò ja hwɛ̀ɛkɛ na ì kètèlì.

Gàletìyà 4:9

Ndi nàŋgɛ ema e hwi Lohwɛ̀, tɔ̀ na ohwa ndi nàŋgɛ nanù ema, Lohwɛ̀ a e hwi, nɛ rzɔ inyɔ e arza lì timba lì hwɛ hwàkòmì hvɛ o rze ya e ŋginyà ya ene rze.

Ɛ̀hvìrzìyà 1:10

Lohwɛ̀ à mà tɛ̀yirzɛ̀ nanù ema à ò gbeyà hwene hweyà hwe arzɛ ò è hvonda yà jɔ̀kɛ̀. Ò eŋge hvonda à ò rzàŋga hwèèmà hwe arzɛ ema hwe hwèlì ò ŋmanyu yà lohwà nà ò rze yà mɔ̀nyɛ̀ rzìi hwe hwɛ ò rze yà ama Yerzù Krirztò ema mɔ̀ ndi à hwèlì mòòhvò.

Ɛ̀hvìrzìyà 2:15

À mà gbeyà è mbenda yà wònyà Yudà è rza ohvi ŋginyà hvɛ. À mà gbèeyà ndi nanù, aŋga nanù, à rzàŋga wònyà Yudà nà hwaŋga ema hwa rza enje wònyà Yudà ò lì tìmba nàa mòtò mɔ̀kɔ mohvènya ema nà wɔ̀ hwa hwɛ ndi mòtò mɔ̀kɔ nà Krirztò. Ò èŋgànɛ̀lɛ rzɔ nà oma à gbèyi ene eyà nanù, mɔ̀ à mà jànà ɛ̀yɔ̀lɛ̀ ò ìtììtènì jà wònyà Yudà nà hwaŋga ema hwa rza enje wònyà Yudà.

Kòlòrzìyà 2:16

Ò eŋgànɛ̀lɛ rzɔ, è rza emeyà nanù ema hwatò hwa è ohweyà nanù ema, inyɔ è mà gbeyà lùurzè ehwànja è làa nyàyi jà melelì tɔ̀ ehwànja è nyɔ lòŋgo là hwènyɔ̀ɔ̀nì, tɔ̀ ehwànja è ukelì nyàyi jà ndèma, tɔ̀ ò è ndèma ema è ò hwɛ è ŋgbɛndɛ è wurzi tɛ ò ŋmanyu, tɔ̀ ò è ndèma yà Wùnyà wò lì Arzìyòlɛ.

Hibrù 10:22

Inyɛ̀ i keke o lì ɛndɛ lì kombɛnɛ Lohwɛ̀ nà mèèmà mɔ̀kɔ na o lì mo ŋgbà mèèmà me arzu me arzɛ. Ène eyà e hwèlì ndi nanù èhwanja màyija ema Yerzù à mà kome o mbarza, mà rzaŋgirzɛ mèèmà me arzu. Mɔ̀ a timbi hvɛ o lì jo rzaŋgirzɛ na malìhwa ema mà rzaŋgi kɛɛŋgɛŋgɛ.

Hibrù 13:9

È rzi kèka lì lùkɛlɛhwɛ na hwèyokòlelì ema hwe ayeŋgòwɛ̀. O lɔ̀wu nanù ema è ndèli ya ama Lohwɛ̀ è ètìrzɛ, rzeketɛ imbenda lì hvomɛ̀nɛ̀ mòlelì. Iŋgi mbenda e rza ohvi tɔ̀ mɔ̀rzɛ̀ŋgì na hwaŋga ema hwa ja ika.

Hibrù 2:5

Rzeketɛ i aŋgèlì ndi Lohwɛ̀ a rzekelì nanù ema i kànèyà e rze ya mɔ̀nyɛ̀ hvènya ema irzɔ jo ohwi nanù ema e o jà.

Hibrù 6:2

Hwa okolɛ hwatò lì hvomɛ̀nɛ̀ lìlùhwìrzɛ̀, na lì hvomɛ̀nɛ̀ lì hwàkɛ la màa o meyohvo me hwatò, ndèŋgànɛ̀lɛ̀ i hwi nanù ema hwa àŋgàmɛ̀nɛ̀yi lì okolɛ hwatò lì hvomɛ̀nɛ̀ hwèhvùmùwèlì hwe kpèelì, na lì hvomɛ̀nɛ̀ hwèkàyìrzèlì ema hwe hwèlì natɛ̀ɛ na o gbìndèyà.

Hibrù 6:5

Hwanu hwatò ema hwà mà kèkɛ̀ wotɛ̀lu wo eyà ya Lohwà ndèŋgànɛ̀lɛ̀ hwà mà ɛnɛ màyìmbi ema mo o hwɛ e hvonda ema Lohwɛ̀ a o kànèyà.

Hibrù 7:12

È mà hwɛ tɛ nanù ema mòtèndè mò Ipìlìrzì mò mà eŋgòwahwa, nanù oma e mbenda hvɛ e àŋgàmɛ̀nɛ̀ lì eŋgòwahwa.

Hibrù 7:16

Rzeketɛ imbenda ema i tɛ̀yirzɛhwɛ na hwatò jɔ ndi i ma mo gbeyà ema a hwɛ pìlìrzì. Ndi a hwèlì e pìlìrzì ehwànja mɔ̀ à ohvi màyìmbi ma lì hwɛ o lòŋgɛ natɛ̀ɛ na o gbìndèyà na o gbìndèyà.

Hibrù 9:1

O nàŋgɛ tɔ̀ yòombò ya mòlòmɛ̀ e ma ohva imbenda ema jo uŋmɛ̀lɛ̀ nɛ hwa kànɛ̀lɛ̀lɛ̀ Lohwɛ̀, ndèŋganɛlɛ hwà mà ohva èki o e rze ya mɔ̀nyɛ̀ ema hwa kànɛ̀lɛ̀lɛ̀ Lohwɛ̀.