Hibrù 9:1 - Mokpwe: Bakwery (New Testament)

¹ O nàŋgɛ tɔ̀ yòombò ya mòlòmɛ̀ e ma ohva imbenda ema jo uŋmɛ̀lɛ̀ nɛ hwa kànɛ̀lɛ̀lɛ̀ Lohwɛ̀, ndèŋganɛlɛ hwà mà ohva èki o e rze ya mɔ̀nyɛ̀ ema hwa kànɛ̀lɛ̀lɛ̀ Lohwɛ̀.

Hibrù 9:1 Mawu Ofanana

Lukàrzɛ̀ 1:6

Lòŋgɛ là ama Rzàkàriyà nà Èlìrzabɛ̀tì lì mà hwɛ gbamù ò wòrzò wò ama Lohwɛ̀. Wɔ̀ hwa mà ika imbenda ja ama e Rzàŋgò ndèŋgàna wɔ̀ hwa mà gbeyà mamɛ ema è ma lɔ̀wu.

Ròmànì 9:4

Hwàtò hwa ami hwa hwèlì ndi hwatò hwa Irzàyɛ̀lì. Lohwɛ̀ à mà òhwa nanù ema mɔ̀ à mà hwa wòwa nàa hwàanà hwa eni, rzi a hwa wuluweya hvɛ ŋmàye mò eni. Lohwɛ̀ à mà gbeyà hwèyòmbò hwe eni na wɔ̀, rzi a hwa ŋgba e mbenda. A ma hwa uŋmɛ̀lɛ̀ nɛ hwa hwɛni lì mò ŋgba èluhwe, ndèŋgànɛ̀lɛ̀ à mà hwa òhweyà nanù ema a gbeyà mamɛ ema à mà òhwe nanù ema a gbeyà.

Kòlòrzìyà 2:8

È rzi emeyà nanù ema tɔ̀ mòtò a e wowe nàa hwàkòmì o lì oŋgama hwèyòkòlèlì hwe ŋgundu hwe mòlaŋgà ema hwa e okolɛ. Hwèokòlèlì ema hwa e okolɛ hwe hwèlì ndi hwèyòkòlèlì ema hwà mà wowane imbamba ja awu, ndèŋgànɛ̀lɛ̀ hweŋge hwèyòkòlèlì hwe oŋgama ndi imbenda ja hwèèmà hwe e rze ya mɔ̀nyɛ̀. Hweŋge hwèyòkòlèlì hwe uwɛ̀lɛ̀lɛ̀yi ndi o hwatò hwa hwènàmà hwa hvɔ̀rzɔ̀ rzeketɛ o ma Krirztò.

Hibrù 8:13

Jòòhwì ema Lohwɛ̀ à ohwi lì hvomɛ̀nɛ̀ yòombò ehvènya è uŋmɛ̀lɛ̀ nanù ema à mà ohva yòòmbò yà mòlòmɛ̀ è rza gbeyàhwɛnɛ hvɛ. Ndèŋgànɛlɛ tɔ̀ yòma ema hwa rza gbeyàna hvɛ, ema è mà unɛ̀, è ò nyɔ̀ŋgɔ̀ ŋmanà mbɔ̀.

Hibrù 8:2

A gbèeyà ndi nàa è Pìlìrzì è Kàrzàmi o èki ema e hwèlì wòtani ema hwèèmà hwe wòtani hwe utahwa, o èki ema lìwondo la ama Lohwɛ̀ lì hwèlì. Rzàŋgo Lohwɛ̀ mɔ̀ ŋmitɛ ŋmitɛ ndi à oŋgi lìŋgi lìwondo rzeketɛ hwatò hwa hwènàmà.

Hibrù 8:7

È ma hwɛ tɛ nanù ema yòombò ya mòlòmɛ̀ e ma gbeyà hwatò o lì emeyàhwa o worzo wo ama Lohwɛ̀, o ma o rzi hwɛ ehvɛhvɛ yòombò.

Hibrù 9:24

Krirztò mɔ̀ à rzi kpèeyà Èki ya Wòtani ema e ma oŋgahwa ndi na màà mà hwatò hwa hwènàmà, ema e ma àyɛ̀kɛ̀nɛ̀ hwèèmà hwe e ŋmanyu yà lohwà. Krirztò mɔ̀ à mà kpèeyà o ŋmanyu yà lohwà yitɛ-yitɛ, o nàŋgɛ nanù mɔ̀ à tɛmì o worzò wo ama Lohwɛ̀ o lì ohwa o nyòla arzu.