Hibrù 8:13 - Mokpwe: Bakwery (New Testament)

¹³ Jòòhwì ema Lohwɛ̀ à ohwi lì hvomɛ̀nɛ̀ yòombò ehvènya è uŋmɛ̀lɛ̀ nanù ema à mà ohva yòòmbò yà mòlòmɛ̀ è rza gbeyàhwɛnɛ hvɛ. Ndèŋgànɛlɛ tɔ̀ yòma ema hwa rza gbeyàna hvɛ, ema è mà unɛ̀, è ò nyɔ̀ŋgɔ̀ ŋmanà mbɔ̀.

Hibrù 8:13 Mawu Ofanana

Matiyò 24:35

È ŋmanyu nà è rze hwe ò kùwa lì aka ndi hweyòhwèlì hwe ami hwe ò hwɛ ò i hvònda ja arzɛ.

Lukàrzɛ̀ 22:20

È hvònda ema hwa mà kulɛ̀ ò lì làa, nyayi hvɔ̀kɔ mɛnɛ, à hwà ŋgbà lìwònde rzìi à òhwa nanù ema, “lìni lìwònde là mimba, lì hwèlì ndi yòòmbò è hvènya lì hvòmɛ̀nɛ̀ Lohwɛ̀ nà inyɔ, è hweyi yà màyija mà ami, ema mà hwɛnì lì è rzòweyà ò nyòla ya ànyu.

1 Kɔ̀rintìyà 13:8

È ndìŋgɛ e rza kùwa. Ndi hweyohwèlì hwe ŋmɛ̀ndì mo ama Lohwɛ̀, hwe kùwa. Li ohwa la ihvɛhvɛ mbɔrzi lì ohvɛ lì kùwa. È hwɛ ndi lìhwiyè, lɔhvɛ lì kùwà.

2 Kɔ̀rintìyà 3:6

Mɔ̀ ŋmìti ndi à jo gbèyi ema i tànɛyi o lì ohwa moŋgo ŋmɛ̀ndì mo yòòmbò ehvènya. Rzeketɛ ŋmɛ̀ndì mo lì oŋgama imbenda ja yòòmbò ya koohwa. Hwatò ema hwa ika iŋgi mbenda hwa ŋwa, ndèŋgàna hwa rza hwɛ na Lohwà. Ŋmɛ̀ndì mo lì oŋgama yòòmbò ehvènya ema irzɔ jo òkolɛ mo hwèlì ndi ema Lohwɛ̀ à mà ŋgba hwatò èlìŋgɛ̀ yà wòtani, ndèŋgànɛlɛ mɔ̀ à mà gbeyà hvɛ nanù ema wɔ̀ hwa hwɛ na mɔ̀ natɛ̀ɛ na o gbìndèyà.

2 Kɔ̀rintìyà 5:17

O èŋgànɛ̀lɛ̀ rzɔ, tɔ̀ njɛnɛ ema a hwèlì mɔ̀kɔ na Krirztò a hwèlì ndi ewèkèlì hvènya. Hwègbèèlì hwe eni hwe arzɛ hwe koohwa hwe ma aka, ndèŋgànɛlɛ a hwɛni ndi hwègbèèlì hwe hvènya hwe arzɛ nàŋgɛ.

Hibrù 1:11

Hweŋge hwèemà hwe arzɛ hwe o kùwa, ndi o wa, o ò hwɛ natɛ̀ɛ na o gbìndèyà. Hweŋge hwèèmà hwe arzɛ hwe o kɔ̀rzɔ̀ na lìhwatu.

Hibrù 12:24

Inyɔ e ma jà oma Yerzù mɔ̀ ema a tɛmi o ìtììtènì ja hwatò na Lohwɛ̀ na yòombò e hvènya. Inyɔ e ma jà nàŋgɛ o ma Yerzù a hwèlì lì e hvahva màyija ma eni. Maŋga màyija ma mà jo ŋgba ndèli lì aka màyija ma ama Abɛ̀lì.

Hibrù 7:22

O lì hvomɛ̀nɛ̀ ene yombò rzɔ, Yerzù mɔ̀ ndi à hwèlì eembànelì ema e jo uŋmɛ̀lɛ̀ nanù ema, yòombò ya ama Lohwɛ̀ e rza àyèŋgowɛ̀.

Hibrù 8:6

Ndi o nàŋgɛ rzɔ Lohwɛ̀ a ŋgbelì Yerzù èwòlò ya Pìlìrzì ema e akayi hwèwòlò hwe i pìlìrzì ja kòohwa. Ŋgana hvɔ̀kɔ hvɛ na lì ahvìyànɛ̀ ema Yerzù a jànelì Lohwɛ̀ na hwatò hwa eni, lì akayi lì ahvìyànɛ̀ la worzo ema hwà mà lome lì hwɛnɛ ehwànja Lohwɛ̀ mɔ̀ à mà maà lì kàkɛ̀nɛ hwatò nanù ema a o hwa ŋgbà hwema hwe gbamù.

Hibrù 8:8

Ndi Lohwɛ̀ à mà ɛnɛ njɔ̀mi na hwatò hwa eni, rzìi a ohwa nanù ema, “Imba e Rzàŋgo na ohwa nanù ema, wùùnya wo hwèlì wo jà, ema imba na o aàtɛ yombò hvènya, na hwatò hwa Irzàyɛ̀lì, na hwatò hwa Yudà.

Hibrù 9:15

Lìtìŋga lìiŋgi ema lì gbèyi Krirztò o lì hwɛ e mòtò wa ìtììtènì wa yòombò hvènya aŋga nanù hwatò ema Lohwɛ̀ mɔ̀ à hvɔ̀rzì hwa o luwa mònàmɛ̀ ema mo o hwɛ natɛ̀ɛ na o gbìndèyà. Moŋgo mònàmɛ̀ ndi Lohwɛ̀ a ohwi nanù ema a o ŋgba hwatò hwa eni. È kpelì ema Krirztò a ŋwelì, yɔ ndi e gbèyi ndeŋgatɛ ene eyà e gbèyɛ̀nɛ nanù. È kpelì ya eni e ma kɔ̀tɔ̀ hwatò o wòhwe ema hwà mà hwɛ lì gbeyà e hvonda ema yòombò ya mòlòmɛ̀ e ma hwɛ lì hwa kànèyà.