Hibrù 7:6 - Mokpwe: Bakwery (New Testament)

⁶ Mɛ̀lkirzɛ̀dɛ̀ki a rzi uwɛ̀lɛ̀lɛ̀yi o nyɔ̀ŋgɔ̀ni ya wònya Lɛ̀hvì ndi Abràhamù à mà mo ŋgba lòŋgo lɔ̀kɔ la lìyomɛ la hwèèmà. A ma nàmìrzɛ̀ Abràhamù ema Lohwɛ̀ à mà lome lì ŋgba lì kàkɛ̀nɛ.

Hibrù 7:6 Mawu Ofanana

Hwègbèèlì 3:25

Eyà ema Lohwɛ̀ à mà òhwe lì akeyà na hwà-òhwèlì hwa hwèlìŋgɛ̀, e ma hwɛ ndi lì e hvòmɛ̀nɛ̀, inyɔ hvɛ e hwɛni lìkayi ò yòòmbò ema Lohwɛ̀ à mà aàtɛ na imbamba ja anyu ja kòhwa. Lohwɛ̀ à mà òhweyà Abràhamù nanù ema, ‘Nà ò nàmìrzɛ̀ hwatò hwa arzɛ ò rze ya mɔ̀nyɛ̀ lì akeyà na e nyɔ̀ŋgɔ̀ni ya aŋgɔ.’

Ròmànì 4:13

Mamɛ ema i hwi e hwèlì ndi nanù ema, natɛ̀ɛ na e kòhwa Lohwɛ̀ a mà òhweyà Abràhamù nà e nyɔ̀ŋgɔ̀nì ya eni nanù ema a hwa ŋgba è rze ò màà mà awu. Lohwɛ̀ a rza òhwe ndi nanù èhwanja Abràhamù à mà ika e mbenda, Lohwɛ̀ à mà òhwa ndi nanù èhwanja Abràhamù à mà mò lòkɛ̀ ndèŋgàna Lohwɛ̀ à mà mò wòwa ndi nàa mòtò ema à tɛmi ehve-ehve nà Lohwɛ̀.

Ròmànì 9:4

Hwàtò hwa ami hwa hwèlì ndi hwatò hwa Irzàyɛ̀lì. Lohwɛ̀ à mà òhwa nanù ema mɔ̀ à mà hwa wòwa nàa hwàanà hwa eni, rzi a hwa wuluweya hvɛ ŋmàye mò eni. Lohwɛ̀ à mà gbeyà hwèyòmbò hwe eni na wɔ̀, rzi a hwa ŋgba e mbenda. A ma hwa uŋmɛ̀lɛ̀ nɛ hwa hwɛni lì mò ŋgba èluhwe, ndèŋgànɛ̀lɛ̀ à mà hwa òhweyà nanù ema a gbeyà mamɛ ema à mà òhwe nanù ema a gbeyà.

Gàletìyà 3:16

Nàŋgɛ rzɔ, Lohwɛ̀ à mà gbeyà lì kàkɛnɛ là eni nà Abràhamù, nà ŋmanà eni. Èya yà Lohwà è rza ohwi nanù ema, “Hwàna,” ò à ɛnɛ oma hwatò hwa koki. Ndi Eyà yà Lohwà è ohwi nanù ema, “Ŋmanà.” Krirztò ndi à hwèlì oŋgo Ŋmanà.

Hibrù 11:13

Hwàŋga hwatò hwa koohwa hwà ma hwɛnɛ lì lòkɛ̀ natɛ̀ɛ na o kpelì. Tɔ̀ nɛ wɔ̀ hwa rzi luwe hweŋge hwèèmà ema Lohwɛ̀ à mà hwa kàkɛ̀nɛ̀ nanù ema a hwa ŋgba, ndi wɔ̀ hwà mà ɛnɛ hwèŋge hwèèmà hvoohvo hwe ma hwa òkìrzɛ̀ mɔ̀nyɛ̀ŋgì. Wɔ̀ hwa rzìi hwaŋge o lì ohwa nanù ema, hwa hwèlì ndi hwàyɛ̀nì ema hwa rza ohvɛ èki ya lì lìya anu rze ya mɔ̀nyɛ̀.

Hibrù 11:17

Lìlòkɛ̀ ndi lì ma gbeyà Abràhamù à mà ŋgbe e ŋmanà wa eni Irzàkì nàa làhweyà e hvonda ema Lohwɛ̀ à mà kèkirzɛ Abràhamù. Abràhamù ndi à mà hwɛ e mɔ̀ ema Lohwɛ̀ à mà kàkɛ̀nɛ̀ ema hwàanà hwa eni hwa o koka rzayi-rzayi, lìlòkɛ̀ lɔ ndi lì ma gbeyà Abràhamù à mà woŋgirzɛnɛ o lì ŋgbà ehvowa ya eni ya ŋmanà nàa làhweyà.

Hibrù 7:1

Ono Mɛ̀lkirzɛ̀dɛ̀ki mɔ̀ ndi àma hwɛ e kiŋgɛ̀ ya Rzàlɛ̀mù. Ndèŋgànɛ̀lɛ̀ à mà hwɛ hvɛ e Pìlìrzì ya ama Lohwɛ̀ ema lì kàrzàmi lì aka. Nà oma Abràhamù à mà hwɛ lì tìmba o njùma ema à mà anane kiŋgɛ̀ inɛ̀yi rzìi a ji rzuwàna, Mɛ̀lkirzɛ̀dɛ̀ki à mà ùŋmanɛlɛ Abràhamù rzìi a mo nàmìrzɛ̀.

Hibrù 7:7

È hwèlì na e jɔ̀kɛ̀ nanù ema e mɔ̀ à nàmìrzɛ̀ a akayi e mɔ̀ ema a nàmìrzɛ̀hwɛ̀yi.