Hibrù 7:3 - Mokpwe: Bakwery (New Testament)

³ È rza tìlahwì tɔ̀ èki nanù ema Mɛlkirzɛdɛki à mà ohva rzàŋgo tɔ̀ e nyɔ̀ŋgɔ̀ni. Ndèŋgànɛ̀lɛ̀ e rza tìlàhwi hvɛ na oma mɔ̀ à mà ŋyàahwè tɔ̀ nɛ à mà ŋwèeyà. A hwèlì ndi e pìlìrzì natɛ̀ɛ na o gbìndèyà ŋgana hvɔ̀kɔ hvɛ na oma è Ŋmanà wà e mòtò wa hwènàmà mɔ̀ hvɛ a hwèlì e pìlìrzì o gbìndèyà na o gbìndèyà.

Hibrù 7:3 Mawu Ofanana

Matiyò 4:3

Mòkarzɛ̀ rzìi à mà mò jèeyà, rzìi à mò òhwèyà nanù ema, “Ò hwèlì tɛ è Ŋmanà wà ama Lohwɛ̀, kànèyà manù màŋyàyi mà timbe, hwèhvòòtò.”

Hibrù 4:14

Ò èŋgànɛ̀lɛ̀ rzɔ nà oma ì hwɛnì è Pìlìrzì è Kàrzàmi Ndɛnɛ, Yerzù è Ŋmanà wà ama Lohwɛ̀, ema à mà lòmɛ lì ɛndɛ ò ŋmanyu yà lohwà ò worzo wò ama Lohwɛ̀, inyɛ ì lɛ̀mbɛ lìlòkɛ̀ là arzu kɔ̀yi-kɔ̀yi.

Hibrù 7:1

Ono Mɛ̀lkirzɛ̀dɛ̀ki mɔ̀ ndi àma hwɛ e kiŋgɛ̀ ya Rzàlɛ̀mù. Ndèŋgànɛ̀lɛ̀ à mà hwɛ hvɛ e Pìlìrzì ya ama Lohwɛ̀ ema lì kàrzàmi lì aka. Nà oma Abràhamù à mà hwɛ lì tìmba o njùma ema à mà anane kiŋgɛ̀ inɛ̀yi rzìi a ji rzuwàna, Mɛ̀lkirzɛ̀dɛ̀ki à mà ùŋmanɛlɛ Abràhamù rzìi a mo nàmìrzɛ̀.

Hibrù 7:17

È tìlàhwì ò tenì yà è kààtì yà Lohwà nanù ema, “Ò hwèlì ndi pìlìrzì natɛ̀ɛ nà ò gbìndèyà, nàa Mɛ̀lkirzɛ̀dɛ̀ki.”

Hibrù 7:2

Abràhamù à mà mo ŋgbà lòŋgo lɔ̀kɔ la lìyomɛ la mamɛ ya arzɛ ema à mà uhwane o njùma. Jànda ja worzò ja lìna la Mɛlkirzɛdɛki o mbɔrzi ya Hibrù lì hwèlì ndi nanù ema, “È kiŋgɛ̀ ema e ma tɛ̀mɛ̀ ehve-ehve.” Jànda ema jo ùkirzɛ̀ ihwàkɛ i hwèlì ndi nanù ema, “È kiŋgɛ̀ ya Rzàlɛ̀mu.” Èma e hwèlì ndi, “È kiŋgɛ̀ ya ɛ̀yɔ̀lɛ̀.”

Hibrù 7:6

Mɛ̀lkirzɛ̀dɛ̀ki a rzi uwɛ̀lɛ̀lɛ̀yi o nyɔ̀ŋgɔ̀ni ya wònya Lɛ̀hvì ndi Abràhamù à mà mo ŋgba lòŋgo lɔ̀kɔ la lìyomɛ la hwèèmà. A ma nàmìrzɛ̀ Abràhamù ema Lohwɛ̀ à mà lome lì ŋgba lì kàkɛ̀nɛ.