Hibrù 7:14 - Mokpwe: Bakwery (New Testament)

¹⁴ È ma hwiyàhwà gbamù nanù ema Rzàŋgo wa arzu e ma uwɛlɛlɛ ndi o lìtumba là Yudà. Ndèŋgànɛlɛ Morzè a rzi tùwe lìinà là lìni lìtumba e hvonda ema à mà ohwe lì hvomɛ̀nɛ̀ Ipìlìrzì.

Hibrù 7:14 Mawu Ofanana

Matiyò 2:6

‘Inyɔ hwatò hwa Bɛ̀tlɛ̀hɛmù, ò mɔ̀nyɛ̀ mò Judà, è mbòwà yà anyu è hwèlì ndi mbòwà hvɔ̀kɔ ema è ŋgbààhwi èluhwe ò ìtììtènì jà màmbòwà mà èkòmè yà Judà. Èhwanja ò ìtììtènì jà anyu o ò wurza mòtò ema à ò tìmbɛ hwatò hwa ami hwa Èkòmè yà Irzàyɛ̀lì.’”

Lukàrzɛ̀ 1:43

Mamɛ ndeŋgàtɛ nà ŋgbàahwì èluhwe nanù e? Nɛ è nyàŋgò yà ama e Rzàŋgò e hwɛnì lì nò jèeya e?

Lukàrzɛ̀ 3:33

Nàrzɔ̀nì à mà hwɛ ndi è ŋmanà wà ama Àminadàbì. Àminadàbì à mà hwɛ ndi è ŋmanà wà ama Admìni. Admìni à mà hwɛ ndi è ŋmanà wà ama Arni. Arni à mà hwɛ ndi è ŋmanà wà ama Ɛ̀rzɔ̀ni. Ɛ̀rzɔ̀ni à ma hwɛ ndi è ŋmanà wà ama Pɛ̀rɛ̀rzi. Pɛ̀rɛ̀rzi à mà hwɛ ndi è ŋmanà wà ama Judà

Yòwanìrzɛ̀ 20:13

Rzìi hwa ijòwa Màlìyɛ̀ nanù ema, “Mòlanà kòkò, mamɛ ò eyeya e?” Rzìi à hwa alàhwɛ̀ nanù ema, “Hwà mà wòwa èembè ya ama Rzàŋgò wa ami, ò èŋgànɛ̀lɛ̀ na rza hwi èki ema hwa mò ikayi.”

Yòwanìrzɛ̀ 20:28

Tɔ̀màrzì à mà mò alàhwɛ̀ nanù ema, “Rzàŋgò wa ami na Lohwà la ami!”

Ròmànì 1:3

Mònò Ŋmɛ̀ndì mò Gbamù, mò hwèlì ndi lì hvòmɛ̀nɛ̀ è Ŋmanà wà eni. O hwehwɛ̀ɛlì hwe e mòtò wà hwènàmà òŋgò Ŋmanà à mà ŋyàahwɛlɛ ndi ò lìhwende la ama kiŋgɛ̀ Dàhwitì.

Ròmànì 2:3

Ndi ò wa mbunda ami, ò gbeyà tɛ ndi hwèŋge hweyà mɛnɛ ema hwe gbeyà ò kàyìrzɛ̀ hwahvɛhvɛ hwatò ò ɔ̀ŋgɛ̀lɛ̀yi nanù ema ò tànɛyi ò wàŋga lì anjiya ò hwèkàyìrzèlèlì hwe ama Lohwɛ̀ e?

Ɛ̀hvìrzìyà 1:3

Inyɛ̀ je eke Lohwɛ̀. Mɔ̀ ndi à hwèlì Lòohwà la ama Rzàŋgo wa arzu Yerzù Krirztò na Tatɛ̀ ya eni. Lohwɛ̀ ndi à hwèlì e mɔ̀ ema à mà jo nàmìrzɛ̀ na menàmirzelì me arzɛ ema me uwɛ̀lɛ̀lɛ̀yi o ŋmanyu yà lohwà. A gbèyi ndi nanù èhwanja irzɔ ima hwɛ ndi mɔ̀kɔ na Krirztò.

Hvìlipìyà 3:8

Rzeketɛ hweŋge hweyà mɛnɛ, ndi na wowi hweyà hwe arzɛ nàa eyoyo, na hwe mɛnɛni tɛ na eŋge eyà ndɛnɛ ema e hwèlì o lì hwiya Yerzù Krirztò e Rzàŋgo ya ami. Èhwànja hweŋge hweyà hwe arzɛ hwe hwèlì ndi eyoyo ndèŋgànɛ̀lɛ̀ nà hwe ɛnɛ ndi nàa mbindo aŋga nanù na hwiya Krirztò,

Hibrù 7:13

È mòtò ema hwenè hweyà hwe ma òhwàhwɛ̀lɛ à mà hwɛ ndi wà lìhvɛhvɛ lìtumba ndèŋgànɛlɛ o rzi wurze tɔ̀ mòtò o lìtumba la eni ema à mà gbeyà èwòlò ya Pìlìrzì.

Hibrù 7:15

Eyà ema jò ohwi lì hvomɛ̀nɛ̀ lì eŋgòwahwa là è mbenda, è ɛ̀neyà lì akeyà nà hwèjèelì hwe ehvɛhvɛ pìlìrzì nàa Mɛ̀lkirzɛ̀dɛ̀ki.

Hwèwulùwèlì 22:16

“Imba, Yerzù, imba ndi na omi e aŋgèlì ya ami o lì e ohweyà inyɔ ema e hwèlì o tenì ya ŋmèmba hwene hweyà. Imba ndi na hwèlì e mɔ̀ ema a uwɛlɛlɛyi o mòtendè mò ama kìŋgɛ Dàhwitì, e rzombe ya elele ema e hvàànyà.”

Hwèwulùwèlì 5:5

Ɔndi mòmbaki mɔ̀kɔ a no òhweyà nanù ema, “O rza eeya. Ɔ̀ŋgɔ tɛ, e njila ema e uwɛ̀lɛ̀lɛ̀yi o lìtumba la wònyà Yudà, o e nyɔ̀ŋgɔ̀ni ya ama Kiŋgɛ Dàhwitì, à mà rzuwàna e njuma. Mɔ̀ a kànɛyi lì gba lìrzamba la mèjèkà na lì wuluhwa eŋge kààti ema e lìŋgɛ̀lɛ̀hwɛ.”