Hibrù 6:5 - Mokpwe: Bakwery (New Testament)

⁵ Hwanu hwatò ema hwà mà kèkɛ̀ wotɛ̀lu wo eyà ya Lohwà ndèŋgànɛ̀lɛ̀ hwà mà ɛnɛ màyìmbi ema mo o hwɛ e hvonda ema Lohwɛ̀ a o kànèyà.

Hibrù 6:5 Mawu Ofanana

Matiyò 12:32

Tɔ̀ ima mɔ̀ ema a òhwi ìrzìlàkò lì nò teŋgɛ̀nɛ̀ imba è Ŋmanà wà è Mòtò wà Hwènàmà Lohwɛ̀ a ò mò làkìrzɛ̀ ndi e mɔ̀ ema a òhwi ìrzìlàkò lì teŋgɛ̀nɛ̀ Èlìŋgɛ̀ yà Wòtani a rza ò làkìrzɛ̀hwɛ̀ ò ene nyɔ̀ŋgɔ̀ni ya naŋgɛ na e yɔ hvɛ ema e ò jɛ̀ɛ̀.

Makòrzì 6:20

Hɛ̀rɔ̀dì à mà òka Yòwanìrzɛ̀ wɔ̀ŋgɔ̀. A ma hwiya hvɛ nanù ema Yòwanìrzɛ̀ à mà hwɛ ndì mòtò wà gbamù, à mà ònda nà wòtani. O èŋgànɛ̀lɛ̀ Hɛ̀rɔ̀dì à mà hwɛ lì mò àŋgòhweyà aŋga nanù eyà ya wòhwe e rza mò gbèyɛ̀nɛ̀. À mà lìŋgàna lì mò òkànèyà, tɔ̀ nɛ tɔ̀ ima lìrzakò ema à mò òkanelì, èŋge eyà e ma mò tàkirzɛ ò ŋmèma rzayì-rzayì.

Lukàrzɛ̀ 8:13

Ìhvɔ̀ŋgɔ̀ hvɛ ema ì mà unda ò èwòmà yà lìŋyayì, jɔ̀ hvɛ ì tɛ̀mèlì ndi hwatò ema hwa mà hwèya Eyà yà Lohwà, rzìi hwa è wòwà nà mɔ̀nyɛ̀ŋgì. Ndi Eyà yà ama Lohwɛ̀ è rzi rzɔ̀ŋgɔ ò mèèmà mè awu. Ò ŋmanà hvòkà hvònda hwa mà lòkɛ̀ Lohwɛ̀, ndi màkèkìrzɛ̀nɛ̀ ma mà jèe, hwa mà tìmbeyà ò mburzà.

Ɛ̀hvìrzìyà 6:17

È ɛndɛ tɛ o lì ana njuma, inyɔ e hwiye nanù ema e ma luwa lì oŋgirzɛ o màà mà ama Lohwɛ̀ o eŋgànɛ̀lɛ̀ rzɔ tɔ̀ mòtò a rza tànɛyi a e gbeyà tɔ̀ eyà. È o hwɛ ndi nàa e ŋmanelì wa njuma ema a wɔti e tamba ya hwɛ̀ɛkɛ̀. Ndèŋgàna e ɛndɛ tɛ, e àŋgàmɛ̀nɛ̀ lì ohva e rzɔ̀lɔ̀ ema Èlìŋgɛ̀ yà Wòtani e ma e ŋgbɛ. Èŋge rzɔ̀lɔ̀ e gbèyi ndi nàa eyà ya ama Lohwà.

Hibrù 11:3

Lìlòkɛ̀ lɔ ndi lì jo gbeyà o lì rzɔŋgìtɛ̀nɛ̀ nanù ema e mbɔrzi ya wàna yɔ ndi Lohwɛ̀ à mà gbeyàne o lì weka e rze. O eŋgànɛ̀lɛ̀ rzɔ hwèèmà ema irzɔ ja ɛnɛ na mììrzɔ̀ ma arzu hwe e uwɛ̀lɛ̀lɛ̀yi ndi o yoma ema irzɔ i rza ɛni na mììrzɔ̀ ma arzu.

Hibrù 2:5

Rzeketɛ i aŋgèlì ndi Lohwɛ̀ a rzekelì nanù ema i kànèyà e rze ya mɔ̀nyɛ̀ hvènya ema irzɔ jo ohwi nanù ema e o jà.

Hibrù 4:12

È hwèlì e jɔ̀kɛ̀ nanù ema, Eyà ema e uwɛlɛlɛyi o ma Lohwɛ̀, e hwèlì lòŋgɛ, ndèŋgànɛ̀lɛ̀ e hwɛni màyìmbi. È èeyà lì aka rzɔ̀lɔ̀ ema ye hwàhwì ò hwèhvarzù hwe ahwàkɛ. Eyà yà ama Lohwɛ̀ è kpèeyà mòtò natɛ̀ɛ nà ò tenì yà eni nà ò èlìŋgɛ̀ yà eni. È kpèeyà mòtò natɛ̀ɛ nà ò tenì yà matìŋga nà ò tenì yà hwèèrzè. Èŋge eyà è emba màlùtèyà mà mòtò nà tɔ̀ ima eyà ema mòtò à arza lì gbeyà.

1 Pètrò 1:25

Ndi eyà ya ama Rzàŋgo e hwèlì ihvonda ja arzɛ.” Ŋmɛ̀ndì mò Gbamù mono ema mo ma e ohwahwɛlɛ.

1 Pètrò 2:3

Inyɔ e ma keka moŋgo mòlelì, ndèŋgànɛ̀lɛ̀ o nàŋgɛ e hwi nɛ e Rzàŋgo e gbeyà hweyà hwe gbamù.

2 Pètrò 2:20

È hwèlì tɛ nanù ema mòtò à lòkɛ̀yi e Rzàŋgo na e Mòrzùŋgèlì wa arzu Yerzù Krirztò, nanù oma mɔ̀ à mà màa lì anjiya o tenì ya lòŋgɛ la wòhwe la ene rze. Mɔ̀ à mà anjiya tɛ o tenì ya lìŋgi lòŋgɛ, rzìi a timba lì àyinɛ̀lɛ̀ o tenì hvɛ, rzìi lìŋgi lòŋgɛ lì mo wowa mòkòmì, e nyayi ema mɔ̀ à hwèlì nàŋgɛ, e hwèlì wòhwe lì aka e nyayi ema mɔ̀ à mà lome lì hwɛ.