Hibrù 6:4 - Mokpwe: Bakwery (New Testament)

⁴ Nà ohwa ndi nanù ehwànja hwatò hwa rzɔnjɛ̀lɛ̀ tɛ lìlòkɛ̀ la awu, tɔ̀ mòtò a rza tanɛyi o lì hwa tìmbìrzɛ hvɛ o lì hwɛmɛ wòhwe wò awu o lì timbeya Lohwɛ̀. Nà ohwa ndi hwatò ema hwà mà luwɛ ŋmàye, hwa kèkìrzɛ mònàmɛ̀ mo ama Lohwɛ̀, ndèŋgànɛ̀lɛ̀ hwà mà luwa èlìŋgɛ̀ yà wòtani nàa hwahvɛhvɛ hwatò.

Hibrù 6:4 Mawu Ofanana

Matiyò 12:45

Èŋge èlìŋgɛ̀ e ɛ̀ndɛ̀ ò lì jànà hwehvɛhvɛ hwèlìŋgɛ̀ hwe wòhwe lìrzambà, ema hwe hwèlì wòhwe lì mò àka, rzìi hwe jà ò lì kpèeyà òŋgò mòtò, rzìi hwe arzɛ̀kɛ̀lɛ̀ aŋga. Lìŋgi lìrzàkò rzɔ, òŋgò mòtò a hwɛ wòhwe lì aka mamɛ à mà lòme lì hwɛ. O èŋgànɛ̀lɛ̀, nanù ndi e ò gbèyɛ̀nɛ na ene nyɔ̀ŋgɔ̀nì ya yàwònò.”

Matiyò 5:13

“È hwèlì wòlitò ò mòŋgɛ mà hwatò hwa ene rze ŋgànà hvɔ̀kɔ nà òmà ikpa hvɛ i hwɛni wòlitò ò mòlèlì. Ndi ikpa i wɔ̀lɛ̀nɛyi tɛ̀ wòtɛ̀wu wò eni, nɛ i tànɛyi lì tɛ̀yirzɛ hvɛ e? Jɔ̀ i rzà hwɛnɛ hvɛ tɔ̀ eyà yà gbamù ò lì gbèya. O èŋgànɛ̀lɛ̀ i hvimbahwa ɔ̀nɛyi rzi hwatò hwa ji laala.

Yòwanìrzɛ̀ 15:6

Mòtò a rza enje tɛ na imba, a rzenjòwahwa ndi nàa hwa rzenjòwa ɛkɔkɔ. Èŋge ɛkɔkɔ e hwɛ ndi ɛ̀kɔ̀kɔ̀ ema e rzɔ̀nji. Iŋgi tumba ja hwɛkɔkɔ irzaŋgahwa rzi i aŋgbahwa ò mùnya rzìi i rzèeyà.

Yòwanìrzɛ̀ 3:27

Yòwanìrzɛ̀ a timbirzɛlɛlɛ nanù ema, “Tɔ̀ mòtò a rza tànɛyi lì lùwa tɔ̀ yòma e rzi hwɛ nanù ema Lohwɛ̀ ndi à mò ŋgbelì.

Yòwanìrzɛ̀ 4:10

Yerzù rzìi a mò alàhwɛ̀ nanù ema, “O hwìiyàyì tɛ jàhwèyà ja ama Lohwɛ̀, rzìi ò hwiya hvɛ njɛnɛ ema a òhweyà à mà ò nò ŋgbe malìhwà mà lì nyɔ, ò ma ò wa ò nò ijò malìhwa. Ndèŋgàna ò ma imba na ò ŋgbèelì malìhwa ema mà ŋgba lòŋgɛ.”

Yòwanìrzɛ̀ 6:32

Yerzù rzìi à hwa alàhwɛ̀ nanù ema, “Nà è òhweyà è jɔ̀kɛ̀, rzeketɛ Mòrzè ndi à mà è ŋgba hwèhvòòtò ema hwe mà uhwɛlɛlɛ ò ŋmanyu. Ndi Rzàŋgò hwa ami ndi à mà è ŋgbà hwèhvòòtò ema hwe mà uhwɛlɛlɛ ò ŋmanyu yà Lohwà.

Hwègbèèlì 10:45

Hwàtò hwa Yudà ema hwa mà lòkɛ̀ Yerzù ema hwa mà uwɛ̀lɛ̀lɛ̀yi ò Jopà nà Pètrò, hwa mà tàmà rzayi-rzayi ò lì ɛnɛ nanù ema Lohwɛ̀ à ŋgbelì hvɛ hwatò ema hwa rza enje wònyà Yudà jàhwèyà jà eni jà Èlìŋgɛ̀ yà Wòtani.

Hwègbèèlì 11:17

Ndèŋgànà kanatɛ Lohwɛ̀ à ma ŋgbe hwanù hwatò ema hwa rza enje wònyà Yudà iŋgi jàhwèyà ema à mà jò ŋgbe lìŋgi lìrzakò ema irzɔ, i ma lòkɛ̀ Rzàŋgò Yerzù Krirztò, imbahvɛ nà mà hwɛ ndi njɛ̀nɛ, ò lì tɛmirzɛ hwètɛ̀yìrzèlì hwe ama Lohwɛ̀ e?”

Hwègbèèlì 15:8

Lohwɛ̀ ema a hwi mèèmà me hwatò, à mà uŋmɛ̀lɛ̀ nanù ema à mà ŋgba hwaŋga hwatò ema hwa rza enje wònyà Yudà è wònjà ò lì lòkɛ̀, na òma à mà hwa ŋgbe Èlìŋgɛ̀ yà Wòtani, ŋgàna hvɔ̀kɔ mɛnɛ na òma à mà jò ŋgbe irzɔ hvɛ e yɔ.

Hwègbèèlì 8:20

Ndì Pètrò à mà mò alàhwɛ̀ nanù ema, “Inyɛ̀ ò wa na wòlì wò aŋgɔ̀ e ɛndɛ ò èhvɔ̀ndì ya mùnya. Èhwanja ò ɔ̀ŋgɛ̀lɛ̀ nanù ema ò tànɛyi lì anda jàhwèyà ja ama Lohwɛ̀ na wòlì.

Ròmànì 1:11

Nà hwɛni nyɔ̀ŋgi rzayi-rzayi ò lì è ɛnɛ aŋga nanù nà uki tɛ, nà è embɛ nà jàhwèyà ema èlìŋgɛ̀ yà Lohwɛ̀ è mà nò ŋgbɛ.

2 Kɔ̀rintìyà 4:4

Mòkarzɛ̀, e mòkànèlì wa ene rze mɔ̀ ndi à kànèyà màlùtèyà ma hwatò ema hwa rza lòkɛ̀yì Krirztò. Wɔ̀ hwa rza tànɛyi lì rzɔ̀ŋgìtɛ̀nɛ̀ nanù ema ŋmɛ̀ndì mò gbamù e uŋmɛ̀lɛ̀ nɛ Krirztò a hwɛni wòlìto. Krirztò mɔ̀ ŋmìti a hwèlì ndi nàa Lohwɛ̀.

2 Kɔ̀rintìyà 4:6

Lohwɛ̀ ema à mà ohwa nanù ema, “Ŋmàye mo hvanye o èki ema e ma loma lì hwɛ jìtìtì,” Mɔ̀ ndi à gbèyi moŋgo ŋmɛ̀ndì mo ama Yerzù o lì hwɛ nàa ŋmàye ema mo hvànya o mèèmà me arzu. Lohwɛ̀ à mà jo gbeyà ene o irzɔ hwa arzɛ ema i lòkɛ̀yi Yerzù ene eyà. Lohwɛ̀ à mà gbeyà ndi nanù, aŋga nanù hwatò hwa hwiya nanù ema mɔ̀ à hwèlì wòlìto ò ma hwatò hwà mà hwiya nanù ema Yerzù Krirztò a hwèlì ndi nàa mɔ̀.

Gàletìyà 3:2

Nà lìŋgàna lì è ijòwa eyà yɔ̀kɔ. È hvonda ema inyɔ è mà lùwe Èlìŋgɛ̀ yà Wòtani èhwanja è mà ika imbenda jà wònyà Yudà ɔ̀ndeŋgàtɛ̀ è mà è lùwa e? Ŋga, èhwanja ema mà lòkɛ̀ Ŋmɛ̀ndì mò Gbamù ema è mà hweye e?

Gàletìyà 3:5

Lohwɛ̀ à mà è ŋgba Èlìŋgɛ̀ yà Wòtani rzi mɔ̀ à è gbèeyà hweyà hwe mànyakà ò ìtììtènì ja anyu, è hwèlì ndi nanù ema è mà ika imbenda ɔ̀ndeŋgàtɛ̀ à mà gbeyà nanù e? Jàyɛ̀ rzeketɛ eŋge eyà ndi è mà gbeyà. È hwèlì ndi nanù ema ŋmɛ̀ndì mò gbamù ema è mà lòkɛ̀ ɔ̀ndeŋgàtɛ̀ mɔ̀ à mà gbeyà nanù.

Ɛ̀hvìrzìyà 1:18

Nà kanɛ̀ nanù ema, Lohwɛ̀ à è lìhvowe mèèmà mè anyu aŋga nanù è hwiya hweyà hwe gbamù ema è mà ika mèèmà mè anyu ò tenì èhwanja à mà è hvɔ̀rzɔ̀. Nà kanɛ̀ hvɛ nanù ema è hwɛni lì rzɔ̀ŋgìtɛ̀nɛ̀ màhwèyà mà ndɛnɛ ema mɔ̀ à hwɛni lì ŋgba hwatò hwa eni.

Ɛ̀hvìrzìyà 2:8

È ndèli ya ama Lohwɛ̀ yɔ ndi ye e rzuŋgi, èhwanja e lòkɛ̀ Krirztò ɔ̀ndeŋgàtɛ̀ e lu lìŋgi lì oŋgirzɛ. Rzeketɛ hweyà ema e gbèeyà ndi hwe gbèyi e lu lì oŋgirzɛ. Li oŋgirzɛ ema e lu, lì hwèlì ndi jàhwèyà ja ama Lohwɛ̀.

Ɛ̀hvìrzìyà 3:7

Ŋmɛ̀ndì mò Gbamù mono ema nà ohwa nanù. Lohwɛ̀ à mà gbeyàna è ndèli yà eni ò lì nò ŋgba ene èwòlò. Ndeŋga nà gbèeyà ene èwòlò lì akeyà nà è ŋginyà yà eni.

Ɛ̀hvìrzìyà 4:7

Krirztò à jò ŋgbèlì irzɔ hwa arzɛ màhwèyà mà towotowo, ò lìmɛ̀nì nà oma mɔ̀ à lìŋgàni. Ndi lìŋgi jàhwèyà lì rza enje ndi nyàyi hvɔ̀kɔ.

1 Tìmotì 4:14

O rzi keka o lì tɛmirzɛ èwòlò ema Lohwɛ̀ a o ŋgbelì nàa jàhwèyà ema o gbeye, o lì ohweyà hwatò hweyà ema Lohwɛ̀ à mà ohwe nanù ema o hwa ohweyà, e hvonda ema hwatimbelì hwa ŋmèmba hwà mà o hwàkɛ̀ màà mà awu o mohvo mo aŋgɔ̀.

2 Tìmotì 2:25

O òkolɛ hwaŋga hwatò ema hwa o teŋgɛ̀nɛ, aŋga nanù wɔ̀ hwa hwiya nanù ema hweŋge hweyà ema wɔ̀ hwa ohwa lì o teŋgɛ̀nɛ hwe rza enje e jɔ̀kɛ̀. O hwa okolɛ tɛ o hwa ajùlɛ̀nɛ̀, o hwɛni lì hwɛnɛ lìhvìtà nanù ema Lohwɛ̀ a gbeyà ema hwa embɛ lùùrzè la awu aŋga nanù hwa a eŋgohwɛ̀, ndèŋgàna hwa rzɔŋgìtɛ̀nɛ̀ e jɔ̀kɛ̀ ya mamɛ ema eyà ya Lohwà e ohwa.

2 Tìmotì 4:14

Alɛ̀rzàndrìyà ema a hwèlì e mògbèèlì wa èwòlò ya hwɛ̀ɛkɛ̀, à mà no gbeyàna wòhwe wo ndɛnɛ, e Rzàŋgo Yerzù e mo kɔ̀kìrzɛ̀ lì hvomɛ̀nɛ̀ wòhwe ema mɔ̀ à no gbeyànì.

Hibrù 10:32

Ndi inyɔ e rzi hvoŋga na oma e ma hwɛ o hwèwotèlì ema e ma luwe ŋmàye. O eŋge hvonda tɔ̀ nɛ inyɔ e ma luwe mètàkà me ŋginyà e ma kaka mèèmà.

Hibrù 2:4

Lohwɛ̀ mɔ̀ ŋmìti hvɛ à mà uŋmɛ̀lɛ̀ nanù ema hwene hweyà hwe hwèlì ndi e jɔ̀kɛ̀ na oma à mà gbeyàna hwahvɛhvɛ hwatò ò lì uŋmɛ̀lɛ̀ hwatò hwèmɛ̀nɛ̀nì na hwèèmbànèlì hwe mànyàka. Mɔ̀ à mà uŋmɛ̀lɛ̀ hvɛ na hweyà ema hwatò hwà mà hwɛ lì gbeyà lì akeyà na màyìmbi ma Èlìŋgɛ̀ yà Wòtani ema Lohwɛ̀ à mà hwa ŋgbe. Lohwɛ̀ à mà ŋgba hwatò Èlìŋgɛ̀ yà Wòtani na oma mɔ̀ à mà lìŋgàne.

1 Yòwanìrzɛ̀ 5:16

Tɔ̀ ima mòtò ema a ɛni ŋmanyàŋgò wa eni a undi o wòhwe ema wo rza mo lìyɛlɛ o kpelì, mɔ̀ à mo kànɛ̀lɛlɛ aŋga nanù Lohwɛ̀ a mo ŋgba lòŋgɛ. Hwàto ema na ohwa nanù ema inyɔ e kànɛlɛlɛ, hwa hwèlì ndi hwatò ema wòhwe wo awu wo rza oŋwa èlìŋgɛ̀ ya awu. O hwèlì wòhwe ema wo òŋwa èlìŋgɛ̀. È hwèlì tɛ nanù ema mòtò a undi tɛ o tenì ya woŋgo wòhwe, na rza ohwa nanù ema e kànɛlɛlɛ oŋgo mòtò.