Hibrù 6:11 - Mokpwe: Bakwery (New Testament)

¹¹ Irzɔ ja arza ndi nanù ema inyɔ e ɛ̀ndɛ̀nɛ̀ èwòlò e anyu o worzo na kumba, natɛ̀ɛ na o lìrzukù, aŋga nanù e luwa hweyà ema inyɔ e ambɛ̀lɛlɛyi na màhvìta.

Hibrù 6:11 Mawu Ofanana

Matiyò 24:13

Ndi hwatò ema hwa ò nò kakana mèèmà natɛ̀ɛ nà ò lìrzukù hwa ò rzùŋgàhwà.”

Lukàrzɛ̀ 1:1

Ìi Tìyòhvilɔ̀rzì: Mòtò wà èluhwe, rzayì-rzayì ja hwatò hwa mà lìya ò lì tìla mɔ̀nɔ̀ŋgèlì mò hweyà ema hwe ma gbeyɛ̀nɛ ò ìtììtènì ja àrzu.

Ròmànì 12:8

Mòtò ema a hwɛni jàhwèyà ja lì kɔ̀mɛlɛ hwatò, inyɛ mɔ̀ à hwa kɔ̀mɛlɛ. Tɔ̀ njɛnɛ hvɛ ema a ŋgba hwatò hwema, a hwa ŋgbaane na eenji. È mɔ̀ hvɛ ema a hwɛni jàhwèyà ò lì timba hwatò, inyɛ a hwa timbe kɔ̀yi-kɔ̀yi. È mòtò hvɛ ema a òhvi jàhwèyà ja lì uŋmɛ̀lɛ̀ hwatò ììlì, inyɛ a uŋmɛ̀lɛ̀ hwatò ììlì na màlìŋgò.

Ròmànì 15:13

Nà kànɛ nanù ema, Lohwɛ̀ ema mɔ̀ ndi à ŋgbàà lìhvìtà, a e gbeye e ònde na mɔ̀nyɛ̀ŋgì mò arzɛ na ò lì hwɛ na ɛ̀yɔ̀lɛ̀ ò nyòla lì lòkɛ̀ ema e lòkɛ̀. Ène eyà e gbeyà e ŋginyà ya Èlìŋgɛ̀ yà Wòtani e gbeyà lì lòkɛ̀ la anyu lì nyàla rzayi-rzayi.

1 Kɔ̀rintìyà 13:13

O hwèlì hweyà hweyàwò ema hwe hwèlì, ndi lì lòkɛ̀, lìhvìtà, nà e ndìŋgɛ, ndi eyɔ ema e akayi hwe arzɛ e hwèlì ndi e ndìŋgɛ.

1 Kɔ̀rintìyà 15:58

O èŋgànɛ̀lɛ̀ ìi wònyamòwè kòkò, e tɛ̀mɛ̀ gbamù, e rza anyìŋgìrzɛ̀nɛ̀. È hwɛ ndi o lì gbèeyà Rzàŋgo. È hwi nanù ema èwòlò ema e gbèeyà Rzàŋgo tɔ̀ yɔ̀kɔ e rza hwɛ ya ŋgundu.

Gàletìyà 5:5

O irzɔ, Èlìŋgɛ̀ ya ama Lohwɛ̀ e ma jo gbeyà o lì ohva lìhvìtà nanù ema, Lohwɛ̀ a o jo emeyà nàa hwatò ema hwa hwèlì wòtani èhwanja je emelì Krirztò.

Gàletìyà 6:9

Inyɛ̀ i rza ɔ̀tɔ̀ o lì gbeyà mamɛ ema e lɔ̀wu. Èhwanja irzɔ i rza ɔ̀tɔ̀ tɛ, jo ò luwa etaŋgi ja arzu o hvonda ya jɔ̀kɛ̀ ema e o jɛ̀ɛ̀.

Hvìlipìyà 3:15

O eŋgànɛlɛ rzɔ, inyɛ irzɔ hwa arzɛ ema i ma màa lì òŋgeyà o lìlòkɛ̀, inyɛ ja alɛ̀mbɛ̀nɛ ndi ene nyayi ya màlùtèyà o hwene hweyà. Ndi e hwèlì tɛ nanù ema inyɔ e ohvi tɛ ma hvɛhvɛ màlùtèyà o lì hvomɛ̀nɛ̀ hwene hweyà, aŋga nanù Lohwɛ̀ a o e oŋgòhwànà o lì hwe rzɔ̀ŋgìtɛ̀nɛ̀ gbamù.

Kòlòrzìyà 1:23

Inyɛ̀ è hwɛ ndi nanù ema lì lòkɛ̀ là anyu lì àŋgàmɛ̀nɛ̀yi lì imbama, è inyàmɛ̀nɛ̀ hwètɛ̀mèlì hwe matàŋga mà anyu ò mɔ̀nyɛ̀, ndèŋgànɛ̀lɛ̀ è ika mèèmà mè anyu ò ŋmɛ̀ndì mò gbamù ema è mà hwèyɛ. Moŋgo ŋmɛ̀ndì mò gbamù ema inyɔ è mà màa lì hweyà, mò hwèlì ndi ŋmɛ̀ndì mò gbamù ema mò mà nyàlɛ̀ ò è rze yà arzɛ, ndeŋgànɛlɛ mɔ̀ ndi imba Pàwolò nà atìmbìrzɛ̀yi è mògbèèlì wà ama Lohwɛ̀ ò lì gbeyà.

Kòlòrzìyà 1:5

I hwi nanù ema inyɔ è gbeyà ndi nanù ehwànja è mà rzèkeyà mèèmà mè anyu nanù ema è ò lùwa mònàmɛ̀ ema Lohwɛ̀ à mà è ùteya ò ŋmanyu yà lohwà. Inyɔ è mà màa lì hweya hweyà lì hvomɛ̀nɛ̀ moŋgo mònàmɛ̀, è hvonda ema hwa mà lòme lì è ohweyà ŋmɛ̀ndì mò gbamù.

Kòlòrzìyà 2:2

Nà gbeyà ndi nanù o lì hwa ètìrzɛ̀ mèèmà me awu. Aŋga nanù e ndìŋgɛ ema e hwèlì o ìtììtènì ja anyu e o gbèeyà o lì hwɛ mòtò mɔ̀kɔ. Imba na arza nanù ema o wa na wɔ e ika mèèmà me anyu me arzɛ nàa hwatò ema hwa rzɔ̀ŋgìtɛ̀nɛ̀ eyà ya ama Lohwɛ̀ ema hwatò hwa rzi rzɔ̀ŋgìtɛ̀nɛ̀. Èŋge eyà ya Lohwà e hwèlì ndi Krirztò mɔ̀ ŋmìti.

1 Tɛ̀rzàlonìyà 1:5

I hwi nanù ehwànja è hvonda ema ì mà è jèeyà rzi jè è ohweyà Ŋmɛ̀ndì mò Gbamù, rzeketɛ mbɔrzi mɛnɛ ndi ì mà è jàneyà. Ndi è ŋginyà yà èlìŋgɛ̀ yà wòtani yɔ̀ ndi è mà gbeyà ɔ̀ndeŋgàtɛ̀ i mà ohwa mòŋgo ŋmɛ̀ndì mò gbamù nà ŋginyà, ndèŋgànɛ̀lɛ̀ i mà hwɛ lì lòkɛ̀ nanù ema tɔ̀ mamɛ ema i mà hwɛ lì ohwa è mà hwɛ ndi è jɔ̀kɛ̀. Inyɔ è hwi nà oma ɛ̀ɛ̀mɛ̀ yà arzu è mà hwɛ è hvonda ema ì mà hwɛ nà inyɔ. Mamɛ è mà gbeyà eŋge ɛ̀ɛ̀mɛ̀ ò lì hwɛ nanù, è mà hwɛ ndi ò lì è oŋgowàna.

1 Tɛ̀rzàlonìyà 4:10

Ò jɔ̀kɛ̀ nanù ndi e lìŋgàni wònyànyàŋgo hwa anyu hwa arzɛ hwa ama Krirztò ema hwa hwèlì o erzòokà ya arzɛ ya Màrzèdonìyà. O eŋgànɛ̀lɛ ìi wònyàmowe je e rzòrzòmeyà nanù ema inyɔ e hwa lìŋgàne lì aka nanù o ihvonda ja arzɛ.

2 Tɛ̀rzàlonìyà 3:13

Ndi inyɔ wònyàmòwe kòkò, e rza hwɛni lì ɔ̀tɔ̀ o lì gbeyà hweyà hwe gbamù.

Hibrù 10:22

Inyɛ̀ i keke o lì ɛndɛ lì kombɛnɛ Lohwɛ̀ nà mèèmà mɔ̀kɔ na o lì mo ŋgbà mèèmà me arzu me arzɛ. Ène eyà e hwèlì ndi nanù èhwanja màyija ema Yerzù à mà kome o mbarza, mà rzaŋgirzɛ mèèmà me arzu. Mɔ̀ a timbi hvɛ o lì jo rzaŋgirzɛ na malìhwa ema mà rzaŋgi kɛɛŋgɛŋgɛ.

Hibrù 3:14

I hwèlì ndi mɔ̀kɔ na Yerzù Krirztò, è hwèlì tɛ̀ ema i lɛmbi tɛ lìlòkɛ̀ ema i ma lome lì hwɛnɛ kɔ̀yi-kɔ̀yi natɛ̀ɛ na o lìrzùkù.

Hibrù 3:6

Ndi Krirztò nàa è Ŋmanà wà munyanà wa ama Lohwɛ̀, à mà hwɛ lì kànèyà e ndawò yà Lohwà na ŋmèma mɔ̀kɔ. Irzɔ hvɛ i hwèlì ndì hwatò hwa lìtumba la e ndawò ya ama Lohwɛ̀, e hwèlì tɛ nanù ema jo ohvi etembe, ndèŋgànɛ̀lɛ̀ ji ikayi mèèmà me arzu na eyà ema ja àyèkìrzɛ̀nɛ̀ ema ji ikayi màhvìtà mà arzu.

1 Pètrò 1:21

Krirztò a gbèyi inyɔ e ma lòkɛ̀ Lohwɛ̀. È tanɛyi lì lokɛ Lohwɛ̀ na lì ika mèèmà me anyu me arzɛ na mɔ̀ èhwanja mɔ̀ à mà hvùmùlɛ̀ Krirztò o kpelì na lì uŋmɛ̀lɛ̀ èluhwe ya ama Krirztò.

2 Pètrò 1:10

O eŋgànɛ̀lɛ̀ rzɔ wònyànyàŋgo hwa ami kòkò, e keke o lì uŋmɛ̀lɛ̀ nanù ema Lohwɛ̀ ndi à e hwɛlɛ ndeŋgànɛlɛ mɔ̀ ndi à e hvɔ̀rzì o lì hwɛ hwatò hwa eni. Nà ohwa ndi nanù ehwànja e gbèyi tɛ nanù, e rza unda o tenì ya wòhwe.

2 Pètrò 3:14

O eŋgànɛlɛ imbùnda ja ami kòkò, na oma ya ambɛlɛlɛ woŋgo wùnyà, e gbeye gbamù wo anyu o lì hwɛ Wòrzàŋgì ema e rza ohva njɔ̀mi o worzo wa ama Lohwɛ̀. Nà o lì hwɛ hvɛ o ɛ̀yɔ̀lɛ̀ na mɔ̀.

1 Yòwanìrzɛ̀ 3:14

Irzɔ ì hwi nanù ema ì mà rzuwàna è ŋginyà yà è kpelì ò naŋgɛ ì hwɛni lòŋgɛ là gbìndèyà, ì hwi nanù ehwànja jà alìŋgànɛ̀yi mɔ̀kɔ nà ɔ̀nɛyi. Tɔ̀ ima mòtò ema à rza uŋmɛ̀lɛ̀ wònyànyàŋgo hwa Krirztò è ndìŋgɛ à èlelì ndi ò rze yà è ŋginyà yà kpelì.

1 Yòwanìrzɛ̀ 3:19

Ja awùŋmɛ̀lɛ̀nɛ̀yi tɛ e ndìŋgɛ mɔ̀kɔ nà ɔ̀nɛyi, aŋga ndi irzɔ i hwiya nanù ema i hwèlì ndi hwatò hwa jɔ̀kɛ̀, ndèŋgànɛ̀lɛ̀ i hwi nanù ema mèèmà me arzu me eta o worzo wo ama Lohwɛ̀.

Hwèwulùwèlì 2:26

Hwàto ema hwa lìya lì aka hweyà hwe wòhwe, ndèŋgànɛ̀lɛ̀ ema hwa gbeyà hweyà ema imba nà hwa ohweyà ò lì gbeyà, natɛ̀ɛ nà ò lìrzùkù là lòŋgɛ là awu anu rze, nà ò hwa ŋgba è wònja yà lì kànèyà hwèkòmè hwe arzɛ hwe anu rze yà mɔ̀nyɛ̀.