Hibrù 5:13 - Mokpwe: Bakwery (New Testament)

¹³ Tɔ̀ ima mòtò ema a nyɔ̀ŋgìrzɛ̀hwɛ, a hwèlì ndi nàa ŋmɛ̀ŋgɛ mo ŋmanà. A rza hwi mamɛ ema e hvomɛ̀nɛ̀ na e yɔ̀hvɛ ema e rza hvomɛ̀nɛ̀.

Hibrù 5:13 Mawu Ofanana

Matiyò 11:25

O èŋge hvònda Yerzù rzìi a òhwa nanù ema, “Ìi Tatɛ̀, Rzàŋgò wà ŋmanyu yà lohwà nà è rze ya mɔ̀nyɛ̀, nà ò ekì ehwànja ò ùŋmɛlɛ jùma hwanà hweyà ema ò ma wunane hwàŋgà ema hwa òhvi mahwiye na hwaŋga hwatò ema hwa rzɔ̀ŋgìtɛ̀nɛ̀.

Makòrzì 10:15

Nà è òhweyà è jɔ̀kɛ̀ nanù ema, tɔ̀ ima mɔ̀ ema à rza ìmànɛ̀lɛ̀ Lìkànèyà là ama Lohwɛ̀ nàa ŋmanà mòrzàlì, à rza lì kpèeyà.”

Ròmànì 2:20

È ma awòwɛ̀ inyɔ hwiti nàa hwatò ema hwa kòkòwɛ̀lɛ̀ hwèètì hwe hwatò ndèŋgànà hwatò ema hwa òkòlɛ hwatò ema hwa rza hwiyɛ tɔ̀ eyà. È ma awòwɛ̀ inyɔ hwiti nanù èhwanja na òma e ɔ̀ŋgɛ̀lɛ̀ ema e hwi i mbenda ja ama Lohwɛ̀ gbamù, e hwi hweyà hwe arzɛ ndèŋgàna e hwi e jɔ̀kɛ̀.

1 Kɔ̀rintìyà 13:11

È hvonda nà mà hwɛ ŋmanà, nà mà ohwa ndi nàa ŋmàna, màlùtèyà ma ami ma mà hwɛ ndi nàà mà ŋmanà ndèŋgàna nà mà lùtèyà ndi nàa ŋmanà. Nàŋgɛ rzɔ ema nà mà kòkɛ nà mà hwɛmɛ hweyà hwe àrzɛ hwe ŋmanà.

1 Kɔ̀rintìyà 14:20

Ìi wònyàmowe kòkò, e rzi hwɛ̀nɛ̀ hvɛ màlùtèyà ma hwàna. È hwɛ ndi nàa jùma hwàna ema hwa rza hwiyɛ wòhwe. Ndi o màlùtèyà ma anyu e hwɛ ndi nàa hwàmbaki hwa hwatò.

1 Kɔ̀rintìyà 3:1

Ìi wònyànyàŋgo hwa ami na hwa ndomɛ hwa ami, na rzi tanɛ lì e ohwìrzɛ̀nɛ̀ na oma nà mà tànɛyi lì e ohwìrzɛ̀nɛ̀ hwatò ema hwa ohvi Èlìŋgɛ̀ yà Lohwà. Nà ma hwɛnɛ ndi lì e ohwìrzɛ̀nɛ̀ nàa hwatò ema e hwèlì o ene rze. Tɔ̀ na e hwèlì ndi jùma hwàna ema hwà mà wòteyà lì hwɛ mɔ̀kɔ nà Krirztò.

2 Kɔ̀rintìyà 3:9

Lohwɛ̀ à mà uŋmɛ̀lɛ̀ nanù ema mɔ̀ ndi à hwèlì e mɔ̀ ema a karzami, e hvonda ema à mà ŋgbee Morzè imbenda. Iŋgi mbenda i ma gbeyà hwatò ò lì hwiya nanù ema mɔ̀ à o hwa kɔ̀kìrzɛ̀ o wòhwe ema hwà mà gbeyɛ. Ndi mɔ̀ à timbi ndi o lì awuŋmɛ̀lɛ̀ mɔ̀ ŋmìti o e ŋginyà ya eni o lì jo gbèeyà ema jo òhwe ndi moŋgo ŋmɛ̀ndì o lì uŋmɛ̀lɛ̀ nɛ hwatò hwa imanɛhwɛ o mba eni.

Ɛ̀hvìrzìyà 4:14

O eŋge hvonda i rza hwɛ hvɛ ndi nàa hwàna. Ène eyà e o gbèeyà hwatò ema hwa lukɛlɛnɛ hwa o òkolɛ hwatò hwèokòlelì hwe mòlàŋgà hwa rza o tànɛyi o lì jo lukɛlɛ na lì jo gbèeyà ema i gbeeye hweyà ema hwe rza hvomɛ̀nɛ̀. I rza o hwɛ ndi nàa wɔ̀ɔ̀lɔ̀ ema e mbɛ̀hvɛ̀nì e neŋgirzɛ o tɔ̀ ima èhvàrzù.

2 Tìmotì 3:16

Tɔ̀ mamɛ ema e tìlahwì o kààtì ya ama Lohwɛ̀ e uwɛ̀lɛ̀lɛ̀yi ndi o ma Lohwɛ̀. È oŋgowàna o lì okolɛ hwatò, e oŋgowàna o lì ohweyà hwatò màtonà ma awu, e oŋgowàna hvɛ hwatò ò lì tɛnɛnɛ màtonà ma awu, ndèŋgàna e oŋgowàna hvɛ hwatò ò lì gbeyà mamɛ ema e hvomɛ̀nɛ̀.

1 Pètrò 2:2

È aŋgàmɛ̀nɛ̀yi lì keka lì ana o lì luwa mòlelì mo èlìŋgɛ̀ ema mo rzàŋgi, nyayi hvɔ̀kɔ nàa mɛ̀ɛŋgɛ̀ me hwàna me èyeya mànyɔ̀ŋgɔ̀ ma màhwɛ, aŋga nanù, e lelì tɛ, e oŋga o lì luwa lìrzùŋgahwà lì anyu.

2 Yòwanìrzɛ̀ 1:11

Imba nà ohwa ndi nanù ehwànja, è mò kàrzɛ tɛ, è tìmba ndi mɔ̀kɔ wa eni o hweyà hwe wòhwe ema à gbeyà.