Hibrù 5:12 - Mokpwe: Bakwery (New Testament)

¹² Nà ohwa ndi nanù ehwànja, ò nàŋgɛ inyɔ è mà àŋgàmɛ̀nɛ̀ ndi lì hwɛ hwatò ema hwa okòlɛ hwahvɛhvɛ hwatò. Ndi hwa àŋgàmɛ̀nɛ̀ o lì e okolɛ hvɛ, hweyà ema inyɔ̀ e ma màa lì hwiya lì hvomɛ̀nɛ̀ ŋmɛ̀ndì mo ama Lohwɛ̀. È hwèlì ndi nàa mɛɛŋgɛ me hwanà ema hwa arza ndi lì nyɔ̀ŋgìrzɛhwɛ, rzeketɛ mòlelì ema mo eti.

Hibrù 5:12 Mawu Ofanana

Matiyò 17:17

Yerzù rzìi a alàhwɛ̀ nanù ema, “Bɔ̀ɔ! Inyɔ ene nyɔ̀ŋgɔ̀nì yà wòhwe ema è rza hwɛ̀nɛ̀ lìlòkɛ̀, nà hwɛ nà inyɔ natɛ̀ɛ nà rzìtii e? Nà è ajùlɛ̀nɛ̀ hvɛ natɛ̀ɛ nà ima hvònda e? È nò jàneyà òŋgò ŋmanà ònò.”

Makòrzì 9:19

Yerzù rzìi a hwa alàhwɛ̀ nanù ema, “Bɔ̀ɔ! Inyɔ ene nyɔ̀ŋgɔ̀nì yà wòhwe ema è rza hwɛ̀nɛ̀yi lìlòkɛ̀, nà hwɛ nà inyɔ natɛ̀ɛ nà rzìtii e? Nà è ajùlɛ̀nɛ̀ hvɛ natɛ̀ɛ nà ima hvònda e? È nò jàneyà òŋgò ŋmanà.”

Hwègbèèlì 7:38

Mònò Mòrzè mɛnɛ ndi mò ma hwɛ na hwatò hwa arzu ò mòrzanjɛ̀. A ma hwɛ aŋga na imbamba ja arzu e hvònda ema e aŋgèlì ema Lohwɛ̀ à mà òme na ŋmɛ̀ndì ò e hvàko ya Rzinàyi à mà hwa òhwirzɛnɛ. Mònò ŋmɛ̀ndì ema Mòrzè à mà wòwane eŋge aŋgèlì, mɔ̀ ndi irzɔ i hwèlì i gbeyàna natɛ̀ɛ na yawònò.

Ròmànì 3:2

Ɛ̀ɛ ò hwèlì mɔ̀rzɛ̀ŋgì rzayi-rzayi. Eyà ya wòrzò e hwèlì ndi nanù ema, ò màà mà ama wònyà Yudà ɔndi Lohwɛ̀ à mà ŋgbe ŋmɛ̀ndì mò eni.

1 Kɔ̀rintìyà 14:19

Ndi o tenì ya hwèlìyelì hwe Ndawò yà Lohwà, nà lɔ̀wu lì ohwa hweyà hweta ema hwe òŋgòwànà hwàhvɛ̀hvɛ̀ hwatò ò lì rzɔ̀ŋgìtɛ̀nɛ̀, lì aka lì ohwa, lìyòmè la hwekolì hwe hweyà o mbɔrzi ema tɔ̀ mòtò a rzà rzɔ̀ŋgìtɛ̀nɛ̀.

1 Kɔ̀rintìyà 14:20

Ìi wònyàmowe kòkò, e rzi hwɛ̀nɛ̀ hvɛ màlùtèyà ma hwàna. È hwɛ ndi nàa jùma hwàna ema hwa rza hwiyɛ wòhwe. Ndi o màlùtèyà ma anyu e hwɛ ndi nàa hwàmbaki hwa hwatò.

Gàletìyà 4:3

Nyayi hvɔ̀kɔ hvɛ mɛnɛ nanù ndi irzɔhvɛ i ma hwɛ nàa hwàanà e hvonda ema Krirztò a rzi jɛ̀ɛ̀. O eŋge hvonda, Iŋginyà ja ene rze i ma jo wowa ndi nàa hwàkòmì.

Hvìlipìyà 3:1

Ìi wònyàmòwe kòkò, o lì umba ene mbɔrzi, e oke mɔ̀nyɛ̀ŋgì na oma e hwèlì ndi mòtò mɔ̀kɔ na e Rzàŋgo. È rza o no tàkirzɛ o lì timba lì e tìleya hvɛ hweyà ema nà mà lome lì e tìleya. Ène eyà e hwèlì ndi o lì e kombɛ.

Kòlòrzìyà 3:16

Inyɛ̀ ŋmɛ̀ndì mò ama Krirztò mò lìya gbamù ò tenì yà mèèmà mè anyu ò ihvonda jà arzɛ. Inyɛ̀ inyɔ è gbeyàne moŋgo ŋmɛ̀ndì nà lìhwiyè lì anyu là arzɛ ò lì okòlɛ nà lì kòkòwɛ̀lɛ̀ mɔ̀kɔ nà ɔ̀nɛyi ò ihvonda ja arzɛ. Inyɔ è à èmbeyà Lohwɛ̀ mɛ̀rzɔ̀kɔ̀ ema mè hwèlì ò tenì yà è kààtì yà mɛ̀rzɔ̀kɔ̀ mè Lohwà. È èmbeyà Lohwɛ̀ mɛ̀rzɔ̀kɔ̀ ema mà eka Lohwɛ̀ nà Krirztò nà mè hvɛhvɛ mɛ̀rzɔ̀kɔ̀ ema mè è jɛ̀lɛ̀lɛ̀yì ò mèèmà mè anyu ò lì eka Lohwɛ̀. Inyɔ è mò èmbeyà ò lì mo eka nà mèèmà mè anyu mè arzɛ.

Hibrù 10:32

Ndi inyɔ e rzi hvoŋga na oma e ma hwɛ o hwèwotèlì ema e ma luwe ŋmàye. O eŋge hvonda tɔ̀ nɛ inyɔ e ma luwe mètàkà me ŋginyà e ma kaka mèèmà.

Hibrù 5:11

Irzɔ i hwɛni rzayì-rzayì ò lì ohwa, ò lì hvomɛ̀nɛ̀ enè eyà. Ndi è nò ambani ò lì gbeyà nanù ema è hwe rzɔ̀ŋgìtɛ̀nɛ̀, èhwanja è rza hwàmìrzɛ̀ ò lì rzɔ̀ŋgìtɛ̀nɛ̀.

Hibrù 5:13

Tɔ̀ ima mòtò ema a nyɔ̀ŋgìrzɛ̀hwɛ, a hwèlì ndi nàa ŋmɛ̀ŋgɛ mo ŋmanà. A rza hwi mamɛ ema e hvomɛ̀nɛ̀ na e yɔ̀hvɛ ema e rza hvomɛ̀nɛ̀.

Hibrù 6:1

O eŋgànɛ̀lɛ̀ rzɔ, inyɛ je ɛ̀ndɛ̀nɛ̀ lìlòkɛ̀ la arzu o worzo, nàa hwatò ema hwà mà màa lì hwiya eyà. I rza àŋgàmɛ̀nɛ̀ o lì wowa hvonda hvɛ o lì okowa hweyà ema hwà mà jo okolɛ̀ lì hvomɛ̀nɛ̀ Krirztò o hwèwòtelì. I ma màa lì okowa, ndèŋgànɛ̀lɛ̀ irzɔ i hwi nanù ema hwatò hwa àŋgàmɛ̀nɛ̀ lì àyèŋgowɛ̀ o lì hwɛmɛ lì gbeyà hweyà hwe wòhwe ema hwe jànà e kpelì. Ndeŋgànɛ̀lɛ̀ i ma màa lì hwiya nanù ema hwa àŋgàmɛ̀nɛ̀yi lì lòkɛ̀ Lohwɛ̀.

1 Pètrò 2:2

È aŋgàmɛ̀nɛ̀yi lì keka lì ana o lì luwa mòlelì mo èlìŋgɛ̀ ema mo rzàŋgi, nyayi hvɔ̀kɔ nàa mɛ̀ɛŋgɛ̀ me hwàna me èyeya mànyɔ̀ŋgɔ̀ ma màhwɛ, aŋga nanù, e lelì tɛ, e oŋga o lì luwa lìrzùŋgahwà lì anyu.

1 Pètrò 4:11

Tɔ̀ ima mòtò ema à hwi lì ohwa gbamù inyɛ à ohwe ndi nàa à ohwa ndi è mbɔrzi ema è uwɛ̀lɛ̀lɛ̀yì ò mà Lohwɛ̀ mɔ̀ ŋmìti. Tɔ̀ njɛnɛ ema à oŋgowàna hwatò, inyɛ à gbeyàne ndi è ŋginyà ema Lohwɛ̀ à mò ŋgbelì. Jèka jò ò ŋgbààhwà Lohwɛ̀ lì hvomɛ̀nɛ̀ hweyà hwe arzɛ lì akeyà nà Yerzù Krirztò. Èluhwe yà arzɛ nà è ŋginyà yà arzɛ è hwɛ nà mɔ̀ ò gbìndèyà nà ò gbìndèyà. Inyɛ̀ wò lìya nanù!