Hibrù 5:1 - Mokpwe: Bakwery (New Testament)

¹ Tɔ̀ ima Pìlìrzì e Kàrzàmi ema Lohwɛ̀ a hvɔ̀rzì o ìtììtènì ja hwatò, a mo hvɔ̀rzɔ̀ ndi nanù ema a mo gbèeyà o lìinà la hwaŋga hwatò. Èŋge Pìlìrzì ndi e hwèlì e mɔ̀ ema a wowa màahweyà ma hwatò, rzìi à mà ŋgbà o ma Lohwɛ̀ nàa jàhwèyà na màahweyà aŋga nanù Lohwɛ̀ a o làkìrzɛ̀ wòhwe wo hwatò.

Hibrù 5:1 Mawu Ofanana

Ròmànì 15:17

O hwehwɛ̀ɛlì hwe ami na Yerzù Krirztò, na tanɛyi lì kumba e ŋgeŋge ya ami na kumba ò nyòla èwòlò ema na gbèeya Lohwɛ̀.

1 Kɔ̀rintìyà 15:3

Nà ma e ohweyà Ŋmɛ̀ndì mò Gbamù ema nà mà luwe ndèŋgàna mo hwèlì wòlìtò. Mòŋgo ŋmɛ̀ndì mò hwèlì ndi ema, Krirztò à mà jo ŋwèeyà o wòhwe wò arzu, na oma e tìlahwì o kààtì ya ama Lohwà.

Hibrù 10:11

Èwòlò ya ama e pìlìrzì ya wònyà Yudà, e hwèlì ndi o lì tɛ̀mɛ̀ lì ŋgbà Lohwɛ̀ nyayi hvɔ̀kɔ ya làhweyà wùnyà tɛ. Ini tumba ja màahweyà i rza tànɛyi lì ulɛ wòhwe wo hwatò.

Hibrù 10:12

Ndi Krirztò mɔ̀ ŋmìti à mà ŋgbà màahweyà mɔ̀kɔ ema mà hwɛni e ŋginyà o lì ulɛ wòhwe wo hwatò ŋgèlì hvɔ̀kɔ o i ŋgèlì ja arzɛ. O mburza nanù rzìi a lìya o lìya la mome la ama Lohwɛ̀.

Hibrù 11:4

O lìlòkɛ̀ ndi Abɛ̀lì à mà ŋgbe Lohwɛ̀ làhweyà la gbamù, ema lì ma aka lìŋgi ema Kèyini à mà ŋgbe Lohwɛ̀. Liŋgi lìlòkɛ̀ lɔ ndi lì ma gbeyà ema Lohwɛ̀ à mà mo òkane mɔ̀nyɛ̀ŋgì nàa mòtò ema a gbèeyà hweyà ema hwe hvomɛ̀nɛ̀yi. Ène eyà e ma awuŋmɛ̀lɛ̀ na oma Lohwɛ̀ à mà emeyà làhweyà la ama Abɛ̀lì. Lìlòkɛ̀ ndi lì ma gbèya ema tɔ̀ nɛ Abɛ̀lì mɔ̀ à mà ŋwɛɛ, ndi à hwèlì lì ohweyà hwatò hweyà.

Hibrù 2:17

O eŋgànɛ̀lɛ̀ rzɔ̀, e ma àŋgàmɛ̀nɛ̀ lì hwɛ nanù ema Yerzù a hwɛ nàa wònyànyàŋgò hwa eni o hweyà hwe arzɛ, aŋga nanù mɔ̀ à hwɛ e Pìlìrzì e kàrzàmi, ema e ohvi ŋmèma mo ììlì ndèŋgànɛ̀lɛ̀ a hwèlì ndi mòtò ema hwa tanɛyi lì ika mèèmà me awu. Nà oma mɔ̀ à gbèeyà Lohwɛ̀, à mà gbeyà Lohwɛ̀ à mà làkìrzɛ̀ hwatò wòhwe wo awu.

Hibrù 7:27

Mɔ̀ a rza enje nàa ihvɛhvɛ Pìlìrzì i Kàrzàmi ema ja àŋgàmɛ̀nɛ̀yi lì ŋgbà màahweyà wùnyà tɛ. Iŋgi pìlìrzì i loma lì ŋgbà màhwèyà o lì hvomɛ̀nɛ̀ wòhwe wo awu, ndèŋgàna hwe e ŋgbà o lì hvomɛ̀nɛ̀ wòhwe wo hwahvɛhvɛ hwatò. Ndi Yerzù mɔ̀ à mà ŋgba e nyo ya eni nàa làhweyà, o wòhwe wo hwatò. Mɔ̀ à mà gbeyà ndi nanù o ŋgelì hvɔ̀kɔ o iŋgèlì ja arzɛ.

Hibrù 8:3

Tɔ̀ ima Pìlìrzì e Kàrzàmi e hvɔ̀rzɔ̀hwì o lì ŋgbà jàhwèyà, na màhwèyà ma hwèembè oma Lohwɛ̀. O èŋgànɛ̀lɛ̀ rzɔ, e Pìlìrzì e Kàrzàmi e hweni lì ohva yòma o lì ŋgbà nàa e la eni làhweyà o ma Lohwɛ̀.

Hibrù 8:4

O nàŋgɛ rzɔ, e ma hwɛ tɛ nanù ema à mà hwɛ ndi o rze ya mɔ̀nyɛ̀ o ma a rzi hwɛ Pìlìrzì, èhwanja o hwèlì Ipìlìrzì ema ja ahweyà màahweyà na oma e mbenda e ohwi.

Hibrù 9:9

Lìŋgi lìwondo lì uŋmɛ̀lɛ̀ ndi hweyà ema hwe gbèyɛ̀nɛ yàwono. Ène eyà e jo uŋmɛ̀lɛ̀ ndi nanù ema jàhwèyà, na màahweyà ma hwèembè ema hwatò hwa mà hwɛ lì ŋgbà Lohwɛ̀, hwe rzi tànɛyi lì rzàŋgirzɛ ŋmèma mo mòtò ema a ŋgbà làhweyà.