Hibrù 4:15 - Mokpwe: Bakwery (New Testament)

¹⁵ Ì hwɛnì è Pìlìrzì è kàrzàmi ema è jò òkeya ììlì. Èhwànja mɔ̀ à mà kèkìrzɛ̀hwɛ̀ ŋgana hvɔ̀kɔ nà oma irzɔ hvɛ ì mà kèkìrzɛ̀hwɛ̀, tɔ̀ nɛ mɔ̀ à rzìi gbèyɛ tɔ̀ wòhwe tɔ̀ wɔ̀kɔ.

Hibrù 4:15 Mawu Ofanana

Matiyò 12:20

A rza ò kakòhwa ɛ̀kɔ̀kɔ̀ ema e ma hwɛndeya, ndèŋgànà a rza ò lìmìrzɛ̀ ètùlù ema e arza lì lìmà. A ò gbeyà nanù natɛ̀ɛ hwɛ̀ɛ̀mɛ̀ hwe gbamù hwe ò hvuŋgana.

Matiyò 4:1

O mburza hvònda, Yerzù à mà tìmbahwa nà Èlìŋgɛ̀ ò lì kèkirzɛhwɛ̀ nà Mòkarzɛ̀ ò mòrzanjɛ̀.

Lukàrzɛ̀ 22:28

Inyɔ è nò àjùlɛ̀nɛ̀yi metàkà me ami me àrzɛ.

Lukàrzɛ̀ 4:2

Aŋga ndi Mòkarzɛ̀ a mà mò kèkirzɛ mènì menì me mèenyà. O mèŋge mèenyà me àrzɛ, à rzì le tɔ̀ yòmà ò èŋgànɛ̀lɛ̀ è njàwò è mà mò lɛ̀mbɛ.

Yòwanìrzɛ̀ 8:46

I ma mɔ̀kɔ wa anyu ema a nò rzɔ njɔ̀mi ya wòhwe e? Nà e òhweyà tɛ e jɔ̀kɛ̀, mamɛ ndeŋgatɛ e rza nò lòkɛ̀ e?

Ròmànì 8:3

È mbenda e rzi tanɛ lì kulɛ wòhwe èhwanja e mòtò wa hwènàmà a rzi hwɛnɛ e ŋginyà ya lì e òŋgama. O èŋgànɛ̀lɛ̀ Lohwɛ̀ à mà gbeyà eyà ema e mbenda e rzi tanɛ lì gbeyà. A ma òma è Ŋmanà wà eni na e nyò ya e mòtò wa hwènàmà ema e gbeyà wòhwe, ò lì lìmìrzɛ̀ e ŋginyà ya wòhwe. Nà òma Lohwɛ̀ à mà gbeye nanù e ma kulɛ e ŋginyà ya wòhwe ò tenì ya e mòtò wa hwènàmà.

2 Kɔ̀rintìyà 5:21

Lohwɛ̀ à mà hvɔ̀rzɔ̀ Yerzù o lì taka o nyòla wòhwe hwa arzu hwa arzɛ ema i ma gbeyɛ. Yerzù a rza gbèyi tɔ̀ wòhwe tɔ̀ nɛ à mà emeyà o lì ŋwa o nyòla arzu. Lohwɛ̀ à mà jo làkìrzɛ̀ wòhwe wo arzu ndèŋgànɛlɛ a ohwi à mà i rza gbeyà wòhwe hvɛ na oma mɔ̀ hvɛ a rza gbeyà wòhwe.

Hibrù 4:14

Ò èŋgànɛ̀lɛ̀ rzɔ nà oma ì hwɛnì è Pìlìrzì è Kàrzàmi Ndɛnɛ, Yerzù è Ŋmanà wà ama Lohwɛ̀, ema à mà lòmɛ lì ɛndɛ ò ŋmanyu yà lohwà ò worzo wò ama Lohwɛ̀, inyɛ ì lɛ̀mbɛ lìlòkɛ̀ là arzu kɔ̀yi-kɔ̀yi.

Hibrù 5:2

O àjùlɛ̀nɛ̀ hwatò ema hwà mà hvònda e njiya, ehwànja wɔ̀ hwa rza hwi hweyà ema hwa gbeyà, ndèŋgànɛ̀lɛ̀ mɔ̀ hvɛ a hwèlì ndi e mòtò wa hwènàmà ndeŋga ehwànja mɔ̀ hvɛ a ohvi màtona.

Hibrù 7:26

Yerzù mɔ̀ ndi à hwèlì èŋge tumba ya Pìlìrzì e Kàrzàmi ema a jo lɔ̀ɔ̀nì, èhwanja mɔ̀ à ondi na wòtani, a rza ohvi hvɛ tɔ̀ mehwɛlɛ, tɔ̀ wòhwe tɔ̀ wɔ̀kɔ wo rzi mo rzɔ̀ki. Mɔ̀ à mà akakowɛ o hwatò ema hwa gbeyà wòhwe, ndèŋgànɛ̀lɛ̀ a ikahwi o ŋmanyu ya e konda ndɛnɛ ya lìkànèyà o ŋmanyu yà lohwà.

Hibrù 9:28

Nànù hvɛ mɛnɛ ndi Krirztò à mà aŋgbɛ mɔ̀ ŋmìti o ŋgelì hvɔ̀kɔ o iŋgèlì ja arzɛ nàa jàhwèyà o lì ulɛ wòhwe ema wo koki o hwatò. Ndeŋgànɛ̀lɛ̀ mɔ̀ à o jà hvɛ e ŋgelì ema e ùkirzɛ̀ ihwàkɛ, rzeketɛ o lì ulɛ wòhwe o hwatò, ndi mɔ̀ à o jà o lì rzùŋgà mòŋgɛ ma hwatò ema hwa mo ambɛ̀lɛ.

1 Pètrò 2:22

Mɔ̀ a rzi gbeye tɔ̀ wòhwe, ndèŋgànɛ̀lɛ̀ o rzi hwɛ tɔ̀ mòtò ema à mà mo hweyàna eyà ya lì kɔ̀ o wàna ya eni.

1 Yòwanìrzɛ̀ 3:5

Ndi inyɔ e hwi nanù ema Krirztò à mà jà o e rze ya mɔ̀nyɛ̀ o lì kulɛ wòhwe. Ndeŋgànɛ̀lɛ̀ inyɔ e hwi nanù ema mɔ̀ à rza ohvi tɔ̀ wòhwe.