Hibrù 4:14 - Mokpwe: Bakwery (New Testament)

¹⁴ Ò èŋgànɛ̀lɛ̀ rzɔ nà oma ì hwɛnì è Pìlìrzì è Kàrzàmi Ndɛnɛ, Yerzù è Ŋmanà wà ama Lohwɛ̀, ema à mà lòmɛ lì ɛndɛ ò ŋmanyu yà lohwà ò worzo wò ama Lohwɛ̀, inyɛ ì lɛ̀mbɛ lìlòkɛ̀ là arzu kɔ̀yi-kɔ̀yi.

Hibrù 4:14 Mawu Ofanana

Matiyò 4:3

Mòkarzɛ̀ rzìi à mà mò jèeyà, rzìi à mò òhwèyà nanù ema, “Ò hwèlì tɛ è Ŋmanà wà ama Lohwɛ̀, kànèyà manù màŋyàyi mà timbe, hwèhvòòtò.”

Makòrzì 1:1

Hwewòtelì hwe Ŋmɛ̀ndì mò Gbamù lì hvòmɛ̀nɛ̀ Yerzù Krirztò, è Ŋmanà wà ama Lohwɛ̀.

Makòrzì 16:19

Ò mburzà hvònda ema Rzàŋgò Yerzù à mà hwa òhweyà hwenè hweyà, rzìi Lohwɛ̀ à mò gbeyà à kòòhwà ò ŋmanyu yà Lohwà. À mà lìyà ò lìya là mòmɛ̀ là ama Lohwɛ̀.

Lukàrzɛ̀ 24:51

Nà òmà a mà hwɛ lì hwa nàmìrzɛ̀, rzìi hwa lìiya aŋga, à kòhwà ò ŋmanyu yà Lohwà.

Hwègbèèlì 1:11

Hwàŋga wunyanà hwa ahwakɛ rzìi hwa ijòwa hwà-òkòwèlì nanù ema, “Ìi hwatò hwa Galìlì, mamɛ è tɛ̀mèlì anù è ɔŋgɔ̀ ò ŋmanyu e? Onò Yerzù ema Lohwɛ̀ à mà gbeyɛ nanù ema à è akakòwɛ, ndèŋgànà à mà ɛndɛ ò ŋmanyu yà Lohwà, à ò tìmba hvɛ nyayi hvɔ̀kɔ nà òma inyɔ è ɛni à agba ò ŋmanyu.”

Hwègbèèlì 3:21

Yerzù a lòma lì lìya hvɔni ò ŋmanyu yà lohwà natɛ̀ɛ e hvònda e ɔlɛ ema Lohwɛ̀ a tikòwa hweyà hwe arzɛ rzi hwe timba hwe hvènya. Nànù ndi Lohwɛ̀ à mà gbeye natɛ̀ɛ na e kòhwa nanù ema hwà-òhwèlì hwa hwèlìŋgɛ̀ hwa Wòtani hwa òhweyà hwatò.

Ròmànì 8:34

Njɛnɛ rzɔ à tànɛyi lì òhwa nanù ema ì tùu ŋmaŋgò e? Yerzù Krirztò à mà ŋwa, à hvùmùwà, rzi à lìya ò èhvàrzù yà lìya là mòmɛ̀ là ama Lohwɛ̀, ndèŋgàna aŋga ndi mɔ̀ à hwèlì à jò kanɛ̀lɛ̀lɛ̀.

2 Kɔ̀rintìyà 12:2

Nà hwi eyà ema e ma gbeeyɛnɛ mòtò wa Krirztò mɔ̀kɔ lìyomɛ la meya na menì me ma aka. Lohwɛ̀ à mà mo hvùma a mo ɛ̀ndɛ̀nɛ̀ o ŋmanyu yà lohwà lì karzami, na rza hwi ŋga à mà ɛ̀ndɛ ndi o èlìŋgɛ̀ ŋga o nyàmà ya nyo, Lohwɛ̀ mɛnɛ ndi à hwi mamɛ e ma gbèyɛ̀nɛ.

2 Kɔ̀rintìyà 9:13

Hweya ema ene èwòlò ema e gbeyà, hwe o wuluhwa o mote, hwe gbeyà hwatò rzayi-rzayi o lì ŋgba Lohwà èluhwe, èhwanja inyɔ e hwèlì ndi o lì gbeyà na oma ŋmɛ̀ndì mò ama Krirztò mo òhwi. Inyɔ e hwɛnì rzɔ o lì uŋmɛ̀lɛ̀ mono ŋmèma mo gbamù o hwatò hwa Lohwà ema hwa hwèlì o Jèrurzalɛ̀mù, ndèŋgànɛlɛ o lì mo uŋmɛ̀lɛ̀ hvɛ o hwahvɛhvɛ hwatò hwa Lohwà.

Ɛ̀hvìrzìyà 4:10

È mɔ̀ ema à mà jà o e rze, mɔ̀ mɛnɛ hvɛ ndi à mà ɛndɛ o èki ema e kàrzàmi lì aka weki hwe arzɛ. A ma ɛndɛ o ŋmanyu, aŋga nanù hweyà hwe arzɛ hwe ondìrzɛ̀hwɛ.

Hibrù 1:8

Ndi Lohwɛ̀ à mà ohwa lì hvomɛ̀nɛ̀ e Ŋmanà wà eni nanù ema, “Ìi Lohwà, lìkànèyà la aŋgɔ, lì o hwɛ o gbìndèyà na o gbìndèyà. O ò kànèyà hwatò hwa aŋgɔ nyayi ema e hvomɛ̀nɛ̀.

Hibrù 10:12

Ndi Krirztò mɔ̀ ŋmìti à mà ŋgbà màahweyà mɔ̀kɔ ema mà hwɛni e ŋginyà o lì ulɛ wòhwe wo hwatò ŋgèlì hvɔ̀kɔ o i ŋgèlì ja arzɛ. O mburza nanù rzìi a lìya o lìya la mome la ama Lohwɛ̀.

Hibrù 10:23

Inyɛ̀ i lɛmbɛ lìhvìtà là arzu kɔ̀yi-kɔ̀yi, e rzi hwɛ lì nyiŋgirzɛhwɛ, èhwanja irzɔ i lòkɛ̀yi nanù ema Lohwɛ̀ ema a ohwi à mà a gbeyà mamɛ ema a ohwa nanù ema a gbeyà a e gbeyà.

Hibrù 10:29

Mòtò a rza wowi tɛ e Ŋmanà wà mùnyanà wa ama Lohwɛ̀ nàa tɔ̀ eyà, nanù oma mɔ̀ à rza wowi màyija ma yòòmbò ya ama Lohwɛ̀ ema mà mo gbèyi ema a hwɛ worzaŋgi nàa tɔ̀ eyà. Ndèŋgàna e hwèlì tɛ ema mɔ̀ à hwɛnyɛ Èlìŋgɛ̀ ema e jànà ndèli nɛ rzɔ e kɔ̀kìrzɛ̀ ya ama ene nyayi ya mòtò e tànɛyi lì hwɛ e?

Hibrù 12:2

Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.

Hibrù 2:1

O eŋgànɛ̀lɛ̀ rzɔ, na oma irzɔ i hwi hwene hweyà, ja àŋgàmɛ̀nɛ̀yi ndi lì ika mèèmà me arzu o tɔ̀ ima eyà ema i hweyi aŋga nanù i rza eŋgama.

Hibrù 2:17

O eŋgànɛ̀lɛ̀ rzɔ̀, e ma àŋgàmɛ̀nɛ̀ lì hwɛ nanù ema Yerzù a hwɛ nàa wònyànyàŋgò hwa eni o hweyà hwe arzɛ, aŋga nanù mɔ̀ à hwɛ e Pìlìrzì e kàrzàmi, ema e ohvi ŋmèma mo ììlì ndèŋgànɛ̀lɛ̀ a hwèlì ndi mòtò ema hwa tanɛyi lì ika mèèmà me awu. Nà oma mɔ̀ à gbèeyà Lohwɛ̀, à mà gbeyà Lohwɛ̀ à mà làkìrzɛ̀ hwatò wòhwe wo awu.

Hibrù 3:1

Ìi wònyàmòwe hwa ama Krirztò kòkò, inyɔ ema Lohwɛ̀ à mà hwɛ̀lɛ o lì hwɛ hwatò hwa eni, inyɛ̀ e ika màlùtèyà ma anyu o ma Yerzù. Mɔ̀ ndi à hwèlì e mògbèèlì ema Lohwɛ̀ à mà ome o lì hwɛ e Pìlìrzì e kàrzàmi o hweyà ema irzɔ jo ohwi nanù ema i lòkɛ̀yì.

Hibrù 3:14

I hwèlì ndi mɔ̀kɔ na Yerzù Krirztò, è hwèlì tɛ̀ ema i lɛmbi tɛ lìlòkɛ̀ ema i ma lome lì hwɛnɛ kɔ̀yi-kɔ̀yi natɛ̀ɛ na o lìrzùkù.

Hibrù 6:20

Yerzù ndi à mà lòma ò lì kpèeyà ò eŋge èki ò nyòla arzu ò lì jò rzekeya ekì. Ò nàŋgɛ mɔ̀ ndi à mà hwɛ è Pìlìrzì è Kàrzàmi, aŋga ema è hwèlì natɛ̀ɛ nà ò gbìndèyà ŋgàna hvɔ̀kɔ nàa Mɛlkirzɛdɛki.

Hibrù 6:6

È hwèlì tɛ nanù ema hwaŋga hwatò hwà mà màa lì ɛnɛ hweŋge hweyà, rzìi hwa kìnyɛ̀lɛ̀ màlòkɛ̀ ma awu, tɔ̀ mòtò a rza tanɛ lì hwa tìmbìrzɛ hvɛ o lì àyèŋgowɛ̀ o wòhwe o lì nɔ̀ŋgɔ̀ Lohwɛ̀. Nà oma hwa rzɔ̀njɛlɛ è Ŋmanà wà Mùnyanà wa ama Lohwɛ̀, e hwèlì ndi o a ɛnɛ oma hwà mà mo wòmeyà hvɛ o mbàrza. Ndeŋgànɛ̀lɛ̀ hwà mà mo gbeyà o lì oka irzɔ̀ni o worzo wo hwatò.

Hibrù 7:3

È rza tìlahwì tɔ̀ èki nanù ema Mɛlkirzɛdɛki à mà ohva rzàŋgo tɔ̀ e nyɔ̀ŋgɔ̀ni. Ndèŋgànɛ̀lɛ̀ e rza tìlàhwi hvɛ na oma mɔ̀ à mà ŋyàahwè tɔ̀ nɛ à mà ŋwèeyà. A hwèlì ndi e pìlìrzì natɛ̀ɛ na o gbìndèyà ŋgana hvɔ̀kɔ hvɛ na oma è Ŋmanà wà e mòtò wa hwènàmà mɔ̀ hvɛ a hwèlì e pìlìrzì o gbìndèyà na o gbìndèyà.

Hibrù 8:1

jànda jà mamɛ ema jò òhwa i hwèlì ndi nanù ema, jo òhvi ene tumba ya Pìlìrzì e Karzami ema, e lìyayi o èhvarzù ya lìya la mòmɛ̀ la e konda ya Lohwà lì karzami, o ŋmanyu yà lohwà.

Hibrù 9:12

Nà oma Yerzù à mà kpèeyà o lìŋgi lìwondo, à mà kpèeyà ndi o Èki ema e akayi Wòtani Rzayi-rzayi o ŋgelì hvɔ̀kɔ o iŋgèlì ja arzɛ. A rzi wòwe màyija ma mbolì tɔ̀ e màa nyàkà o lì ŋgbà màahweyà, à mà wowa ndi màyija ma eni mɛnɛ. A ma mà gbeyàna o lì jo kɔ̀tɔ̀ o wòhwe wo arzu aŋga nanù jo o hwɛ o lòŋgɛ la gbìndèyà.

Hibrù 9:24

Krirztò mɔ̀ à rzi kpèeyà Èki ya Wòtani ema e ma oŋgahwa ndi na màà mà hwatò hwa hwènàmà, ema e ma àyɛ̀kɛ̀nɛ̀ hwèèmà hwe e ŋmanyu yà lohwà. Krirztò mɔ̀ à mà kpèeyà o ŋmanyu yà lohwà yitɛ-yitɛ, o nàŋgɛ nanù mɔ̀ à tɛmì o worzò wo ama Lohwɛ̀ o lì ohwa o nyòla arzu.

1 Pètrò 3:22

Krirztò ema mɔ̀ à mà ɛndɛ ò ŋmanyu yà lohwà ndèŋganɛlɛ à lìyàyi ò ehvàrzu yà lìya là momɛ̀ là ama Lohwɛ̀, à kànèyà i aŋgèlì jà arzɛ, hwàkànèlì hwa arzɛ nà iŋginyà ja arzɛ ja ŋmanyu.