Hibrù 4:1 - Mokpwe: Bakwery (New Testament)

¹ Ò èŋgànɛ̀lɛ̀ rzɔ nà oma Lohwɛ̀ à mà jò kàkɛ̀nɛ̀ ema irzɔ ì tànɛyi ò lì kpèeyà ò èki yà eni yà lì arzìyòlɛ̀, jò ò è kpèeyà. Ò eŋgànɛlɛ rzɔ, inyɛ jà aŋgowe nanù ema tɔ̀ mòtò à rzi hvònda ò lì kpèeyà aŋga.

Hibrù 4:1 Mawu Ofanana

Matiyò 24:48

Ndi òŋgò mògbèèlì a hwèlì tɛ wa wòhwe, rzìi a òhwanɛ̀lɛ ò ŋmèma mò eni nanù ema, ‘Rzàŋgò wa ami wa èwòlò a ò indeya ndèŋgànà a e timba.’

Hwègbèèlì 3:19

È àyèŋgòwɛ̀ rzɔ nàŋgɛ̀, ò wòhwe wò anyu e tìmbèyà Lohwɛ̀, aŋga nanù à è làkirzɛ̀ wòhwe wò anyu.

Ròmànì 11:20

Àŋga mɔ̀ e hwèlì ndi e jɔ̀kɛ̀. Hwe ma rzenjòwahwa èhwanja hwe rzi lòkɛ̀. Inyɔ e ma ikahwa aŋga èhwanja inyɔ e lòkɛ̀yi. Ndi e rzi òhva kumba. Ndi inyɛ inyɔ e òke wɔ̀ŋgɔ̀.

Ròmànì 3:23

Hwatò hwa arzɛ hwà mà gbeyà wòhwe, tɔ̀ mòtò a rza kànɛ lì luwa èluhwe ya ama Lohwɛ̀.

1 Kɔ̀rintìyà 10:12

Hwàŋga ema hwa lùteyà nanù ema hwa tɛmì ehve-ehve o lì lòkɛ̀ hwa aŋgòwè hwa rzi ja lì undeya.

2 Kɔ̀rintìyà 6:1

Nà oma i gbeyà èwòlò ya ama Lohwɛ̀ na Lohwà, je e atɛkɛ nanù ema e ndèli ya ama Lohwɛ̀ ema i luwa e rzi hwɛ o ŋgundu.

Gàletìyà 5:4

Tɔ̀ ima mɔ̀kɔ wa anyu ema a ɔ̀ŋgɛ̀lɛ̀ nanù ema a hwɛni lì atàkìrzɛ̀ o lì ika e mbenda aŋga nanù Lohwɛ̀ a mo emeyà, à mà màa lì awulɛ mɔ̀ ŋmìti o ma Krirztò. Ndèŋgànɛ̀lɛ̀ à mà awulɛ mɔ̀ ŋmìti o e ndèli ya ama Lohwɛ̀.

2 Tìmotì 2:13

I gbèyi tɛ mamɛ ema Krirztò a arza nanù ema i gbeye, mɔ̀hvɛ a gbeyà hweŋge hwe arzɛ ema a ohwi nanù ema a gbeyà, èhwanja mɔ̀ à rza tanɛ lì arzɔ̀rzɛ̀ mɔ̀ ŋmìti.”

Hibrù 12:15

È aŋgòwa, nanù ema tɔ̀ mòtò tɔ̀ mɔ̀kɔ a rza o hvònda lì lùwa ììlì ja ama Lohwɛ̀. È aŋgòwa tɔ̀ mɔ̀kɔ hwa anyu a rzi hwɛ nàa mbota ya wòhwe ema e oŋgi tɛ e jànà ndùtù rzìi e hvaŋga ihvɛhvɛ mbota.

Hibrù 12:25

È hwɛnì lì aŋgòwa, nanù ema e rzi ndinda mamɛ ema Lohwɛ̀ a e ohweyà. Hwatò ema hwa rzi hweyàne e mòtò ema Lohwɛ̀ à mà ike o rze o lì kòkòwɛ̀lɛ̀ hwatò hwà mà kɔ̀kìrzɛ̀hwɛ̀. Nà oma hwà mà kɔ̀kìrzɛ̀hwɛ̀, nanù ndi irzɔ hvɛ jo ò kɔ̀kìrzɛ̀hwɛ̀ i rza hweyàni tɛ màyòwà ema mà uwɛ̀lɛ̀lɛ̀yi o ŋmanyu ya Lohwà.

Hibrù 13:7

È ɔ̀ŋgɛ̀lɛ̀ hwàtimbèlì hwa anyu hwa kòhwà ema hwa mà e ohweyà Eyà ya Lohwà è ɔ̀ŋgɛ̀lɛ̀ nà oma hwà mà lìya mòŋgɛ ma awu, e hwa nɔŋge matàŋgà mà awu ndeŋgànɛ̀lɛ̀ e lòkɛ̀ na oma wɔ̀ hvɛ hwà mà lòkɛ̀.

Hibrù 3:11

Nà mà hwa tàtànà natɛ̀ɛ nà àtɛ̀ɛ̀ yòmbo nanù ema, ‘Hwa rza ò kpèya à kpèeyà hvɛ tɔ̀ ò èki yà ami yà lì àrzìyòlɛ̀.’”

Hibrù 4:11

Ò èŋgànɛ̀lɛ̀ inyɛ i gbeye nanù ema, irzɔ hvɛ jò ò kpèeyà èŋge èki yà lì arzìyolɛ, aŋga nanù tɔ̀ mɔ̀kɔ wa arzu a rza o hvònda o lì kpèeyà aŋga. I rzi nɔ̀ŋgɔ̀ màtaŋgà mà hwatò ema hwa rzi hwɛ lì gbeyà na oma Lohwɛ̀ à mà ohwe nanù ema hwa gbeye.

Hibrù 4:9

Ò eŋgànɛ̀lɛ̀ rzɔ, ekì yà lì arzìyolɛ ema è hwèlì ndi nàa lì arzìyolɛ ema Lohwɛ̀ à mà arzìyolɛ ò mbùrzà ema mɔ̀ à mà wèke è rze yà mɔ̀nyɛ̀, è ambɛ̀lɛ̀ hwaŋga hwatò nanù mɛnɛ.