Hibrù 3:7 - Mokpwe: Bakwery (New Testament)

⁷ Ò eŋgànɛlɛ, è okànèyà mamɛ ema Èlìŋgɛ̀ yà Wòtani è ohwa. Yɔ̀ è ohwa nanù ema, “Yàwonò, è hweyi tɛ lìlo là ama Lohwɛ̀,

Hibrù 3:7 Mawu Ofanana

Matiyò 17:5

Nà òma à mà hwɛ lì òhwa, lìmbàkì ema lì ma ɛneya rzìlìhwà lì ma hwa hwànda, lìlò lì ma wurza ò lìŋgi lìmbàkì lì ma òhwa ema, “È Ŋmanà wà ami wà ndìŋgɛ ya màlìŋgò ònò, ema a nò òkirzɛ̀ mɔ̀nyɛ̀ŋgì, e mò hweyàne!”

Matiyò 22:43

Yerzù rzìi a hwa òhweyà nanù ema, “Mamɛ ndeŋgatɛ èlìŋgɛ̀ è mà kànèyà Dàhwitì ò lì mò hwɛlɛ ‘Rzàŋgò,’ e hvònda ema à mà òhwe nanù ema,

Makòrzì 12:36

Dàhwitì mɔ̀ ŋmìti, Èlìŋgɛ̀ yà Wòtani e mà mò kpèeyà rzìi a òhwa nanù ema, ‘È Rzàŋgò Lohwɛ̀ à mà òhweyà e Rzàŋgò wa ami ama, Lìyà ò lìya la ami la mòme, natɛ̀ɛ na e hvònda ema na gbeyà ò laala hwakɔ̀èlì hwa aŋgɔ̀ na mataŋgà mà aŋgɔ̀.’

Yòwanìrzɛ̀ 10:16

Nà òhvi mehvɛhvɛ mɛ̀lɛ̀ŋgù, ema me rza ènje ò tenì ya ene ndawò ya mɛ̀lɛ̀ŋgù. Nà àŋgàmɛ̀nɛ̀yi lì me jànà mèyɔ̀hvɛ. Me òkànèyà lìlò la ami, rzi me hwɛ gbaka wɔ̀kɔ na mɔ̀ɔŋgèlì mɔ̀kɔ.

Yòwanìrzɛ̀ 10:27

Mɛ̀lɛ̀ŋgù me ami me òkànèyà lìlò la ami, na me hwi, rzi mèyɔ̀hvɛ me nò nɔ̀ŋgɔ.

Yòwanìrzɛ̀ 10:3

È mòtò ema a ɔŋgeya èki, a mò lìhvòweya lìyòhva la kɔtɔ̀. Mɛɛlɛŋgu meyɔhvɛ̀ me mò hweyàna lìlò la eni. Mɔ̀ a hwɛlɛ mɛ̀ɛlɛ̀ŋgù me eni na mìinà ma awu, ò lì me tìmba ò èwòka.

Yòwanìrzɛ̀ 5:25

Nà e òhweyà e jɔ̀kɛ̀ nanù ema, e hvònda e hwèlì e ja èŋge hvònda e ma màa lì jà, ema hwatò ema hwà mà ŋwɛɛ hwa hwèya lìlò la ama è Ŋmanà wà ama Lohwɛ̀, rzìi hwaŋga ema hwa hweyi lìŋgi lìlò hwa ò hwɛ ò lòŋgɛ.

Hwègbèèlì 1:16

“Ìi wònyamòwè kòkò, hweyà ema hwe mà tìlahwa ò kààtì yà Lohwà hwe mà hwɛnɛ lì òndìrzɛ̀hwɛ. Èlìŋgɛ̀ yà wòtani è mà lòma lì òhwa ò wàna yà ama Dàhwitì lì hvòmɛ̀nɛ̀ Jùdàrzì ema à mà tìmba hwatò ò lì ɛndɛ lì ŋgbaŋgɛ Yerzù.

Hwègbèèlì 28:25

O èŋgànɛ̀lɛ̀ hwà mà wòteyà lì atɔ̀kìrzɛ̀nɛ na òma hwà mà hwɛ lì ɛndɛ. Hwa è hwiya lì anjiya, Pàwolò à mà hwa òhweyà nanù ema, “Èlìŋgɛ̀ yà Wòtani e ma hvòmɛ̀nɛ̀ na òma e mò òhweyà mòòhwèlì wà èlìŋgɛ̀ Àyìrzayà hweyà nanù ema a òhweyà imbamba ja anyu nanù ema,

Hwègbèèlì 8:29

Èlìŋgɛ̀ yà Wòtani rzi e òhweyà Hvìlìpì nanù ema, “Ɛndɛ ò tòŋgòŋgò ya eŋge ehwàmbanì, ò e kòmbɛnɛ.”

Hibrù 10:15

Èlìŋgɛ̀ ya wòtani yɔ hvɛ e jo uŋmɛ̀lɛ̀ nanù ema e hwèlì ndi e jɔ̀kɛ̀. È ohwi nanù ema,

Hibrù 3:13

Ndi è àyètìrzɛ̀nɛ̀ mɔ̀kɔ nà ɔnɛyi wùnyà tɛ, na oma eyu e hwɛ̀lɛ̀hwɛ̀ nanù ema, “Yàwono,” aŋga nanù wòhwe wo rza lukɛlɛ mèèmà me anyu o lì hwɛneya Lohwɛ̀ maniya.

Hibrù 3:15

È tìlàhwì ò tenì yà è kààtì yà Lohwà nanù ema, “Yàwonò è hweyi tɛ lìlo là ama Lohwɛ̀, è rzi kèka lì hwɛ̀neyà Lohwɛ̀ màniya, nàa imbamba ja anyu ì mà hwɛ̀neyà Lohwɛ̀ màniya e hvonda ema hwa mà tèŋgɛ̀nɛ̀ Lohwɛ̀.”

Hibrù 4:7

Ò èŋgànɛ̀lɛ̀ Lohwɛ̀ à mà rzèkeyà wohvɛhvɛ wùnyà wò hwɛ̀lɛ̀hwɛ̀ ndi, nanù ema, “Yàwonò.” Ò hvonda ema è mà aka, Lohwɛ̀ à mà ohwa, lì akeyà nà imbɔrzi jà ama Dàhwitì ema imba nà mà màà lì è tìleyà nanù ema, “Yàwonò è hweyi tɛ lìlo là ama Lohwɛ̀, è rzi hwɛ̀neyà Lohwɛ̀ màniya.”

Hibrù 9:8

Èlìŋgɛ̀ yà Wòtani e ma gbeyà hwene hweyà o lì jo uŋmɛ̀lɛ̀ nanù ema, na oma i hwèlì i gbeyàna lìwondo la e rze ya mɔ̀nyɛ̀, e ma gbeyà ema irzɔ i rza tanɛyi o lì uka Lìwondo la Wòtani o èki ema Lohwɛ̀ a hwèlì.

2 Pètrò 1:21

È mbɔrzi ema hwà-òhwèlì hwa hwèlìŋgɛ hwà mà ohwe, e rzi uwɛ̀lɛ̀lɛ̀yi ndi na hwatò hwa hwènàmà, ndi Èlìŋgɛ̀ yà Wòtani ndi e ma hwɛ lì lìyɛlɛ hwatò ema hwà mà ohwa eŋge mbɔrzi. Èŋge mbɔrzi e ma uwɛ̀lɛ̀lɛ̀yi ndi o ma Lohwɛ̀.

Hwèwulùwèlì 3:20

È ɔŋgɔ tɛ. Nà tɛmi o lìyohva la anyu ndèŋgànɛ̀lɛ̀ na hwèlì na lì kumba. Tɔ̀ njɛnɛ ema a hweyi lìlo la ami, rzìi a lìhvowa lìyohva, imba na kpèeyà, ndèŋgànɛ̀lɛ̀ na laa mòlelì na mɔ̀, ndèŋgànɛlɛ mɔ̀ hvɛ a laa mòlelì na imba.