Hibrù 3:3 - Mokpwe: Bakwery (New Testament)

³ Mòtò ema a oŋgi ndawò a hwɛni èluhwe lì aka e ndawò yɔ yiti nanù mɛnɛ hvɛ ndì e hwèlì na Yerzù ema a hwɛni èluhwe ndɛnɛ lì aka Morzè.

Hibrù 3:3 Mawu Ofanana

Matiyò 16:18

Pètrò na òhweyà nanù ema ò hwèlì ndi ɛ̀kɔ̀kɔ̀ ya lìŋyàyi. O ŋmanyu ya ene ɛkɔkɔ ya lìŋyàyi ndi na òŋga mìitelì me ami. Tɔ̀ è ŋginyà ya e kpelì e rza tànɛyi lì anana meŋge miitelì.

1 Kɔ̀rintìyà 3:9

Èhwanja irzɔ hwahwàkɛ i hwèlì ndi hwàgbèèlì hwa ama Lohwɛ̀ ema i gbeyà ndi èwòlò yɔ̀kɔ. Inyɔhvɛ ema e lòkɛ̀yi, e hwèlì ndi nàa e hvaya ya ama Lohwɛ̀. Nà tànɛyi na e wowa ndi nàa wooŋgi ema Lohwɛ̀ a hwèlì a oŋga.

2 Kɔ̀rintìyà 3:7

O nàŋgɛ Morzè mɔ̀ à mà okolɛ hwatò nanù ema wɔ̀ hwa ika imbenda ja yòòmbò ya koohwa. Lohwɛ̀ à mà tìla ini mbenda o màŋyàyi ema mà nàŋgayi tàlìi rzìi à mà ŋgba Morzè o lì okolɛ hwatò. Nà oma Lohwɛ̀ à mà ŋgbe Morzè ini mbenda à mà gbeyà worzo wa ama Morzè o lì ɛneya kɛyi-kɛyi o lì uŋmɛ̀lɛ̀ nanù ema iŋgi mbenda i hwèlì ndi mbenda ja ama Lohwɛ̀. Worzo wa ama Morzè wo ma ɛneya ndi kɛyi-kɛyi ema tɔ̀ hwatò hwa Irzàyɛ̀lì hwa rzi tànɛyi o lì ɔ̀ŋgɔ worzo wa ama Morzè. Tɔ̀ nɛ wà mà ɛneya ndi kɛyi-kɛyi rzayi-rzayi, moŋgo ŋmàye wo ma wòteyà lì ɔ̀ndɔ̀ tenyi-tenyi. Hwatò ema hwà mà oŋgama yòòmbò ya koohwa hwà ma ŋwa ndèŋgànɛlɛ hvɛ hwa rzi hwɛ na Lohwɛ̀.

Kòlòrzìyà 1:18

Mɔ̀ ndi à hwèlì mòòhvò mò hwatò ema hwa mò lòkɛ̀yì, ndèŋgànɛlɛ wɔ̀ hwa hwèlì ndi nàa è nyo yà eni. Mɔ̀ ndi à ŋgba hwaŋga hwatò lòŋgɛ ehwànja mɔ̀ ndi à hwèlì è mòtò wà worzo ema Lohwɛ̀ à hvùmùlɛ̀yi ò kpelì, ndèŋganɛlɛ ema mɔ̀ ndi à ò hwɛ natɛ̀ɛ nà ò gbìndèyà. Ène eyà è mà gbèyɛ̀nɛ̀ ndi nanù aŋga nanù mɔ̀ à hwɛ ò lì kànèyà hweyà hwe arzɛ.

Hibrù 2:9

Ndi irzɔ ja ɛnɛ nɛ Yerzù a hwèlì. O ŋmanà hvoka hvonda Lohwɛ̀ à mà mo gbeyà ema a rza ukɛ tɔ̀ i aŋgèlì. O nàŋgɛ, Lohwɛ̀ à mà mo ŋgba ŋmàye na èluhwe nàa kìŋgɛ ehwànja o lìtake ema mɔ̀ à lu na e kpelì ema a ŋwelì. Lohwɛ̀ mɔ̀ à mà jo uŋmɛ̀lɛ̀ e ndèli ya eni o e kpelì ya ama Yerzù a ŋwɛlɛlɛyì hwatò hwa arzɛ.

Hibrù 3:4

Ò jɔ̀kɛ̀ ndawò tɛ e oŋgahwa na mòtò ndì Lohwɛ̀ ndì a oŋga hwèèmà hwe arzɛ.

Hibrù 3:6

Ndi Krirztò nàa è Ŋmanà wà munyanà wa ama Lohwɛ̀, à mà hwɛ lì kànèyà e ndawò yà Lohwà na ŋmèma mɔ̀kɔ. Irzɔ hvɛ i hwèlì ndì hwatò hwa lìtumba la e ndawò ya ama Lohwɛ̀, e hwèlì tɛ nanù ema jo ohvi etembe, ndèŋgànɛ̀lɛ̀ ji ikayi mèèmà me arzu na eyà ema ja àyèkìrzɛ̀nɛ̀ ema ji ikayi màhvìtà mà arzu.