Hibrù 3:12 - Mokpwe: Bakwery (New Testament)

¹² È wòwè hvonda ìi wònyanyàŋgò hwa ami hwa Krirztò ema tɔ̀ mɔ̀kɔ wà anyu à rza ohva ŋmèma mò wòhwe ema mò rza lòkɛ̀, aŋga nanù è rza hwɛmɛ Lohwɛ̀ ema à hwèlì lòŋgɛ.

Hibrù 3:12 Mawu Ofanana

Matiyò 16:16

Rzìmɔ̀nì Pètrò rzìi a mò alàhwɛ̀ nanù ema, “O wa ndi ò hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà ama Lohwà ema lì hwèlì lòŋgɛ.”

Matiyò 24:4

Yerzù rzìi a hwà alàhwɛ̀ nanù ema, “È aŋgòwa mòtò a rzì e lukɛlɛ.

Makòrzì 13:23

O èŋgànɛ̀lɛ e aŋgòwè. Nà è òhwèlì hwenè hweyà hwe àrzɛ ndèŋgànɛ̀lɛ̀ e hvònda è ò jà.

Makòrzì 13:33

È aŋgòwe, e wòŋgirzɛ̀nɛ̀ è rza hwi è hvònda wò ja.

Makòrzì 13:9

Hwenè hweyà hwe wòtelì tɛ lì gbèyɛ̀nɛ, è hwɛnì lì aŋgòwa. Èhwanja hwa hwɛnì lì è ŋgbàŋgɛ rzìi hwa è àkɛ̀lɛ̀lɛ ò màà mà hwàkàyìrzèlì hwa meyàŋgò. Hwa è gbiyɛ hvònjì ò ndawò ja màkanɛ̀ ja wònyà Yudà. O nyòla ya ami è tɛ̀mɛ̀ ò màrzò ma hwàkànèlì na ìkiŋgɛ̀ ò hwèkàyìrzèlì. Hwenè hweyà hwe ò gbèèyɛnɛ aŋga nanù òma e ma hwa òhweyà Ŋmɛ̀ndì mò Gbamù mò òma Lohwɛ̀.

Lukàrzɛ̀ 21:8

Yerzù rzìi a hwa alàhwɛ̀ nanù ema, “È aŋgòwà, hwa rzì èmirzɛ, èhwanja rzayì-rzayì ja hwatò hwa ò jà lì gbeyàna lìinà la amì lì òhwà ema, ìmba ndi nà hwèlì è Mɔ̀ ema à Ɔ̀kirzɛ̀hwɛ̀yi. Wɔ̀ hwa òhwa ema lìrzukù lì ma jà. Ndi e rzì hwa òŋgama.

Ròmànì 11:21

Nà òma Lohwɛ̀ à rzi hvàŋgɛ̀ hvònda ò lì kɔ̀kìrzɛ̀ wònyà Yudà, wɔ̀ ema hwa hwèlì ndi nàa hwèkɔ̀kɔ̀ ema hwe ma lòmɛ lì hwɛ aŋga, inyɔ e ɔ̀ŋgɛ̀lɛ̀yi nanù ema a òka wɔ̀ŋgɔ̀ ò lì e kɔ̀kìrzɛ̀ e?

1 Kɔ̀rintìyà 10:12

Hwàŋga ema hwa lùteyà nanù ema hwa tɛmì ehve-ehve o lì lòkɛ̀ hwa aŋgòwè hwa rzi ja lì undeya.

Kòlòrzìyà 2:8

È rzi emeyà nanù ema tɔ̀ mòtò a e wowe nàa hwàkòmì o lì oŋgama hwèyòkòlèlì hwe ŋgundu hwe mòlaŋgà ema hwa e okolɛ. Hwèokòlèlì ema hwa e okolɛ hwe hwèlì ndi hwèyòkòlèlì ema hwà mà wowane imbamba ja awu, ndèŋgànɛ̀lɛ̀ hweŋge hwèyòkòlèlì hwe oŋgama ndi imbenda ja hwèèmà hwe e rze ya mɔ̀nyɛ̀. Hweŋge hwèyòkòlèlì hwe uwɛ̀lɛ̀lɛ̀yi ndi o hwatò hwa hwènàmà hwa hvɔ̀rzɔ̀ rzeketɛ o ma Krirztò.

1 Tɛ̀rzàlonìyà 1:9

Hwàŋga hwatò wɔ̀ hwiti ndi hwa ohwa nɛ inyɔ è mà jò kàrzɛ̀ è hvonda ema irzɔ ì mà è jèeyà. Ndeŋgànɛlɛ wɔ̀ hwa ohwa nà oma inyɔ è mà tìmbeyà Lohwɛ̀, ndèŋgànɛ̀lɛ̀ nɛ inyɔ è mà rzɔnjɛ̀lɛ̀ lì kanɛ̀ là mòòhwà mà mòlàŋga ndi inyɔ è gbèeyà Lohwɛ̀ ŋmitɛ-ŋmitɛ ema à hwèlì lòŋgɛ.

Hibrù 10:31

È o hwɛ wòhwe na tɔ̀ ima mòtò ema a o kpèeyà o màà mà ama Lohwɛ̀ ema lì hwèlì lòŋgɛ o lì luwa kɔ̀kìrzɛ̀.

Hibrù 10:38

Ndi hwatò hwa ami ema hwa hwèlì ehve-ehve, hwa hwɛnì lì hwɛ lòŋgɛ èhwanja hwa lòkɛ è mbɔrzi yà ami. Ndi tɔ̀ njɛnɛ ema à ò tìmbeyà ò mburza, nà rza ò òka mɔ̀nyɛ̀ŋgì nà mɔ̀.”

Hibrù 12:15

È aŋgòwa, nanù ema tɔ̀ mòtò tɔ̀ mɔ̀kɔ a rza o hvònda lì lùwa ììlì ja ama Lohwɛ̀. È aŋgòwa tɔ̀ mɔ̀kɔ hwa anyu a rzi hwɛ nàa mbota ya wòhwe ema e oŋgi tɛ e jànà ndùtù rzìi e hvaŋga ihvɛhvɛ mbota.

Hibrù 12:22

Ndi inyɔ e ma jà ndi o lì kombɛnɛ e hvàko ya Rzayɔ̀nì. È ma jà o e mbowà ndɛ̀nɛ ya ama Lohwà ema lì hwèlì lòŋgɛ. Èŋge mbowà e hwèlì ndi Jèrurzalɛ̀mù ema e hwèlì o ŋmanyu. Rzayi-rzayi ja aŋgèlì i ma arzàŋgànɛ̀ o tenì na mɔ̀nyɛ̀ŋgì.

Hibrù 12:25

È hwɛnì lì aŋgòwa, nanù ema e rzi ndinda mamɛ ema Lohwɛ̀ a e ohweyà. Hwatò ema hwa rzi hweyàne e mòtò ema Lohwɛ̀ à mà ike o rze o lì kòkòwɛ̀lɛ̀ hwatò hwà mà kɔ̀kìrzɛ̀hwɛ̀. Nà oma hwà mà kɔ̀kìrzɛ̀hwɛ̀, nanù ndi irzɔ hvɛ jo ò kɔ̀kìrzɛ̀hwɛ̀ i rza hweyàni tɛ màyòwà ema mà uwɛ̀lɛ̀lɛ̀yi o ŋmanyu ya Lohwà.

Hibrù 3:1

Ìi wònyàmòwe hwa ama Krirztò kòkò, inyɔ ema Lohwɛ̀ à mà hwɛ̀lɛ o lì hwɛ hwatò hwa eni, inyɛ̀ e ika màlùtèyà ma anyu o ma Yerzù. Mɔ̀ ndi à hwèlì e mògbèèlì ema Lohwɛ̀ à mà ome o lì hwɛ e Pìlìrzì e kàrzàmi o hweyà ema irzɔ jo ohwi nanù ema i lòkɛ̀yì.

Hibrù 3:10

Ɔ̀ndeŋgàtɛ̀ nà mà tàtànà hwaŋga hwatò rzìi nà ohwa nanù ema, ‘Mèèmà mè awu mè lùteyà ndì hwehvɛhvɛ hweyà ì hvonda jà arzɛ, ndèŋgànɛlɛ hwa rzi ika imbenda jà ami.’

Hibrù 3:19

Ò eŋgànɛ̀lɛ̀ rzɔ, irzɔ jè ɛni nanù ema hwa rzi tànɛ lì kpèeyà ò eŋge èki yà lì arzìyolɛ, èhwanja hwa rzi lòkɛ̀ Lohwɛ̀.

Hibrù 9:14

È hwèlì tɛ ema màyija ma hwèembè ma tanɛ ma hwɛnɛ màyìmbì ma lì rzàŋgirzɛ hwatò, nanù oma màyija ma ama Yerzù ma hwɛni màyìmbì rzayi-rzayi o lì rzàŋgirzɛ hwatò. Krirztò ema a rza ohvɛ tɔ̀ wòhwe tɔ̀ wɔ̀kɔ à mà aŋgbɛ mɔ̀ ŋmìti nàa jàhwèyà o lì jo kɔ̀tɔ̀ irzɔ hwa arzɛ. A ma gbeyà ndi ene eyà nanù o lì akeyà na èlìŋgɛ̀ yà wòtani ema e hwɛ natɛ̀ɛ na o gbìndèyà. Màyìjà ma eni mɔ̀ ndi ma jo rzàŋgirzɛyi mèèmà me arzu, ema i rza gbeyà hweyà hwe wòhwe ema hwe jo jàneyà e kpelì. Ndi e àŋgàmɛ̀nɛ̀yi lì gbèeyà Lòohwà la lòŋgɛ.