Hibrù 3:10 - Mokpwe: Bakwery (New Testament)

¹⁰ Ɔ̀ndeŋgàtɛ̀ nà mà tàtànà hwaŋga hwatò rzìi nà ohwa nanù ema, ‘Mèèmà mè awu mè lùteyà ndì hwehvɛhvɛ hweyà ì hvonda jà arzɛ, ndèŋgànɛlɛ hwa rzi ika imbenda jà ami.’

Hibrù 3:10 Mawu Ofanana

Matiyò 20:24

Nà òma lìnɛyi lìyòmɛ̀ la Hwà-òkòwèlì lì ma hweye nanù, rzi lì tàtànà hwaŋga hwàna hwahwàkɛ.

Makòrzì 3:5

À mà hwa ɔ̀ŋgɔ nà hwètàtò rzìi, e mò tàtìrzɛ̀ ò ŋmèma mò eni. Rzìi à òhweyà òŋgò mòtò nanù ema, “Ènyòwa mòŋgò mɔ̀ɔ̀ mò àŋgɔ.” Nà òmà a mà mò enyòwe, mò mà wɔ̀wɔ̀.

Yòwanìrzɛ̀ 8:45

Ndi èhwanja na òhwa e jɔ̀kɛ̀, inyɔ e rza nò lòkɛ̀!

Ròmànì 1:28

Nà òma è hwèlì nanù ema hwanu hwatò hwa rza hwɛni hvònda nà Lohwɛ̀ ò lòŋgɛ là awu, Lohwɛ̀ à mà hwa ulɛ̀ mììrzɔ̀ mà eni nanù ema hwa ɛ̀ndɛ̀nɛ̀ màlùtèyà mà awu mà wòhwe ò wòrzò ema mà hwèlì ò lì gbeyà hweyà ema hwa rza àŋgàmɛ̀nɛ̀yi lì gbeyà.

Ròmànì 3:7

È ma hwɛ tɛ nanù ema hweyà hwe mòlàŋgà ema imba nà mà òhwe e uŋmɛ̀lɛ̀ nɛ Lohwɛ̀ a hwèlì jɔ̀kɛ̀ ŋgàna ema hwatò hwa rza mò ŋgba èluhwe, mamɛ rzɔ ndèŋgàtɛ̀ Lohwɛ̀ a nò kàyìrzɛ̀ nanù mɛnɛ nàa mòtò ema a gbeyà wòhwe e?

Ɛ̀hvìrzìyà 4:30

È rzi gbeyà hweyà ema hwe gbèeyà Èlìŋgɛ̀ yà Wòtani e hwɛ̀ɛ rzɔ̀lùu. Èlìŋgɛ̀ yà Wòtani e gbèyi ndi nàa embànèlì ema Lohwɛ̀ à mà e ika o lì ambɛlɛlɛ wùùnya wo lìrzùkù ema a e kɔ̀tɔ̀.

Hibrù 3:12

È wòwè hvonda ìi wònyanyàŋgò hwa ami hwa Krirztò ema tɔ̀ mɔ̀kɔ wà anyu à rza ohva ŋmèma mò wòhwe ema mò rza lòkɛ̀, aŋga nanù è rza hwɛmɛ Lohwɛ̀ ema à hwèlì lòŋgɛ.