Hibrù 2:9 - Mokpwe: Bakwery (New Testament)

⁹ Ndi irzɔ ja ɛnɛ nɛ Yerzù a hwèlì. O ŋmanà hvoka hvonda Lohwɛ̀ à mà mo gbeyà ema a rza ukɛ tɔ̀ i aŋgèlì. O nàŋgɛ, Lohwɛ̀ à mà mo ŋgba ŋmàye na èluhwe nàa kìŋgɛ ehwànja o lìtake ema mɔ̀ à lu na e kpelì ema a ŋwelì. Lohwɛ̀ mɔ̀ à mà jo uŋmɛ̀lɛ̀ e ndèli ya eni o e kpelì ya ama Yerzù a ŋwɛlɛlɛyì hwatò hwa arzɛ.

Hibrù 2:9 Mawu Ofanana

Matiyò 16:28

Nà è òhweyà nà è jɔ̀kɛ̀ nanù ema, lòŋgò la anyu è hwèlì anù ema è rza ŋwa, natɛ̀ɛ e hvònda hwa ɛnɛ è Ŋmanà wà è Mòtò wà Hwènàmà a jà na lìkànèyà là eni ò rze.”

Matiyò 6:28

“Mamɛ hvɛ ndèŋgatɛ̀ è à tàkìrzɛ̀ ò mbɔti e? È ɔ̀ŋgɔ tɛ nà òma i mbònji ja waŋga jò òŋga. I mbònji jɔ̀ i rza gbeyà èwòlò tɔ̀ lì àkɔ̀lìrzɛ̀ hvɛ mààtù mè awu.

Makòrzì 9:1

Yerzù à mà hwa òhweyà nanù ema, “Nà è òhweyà è jɔ̀kɛ̀, lòŋgò la anyu è rza ò ɛnɛ è kpelì ema è rza ɛnɛ Lìkànèyà là ama Lohwɛ̀ nà òmà lì jà nà ŋginyà.”

Lukàrzɛ̀ 9:27

Nà è òhweyà ndi è jɔ̀kɛ̀ nanù ema lòŋgò la anyu è hwèlì anù, è rza ŋwa natɛ̀ɛ è ɛnɛ̀ Lìkànèyà là ama Lohwɛ̀.”

Yòwanìrzɛ̀ 1:29

Ò wònɛ̀yi wùnyà Yòwanìrzɛ̀ rzìi à ɛnɛ Yerzù nà òma à mò jèeyà. Rzìi Yòwanìrzɛ̀ à òhwa nanù ema, “È ɔŋgɔ̀ tɛ, è Ŋgumà Mɔ̀lɛ̀ŋgù wà ama Lohwɛ̀ mɔ̀ òŋgò. Mɔ̀ ndi à wòwi wòhwe wò hwatò hwa è rze yà mɔ̀nyɛ̀ yà arzɛ.

Yòwanìrzɛ̀ 10:17

Tatɛ̀ a nò lìŋgàni èhwanja na wòŋgìrzɛ̀nɛ̀yi ò lì ŋwa aŋga nanù na luwa lòŋgɛ lì ami hvɛ.

Yòwanìrzɛ̀ 12:32

Nà mà kàrzɛhwɛ tɛ ò ene rze, na rzìima hwatò hwa arzɛ ò nyò ya ami.”

Yòwanìrzɛ̀ 3:16

Lohwɛ̀ a lìŋgàni hwatò hwa ene e rze ya mɔ̀nyɛ̀ rzayì-rzayì. O èŋgànɛ̀lɛ̀, à mà òma ehvòwà ya eni ya Ŋmanà nanù ema, tɔ̀ ima mɔ̀ ema a mò lòkɛ̀ a rza ŋwa ndi à lùwa lòŋgɛ la gbìndèyà.

Yòwanìrzɛ̀ 8:51

Nà e òhweyà e jɔ̀kɛ̀ ema tɔ̀ ima mòtò ema a ika i mbenda ja ami, mɔ̀ à rza ɛnɛ e kpelì.”

Yòwanìrzɛ̀ 8:52

Hwatò hwa Yudà hwà mà hwèya nanù rzi hwa tɛ na merzeya mèndɛnɛ me hwetàtò nanù ema “Nàŋgɛ nanù, irzɔ i hwi ema ò hwèlì èlìŋgɛ̀ ya wòhwe ema yò ò tàkirzɛ! Abràhamù à mà ŋwa, hwanɛ̀yi hwà-òhwèlì hwa hwèlìŋgɛ̀ wɔ̀ hvɛ hwà mà ŋwa. Ndi ò wa ònò ò òhwa òma, tɔ̀ ima mòtò ema a ikayi e mbɔrzi ya aŋgɔ, e kpelì e rza tànɛyi lì mò keka.

Hwègbèèlì 2:33

Lohwɛ̀ à mà mò ŋgba kònda yà èluhwe ò lìya là eni là mòmɛ̀. Ndeŋgànɛ̀lɛ̀ à mà mò ŋgba Èlìŋgɛ̀ yà Wòtani ema à mà òhwe nanù ema à ò mò ŋgba. Yerzù mɔ̀ hvɛ à mà jò ŋgba eŋge èlìŋgɛ̀ ndèŋgànɛ̀lɛ̀ yɔ̀ ndi è gbèyi ema inyɔ è ɛnɛ̀ nà lì hweyà tɔ̀ mamɛ ema è gbèyɛ̀nɛ̀ yàwònò.

Hwègbèèlì 3:13

Lòohwà là ama, Abràhamù, Irzàkì nà Jèkɔ̀bù, Lòohwà là ama hwà tàatɛ̀, lɔ̀ ndi lì ŋgbèlì è mògbèèlì hwa eni Yerzù èluhwe. Inyɔ è mà mò akɛ̀lɛ̀lɛ̀ ò màà mà hwàkànèlì nanù ema à òŋwahwe, rzìi è mò rzɔ̀rzɔ̀ ò wòrzò wò ama Pìlatò. Tɔ̀ nɛ Pìlatò mɔ̀ à mà ɔ̀ŋgɛ̀lɛ̀ nanù ema à rzòlòwàhwè inyɔ è mà tìmba lì mò rzɔ̀rzɔ̀.

Ròmànì 5:18

O èŋgànɛ̀lɛ̀ rzɔ eŋge ehvòwa yà wòhwe ema Adàmu à mà gbeye, e ma gbeyà ema Lohwɛ̀ a tùulɛ̀ hwatò hwa arzɛ. Mòlandakò mɔ̀kɔ hvɛ mɛnɛ nanù ndi eyà ya gbamù ya awɔ̀kɛ ema Krirztò à mà gbèye e ma gbeyà hwatò hwa arzɛ hwà mà emeyàlɛhwɛ ò wòrzò wò ama Lohwɛ̀, rzìi hwa luwa lòŋgɛ.

Ròmànì 5:8

Ndi Lohwɛ̀ à mà jò uŋmɛ̀lɛ̀ nɛ mɔ̀ à jò lìŋgàni, èhwanja lìrzakò ema irzɔ i ma hwɛ ndi hwatò hwa wòhwe ɔ̀ndi, Krirztò à mà jò ŋwèeyà.

Ròmànì 8:3

È mbenda e rzi tanɛ lì kulɛ wòhwe èhwanja e mòtò wa hwènàmà a rzi hwɛnɛ e ŋginyà ya lì e òŋgama. O èŋgànɛ̀lɛ̀ Lohwɛ̀ à mà gbeyà eyà ema e mbenda e rzi tanɛ lì gbeyà. A ma òma è Ŋmanà wà eni na e nyò ya e mòtò wa hwènàmà ema e gbeyà wòhwe, ò lì lìmìrzɛ̀ e ŋginyà ya wòhwe. Nà òma Lohwɛ̀ à mà gbeye nanù e ma kulɛ e ŋginyà ya wòhwe ò tenì ya e mòtò wa hwènàmà.

Ròmànì 8:32

Jàyɛ̀, na òma Lohwɛ̀ a rzi utɛ tɔ̀ Ŋmanà wa eni. A ma mò wòwa rzìi a mò ŋgbà ema a jò ŋwèeyà. Èŋge ŋgàna e hwèlì ndi nanù ema mɔ̀ à rza ò jò ŋgba hvɛ tɔ̀ mamɛ ema i mò ijòwi e?

2 Kɔ̀rintìyà 5:15

A ma jo ŋwèeyà ndi irzɔ hwa arzɛ, aŋga nanù hwatò ema hwa hwèlì lòŋgɛ, mòŋgɛ ma awu ma rza uŋmɛ̀lɛ̀ nanù ema hwa lìya ndi o wɔ̀ hwiti. Ndi wɔ̀ hwa hwèlì lòŋgɛ o nyòla ya ama Krirztò ema à mà ŋwa rzìi Lohwɛ̀ a mo hvùmùlɛ̀ o nyòla awu.

2 Kɔ̀rintìyà 5:21

Lohwɛ̀ à mà hvɔ̀rzɔ̀ Yerzù o lì taka o nyòla wòhwe hwa arzu hwa arzɛ ema i ma gbeyɛ. Yerzù a rza gbèyi tɔ̀ wòhwe tɔ̀ nɛ à mà emeyà o lì ŋwa o nyòla arzu. Lohwɛ̀ à mà jo làkìrzɛ̀ wòhwe wo arzu ndèŋgànɛlɛ a ohwi à mà i rza gbeyà wòhwe hvɛ na oma mɔ̀ hvɛ a rza gbeyà wòhwe.

Gàletìyà 4:4

Ndi lìrzako ema e hvonda ya jɔ̀kɛ̀ e ma uke ema Lohwɛ̀ à mà kàkɛ̀nɛ̀, Lohwɛ̀ à mà oma Ŋmanà wa eni o rze. Oŋgo ŋmanà à mà uwɛ̀lɛ̀lɛ̀yi ndi o luŋga la molanà rzi a oŋgeya o rze ya e mbenda.

1 Tìmotì 2:6

A ma ŋgbaà lòŋgɛ la eni o lì ŋwèeyà hwatò hwa arzɛ. Èŋge kpelì ema à mà ŋwèeyà hwatò hwa arzɛ, e ma uŋmɛ̀lɛ̀ o e hvonda ya jɔ̀kɛ̀ nanù ema Lohwɛ̀ a arza nanù ema tɔ̀ ima mòtò a rzuŋgahwe.

Hibrù 1:9

O wa o lìŋgàni mamɛ ema e hvomɛ̀nɛ̀yi, ndèŋgàna o kɔwu hvɛ mamɛ ema e rza hvomɛ̀nɛ̀. Ɔ̀ndeŋgàtɛ̀ Lohwɛ̀, Lòohwà là aŋgɔ̀, à o hvɔ̀rzì o lì hwɛ wòlìto lì aka hwatò hwa arzɛ ema inyɔ na wɔ̀ e hwèlì, ndèŋgànɛlɛ a o hvɔ̀rzì o wa o lì oka mɔ̀nyɛ̀ŋgì lì aka hwatò hwa arzɛ ema inyɔ na wɔ̀ e hwèlì.”

Hibrù 10:5

Ɔ̀ndeŋgàtɛ̀ e hvonda ema Krirztò à mà jèe o rze, à mà ohweyà Lohwɛ̀ nanù ema, “Rzeketɛ màahweyà na jàhwèyà ndi o arza. Ndi o wa o no rzekelì ndi e nyo ya mòtò ema na hwɛni lì ŋgbà nàa jàhwèyà.

Hibrù 11:5

O lìlòkɛ̀ ndi Ènɔ̀kù à mà wowahwe o lìni lòŋgɛ e rzi hwɛ lì akeyà kpelì. A rzi ɛnɛhwɛ hvɛ èhwanja Lohwɛ̀ à ma mo wowa o ŋmanyu. Eyà ya Lohwà e ohwi nanù ema ndèŋgàna Lohwɛ̀ a e mo wowa o ŋmanyu, à mà hwɛ lì gbeyà hweyà ema hwe mà òkìrzɛ̀ Lohwɛ̀ mɔ̀nyɛ̀ŋgì.

Hibrù 12:2

Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.

Hibrù 2:7

O ŋmanà hvoka ya hvonda o wa o ma mo gbeyà ema a rzi uke i aŋgèlì. Ndèŋgànɛ̀lɛ̀ ò wà ò mò lìilɛyi o konda ya ŋmàye na èluhwe.

Hibrù 7:25

O eŋgànɛ̀lɛ̀ rzɔ, Yerzù a tanɛyi o lì rzùŋgà mòŋgɛ ma hwatò ema hwa jà o ma Lohwɛ̀ lì akeyà na mɔ̀. Mɔ̀ a tanɛyi o lì hwa rzùŋgà mòŋgɛ ma awu ehwànja mɔ̀ à hwèlì lòŋgɛ ihvonda ja arzɛ o lì hwa kànɛlɛlɛ.

Hibrù 8:3

Tɔ̀ ima Pìlìrzì e Kàrzàmi e hvɔ̀rzɔ̀hwì o lì ŋgbà jàhwèyà, na màhwèyà ma hwèembè oma Lohwɛ̀. O èŋgànɛ̀lɛ̀ rzɔ, e Pìlìrzì e Kàrzàmi e hweni lì ohva yòma o lì ŋgbà nàa e la eni làhweyà o ma Lohwɛ̀.

1 Pètrò 1:21

Krirztò a gbèyi inyɔ e ma lòkɛ̀ Lohwɛ̀. È tanɛyi lì lokɛ Lohwɛ̀ na lì ika mèèmà me anyu me arzɛ na mɔ̀ èhwanja mɔ̀ à mà hvùmùlɛ̀ Krirztò o kpelì na lì uŋmɛ̀lɛ̀ èluhwe ya ama Krirztò.

1 Yòwanìrzɛ̀ 2:2

Krirztò ŋmìti à mà hwɛ ndi nàa jàhwèyà ema Lohwɛ̀ à mà gbeyàne o lì jo kɔ̀tɔ̀ o wòhwe ema i ma gbeye. A ma gbeyà ndi nanù aŋga nanù irzɔ i luwa lì làkìrzɛnɛ. Rzeketɛ o wòhwe wo arzu mɛnɛ ndi o wòhwe wo hwatò hwa arzɛ hwa ene rze.

Hwèwulùwèlì 19:12

Mìirzɔ ma eni ma hwɛ o tenì nàa mùnya ema mo oŋwa ndèŋgànɛ̀lɛ̀ a wɔ̀ti hwèkòòtò rzayi-rzayi o mòòhvò mo eni. A ohvi lìinà ema lì tìlahwì o nyo ya eni nanù ema tɔ̀ mòtò a rza hwiyɛ lì aka tɛ mɔ̀ ŋmìti.

Hwèwulùwèlì 5:9

Hwa mà èmba mɔ̀rzɔ̀kɔ̀ mòhvènya, nanù ema, “Ò kànɛ̀yi lì wòwa è kààti ema è lìŋgɛ̀lɛ̀hwɛ nà ò lì rzòlòwà mòjèkà mò eni, ò kànɛyi ehwànja ò mà oŋwàhwa, ndèŋgànɛ̀lɛ̀ ò mà kɔ̀tɔ̀wɔ̀ hwatò hwa ama Lohwɛ̀ nà màyija mà aŋgɔ. Ò mà gbeyà hwa mà timba ndi hwatò hwa ama Lohwɛ̀. Hwa mà uwɛ̀lɛ̀lɛ̀yi ò mahvɛhvɛ màtumba, hwa ò ohwa ihvɛhvɛ mbɔrzi, hwa uwɛ̀lɛ̀lɛ̀yi ò hwehvɛhvɛ hwèkòmè, ndèŋgànɛ̀lɛ̀ hwa hwèlì inyayi jà hwatò hwa arzɛ.