Hibrù 2:15 - Mokpwe: Bakwery (New Testament)

¹⁵ È kpelì ema mɔ̀ à mà ŋwe, e ma rzòlohwà hwaŋga hwatò ema hwà mà hwɛ hwàkòmì o lòŋgɛ la awu la arzɛ o nyòla wɔ̀ŋgɔ̀ wo e kpelì.

Hibrù 2:15 Mawu Ofanana

Ròmànì 8:15

Èlìŋgɛ̀ ema Lohwɛ̀ à mà e ŋgbe e rza e gbèyi ema e hwɛ hwàkòmì, ndèŋgàna ema inyɔ e hwɛ ò wɔ̀ŋgɔ̀. Ndi Èlìŋgɛ̀ ya ama Lohwɛ̀ e ma e gbeyà na jɔ̀kɛ̀ ò lì hwɛ hwàna hwa ama Lohwɛ̀. Èŋge ŋginyà ya eŋge Èlìŋgɛ̀ yɔ ndi e jò gbeyà ò lì hwɛlɛ Lohwɛ̀ nanù ema, “Ìi Tatà! È Tatɛ̀ ya ami!”

Ròmànì 8:21

mɔ̀ à ò rzòlòwa hweŋge hwema ò e ŋgɔkɔhwi ya ndùtù ema e hwe kaki nanù ema hwe rzɔmbe. Hweŋge hwema hvɛ hwe ò luwa wònja ò lì luwa nyayi hvɔ̀kɔ ya èluhwe ema Lohwɛ̀ a ŋgba hwàanà hwa eni.

2 Kɔ̀rintìyà 1:10

Tɔ̀ nɛ i mà kombɛ̀nɛ̀ è kpelì, Lohwɛ̀ à mà jo rzùŋga. I hwèlì tɛ o ndùtù, à jò rzùŋga ndi nanù mɛnɛ. Lìhvìta là arzu lì hwèlì ndi ema Lohwɛ̀ à ò jò rzùŋga hvɛ i hvonda ja arzɛ, i hwèlì tɛ ò ndùtù.

Gàletìyà 4:21

Inyɛ̀ na e ijowe hwaŋga ema hwa arza o lì hwɛ o rze ya mbenda: e rza hweyà mamɛ e mbenda e ohwa e?

2 Tìmotì 1:7

Lohwɛ̀ à rza jò gbèyi ndi nà nanù ema jò òke wɔ̀ŋgɔ̀ ò lì mò gbèeyà. Ndi èlìŋgɛ̀ ya eni è mà jò ŋgba ŋginyà ò lì mò gbèeyà, è mà jo gbeyà nanù ema irzɔ i lìŋgàne hwatò, è mà jò gbèeyà nanù ema jà alɛ̀mbɛ irzɔ hwiti.

Hibrù 2:16

È a uŋmɛ̀lɛ̀ nà è jɔ̀kɛ̀, nanù ema rzeketɛ i aŋgèlì ndi à mà je o lì òŋgòwàna, à mà jà ndi o lì òŋgòwànà hwatò hwa mòtende mo ama Abràhamù.