Hibrù 2:11 - Mokpwe: Bakwery (New Testament)

¹¹ Yerzù ema mɔ̀ ndi mɔ̀ à gbèyi ndèŋgànà hwatò hwa e jà wòtani, ndèŋgànɛ̀lɛ̀ hwatò ema hwa hwèlì wòtani, hwa arzɛ hwa hwèlì ndi hwàanà hwa Tatɛ̀ hvɔ̀kɔ. Ndeŋgànɛ̀lɛ̀ yɔ̀ ndi e gbèyi ndeŋgatɛ Yerzù a rza oka irzɔ̀ni o lì hwa hwɛlɛ nanù ema wònyànyàŋgo wa ami.

Hibrù 2:11 Mawu Ofanana

Matiyò 25:40

Ndi e Kiŋgɛ̀ e hwa alàhwɛ̀ nanù ema, ‘O tɛ̀ɛ̀tɛ̀ɛ na e òhweyà ema tɔ̀ mamɛ ema e ma gbèeyà mɔ̀kɔ wa hwanù wònyanyàŋgò wa ami ema hwa rza òhvɛ hwe tɛmelì, imba ndi ema gbèeyà.’

Matiyò 28:10

Yerzù rzìi a hwa òhweyà nanù ema, “È rza òka wɔ̀ŋgɔ̀. È ɛ̀ndɛ e òhweyà hwà-òkòwèlì wa ami ema hwa hwèlì ndi nàa wònyànyàŋgò wa ami ema hwa ɛ̀ndɛ ò Galìlì. Aŋga ndi hwa nò ɛnɛ.”

Makòrzì 3:34

Yerzù rzìi a ɔ̀ŋgɔ hwaŋga hwatò ema hwà mà lìya lì mò tòŋga, rzìi a òhwa nanù ema, “È ɔ̀ŋgɔ tɛ, nyàŋgò hwa ami na hwa wònyanyàŋgò hwa ami wɔ̀ hwa anù!

Makòrzì 8:38

È mɔ̀ ema à nò òkana imba nà Eyà yà Lohwà irzɔ̀ni, ò ene nyɔ̀ŋgɔ̀nì yà yàwònò ema è òŋgamà Lohwɛ̀ nà mèèmà mè hwàkɛ ema è hwèlì hvɛ ndi è nyɔ̀ŋgɔ̀nì yà wòhwe, è Ŋmanà wà è Mòtò wà Hwènàmà mɔ̀ hvɛ à mò òkana irzɔ̀ni è hvònda ema à jà nà i aŋgèlì jè eni jà wòtani nà èluhwe yà ama Tatɛ̀ wà eni.”

Lukàrzɛ̀ 9:26

Mòtò à nò òkanì tɛ ìrzɔnì nà hweyòhwèlì hwe amì, È Ŋmanà wà è Mòtò wà hwènàmà mɔ̀ hvɛ à mò òkànà ìrzɔnì lìŋgi lìrzàkò ema à tìmba ònò nà wòtani wà eni, nà è wɔ̀ hwa ama è Rzàŋgò yà enì, nà i aŋgèlì ja wòrzaŋgi.

Yòwanìrzɛ̀ 17:19

Wɔ̀ hwa èŋgànɛ̀lɛ̀ nà mà aŋgbɛ imba mbiti ò lì ò gbèeyà ò lì arza nanù ema wɔ̀ hvɛ hwa aŋgbɛ wɔ̀ hwiti ò lì ò gbèeyà.

Yòwanìrzɛ̀ 17:21

Ìi Tatà, na kànɛ nanù ema wɔ̀ hwa hwɛ mòtò mɔ̀kɔ. Inyɛ̀ hwa hwɛ mɔ̀kɔ na irzɔ na òma ò wa ò hwèlì mɔ̀kɔ na imba ndèŋgàna na òma imba na hwèlì mɔ̀kɔ na ò wa. Inyɛ̀ hwa hwɛ mòtò mɔ̀kɔ aŋga nanù e rze e lòkɛ̀ nanù ema ò wa ndì ò nò òmi.

Yòwanìrzɛ̀ 20:17

Yerzù rzìi a mò òhweyà nanù ema, “O rzi nò hwàkɛ lìya la aŋgɔ̀ èhwanja na rzìi timbi òma Tatɛ̀. Ndi ɛ̀ndɛ òma hwà-òkòwèlì hwa ami, hwa wònyanyàŋgò wa ami, ò hwa òhweyà nanù ema, na timbeya Tatɛ̀ wa ami ema a hwèlì hvɛ ndi Tatɛ̀ hwa anyu. Mɔ̀ ndi à hwèlì Lohwà la ami na Lohwà la anyu.”

Hwègbèèlì 17:26

Mɔ̀ à mà lòma lì weka mòtò mɔ̀kɔ rzìi matumbà mà arzɛ ma e rze ya mɔ̀nyɛ̀ ma wurzeya òŋgò mòtò mɔ̀kɔ. Ndeŋgànɛlɛ mɔ̀ à mà hwa gbeyà ò lì lìya ò tenì ya e rze ya mɔ̀nyɛ̀ ya arzɛ. Ndeŋgana mɔ̀ à e hwa weka, à mà màa lì rzekeya e hvònda na hweki ema wɔ hwa ò lìya.

Hwègbèèlì 17:28

Nà òma mòtò mɔ̀kɔ mɔ̀ à mà lòme lì òhwa nanù ema, ‘Nà òma i hwèlì mɔ̀kɔ na mɔ̀, i hwèlì lòŋgɛ, ndèŋgànɛ̀lɛ̀ i hwèlì mamɛ ema i hwèlì.’ È gbeye hvɛ ndi nàa hwakpɛɛ hwa meyàna hwa òhwa nanù ema, ‘Irzɔhvɛ i hwèlì ndi hwàanà hwa eni.’

Ròmànì 8:29

Lohwɛ̀ mɔ̀ à màa lì tɛ̀yirzɛ nanù ema hwatò ema à mà lòme lì hvɔ̀rzɔ̀, ɛ̀ɛ̀mɛ̀ ya awu e ò hwɛ ndi nàa e ya ama è Ŋmanà wà eni aŋga nanù òŋgò Ŋmanà à ò hwɛ ndi è Ŋmanà wà wòrzò ò ìtììtènì ja ama wònyanyàŋgò wa eni.

Gàletìyà 4:4

Ndi lìrzako ema e hvonda ya jɔ̀kɛ̀ e ma uke ema Lohwɛ̀ à mà kàkɛ̀nɛ̀, Lohwɛ̀ à mà oma Ŋmanà wa eni o rze. Oŋgo ŋmanà à mà uwɛ̀lɛ̀lɛ̀yi ndi o luŋga la molanà rzi a oŋgeya o rze ya e mbenda.

Hibrù 10:10

Nà oma Yerzù Krirztò à mà emeyà o lì gbeyà na oma Lohwɛ̀ a àrzeyà, o lì aŋgbɛ mɔ̀ ŋmìti nàa màahweyà, e ma jo gbeyà irzɔ hwa arzɛ o lì rzaŋga o worzo wo ama Lohwɛ̀ ŋgèlì hvɔ̀kɔ, o iŋgèlì ja arzɛ.

Hibrù 10:14

Èhwanja o màhwèyà mɔ̀kɔ ema mɔ̀ à ŋgbelì à mà gbeyà hwatò ema mɔ̀ à mà ulɛ wòhwe wo awu wòtani wo awu wo ma ondìrzɛ̀hwɛ.

Hibrù 11:16

Ndi tɔ̀ nanù hwà mà lìya o lì ambɛlɛlɛ èki ya gbamù, o èkomè ya ŋmanyu yà lohwà. O èŋgànɛ̀lɛ̀ rzɔ Lohwɛ̀ a rza ohvi ìrzɔnì nanù ema hwa mo hwɛlɛ Lòohwà la awu, èhwanja a hwa rzekelì mbowà ndɛnɛ.

Hibrù 13:12

Nànù mɛnɛ ndi Yerzù mɔ̀ hvɛ à mà tàke rzìi a ŋwèeyà o èwoka ya e ŋgawo ya e mbowà aŋga nanù màyija ma eni ma gbèeyà hwatò hwa hwɛ worzaŋgi.

Hibrù 2:14

Nà oma e hwèlì ema hwanu hwànà hwa ama Lohwɛ̀ hwa ohvi e nyàmà ya nyo na màyija, ɔ̀ndeŋgàtɛ̀ Yerzù mɔ̀hvɛ à mà wòwa e nyo ya e mòtò wa hwènàmà nàa wɔ̀. À ma gbeyà ndi nanù, aŋga nanù e kpelì ema mɔ̀ à mà ŋwe e tìtòwà màyimbì ma ama Mòkarzɛ̀, ema a gbèyi ndeŋgàtɛ hwatò hwa ŋwa.

Hibrù 3:1

Ìi wònyàmòwe hwa ama Krirztò kòkò, inyɔ ema Lohwɛ̀ à mà hwɛ̀lɛ o lì hwɛ hwatò hwa eni, inyɛ̀ e ika màlùtèyà ma anyu o ma Yerzù. Mɔ̀ ndi à hwèlì e mògbèèlì ema Lohwɛ̀ à mà ome o lì hwɛ e Pìlìrzì e kàrzàmi o hweyà ema irzɔ jo ohwi nanù ema i lòkɛ̀yì.