Hibrù 13:8 - Mokpwe: Bakwery (New Testament)

⁸ Yerzù Krirztò a hwèlì ndi molemilemi o i hvonda ja arzɛ. Nà oma à mà hwɛ ŋmɛlɛ ema wɔ̀ ma aka, nanù ndi à hwèlì yàwonò ndeŋgànɛ̀lɛ̀ nanù ndi à o hwɛ natɛ̀ɛ nà o mòlìkɛ̀.

Hibrù 13:8 Mawu Ofanana

2 Kɔ̀rintìyà 1:19

È hwèlì ndi nanù èhwanja, Ŋmɛ̀ndì mò Gbamù lì hvomɛ̀nɛ̀ e ŋmana wa Lohwà Yerzù Krirztò, ema imba, Rzàyìlàrzì, na Tìmòtì, ima e ohweyà. Yerzù a rza ohwa ama a gbeyà eyà ema a rza o gbeyɛ. A gbeyà mamɛ ema a ohwi à mà a gbeyà.

2 Kɔ̀rintìyà 1:20

Mamɛ ya arzɛ ema Lohwɛ̀ a ohwi ama a gbeyà, a e gbeyà na oma i hwèlì na Krirztò. Lìtìŋga lɔ lìni lì hvomɛ̀nɛ̀ hweyà ema Yerzù a gbeyà, ɔ̀ndeŋgàtɛ̀ i ohwa nanù ema, “Inyɛ̀ wo lìya nanù” aŋga nanù Lohwà a luwa èluhwe.

Hibrù 1:12

O hwe nika ndi na oma hwa nika mòŋgombe, ndèŋgànɛ̀lɛ̀ o ò hwe tikowa ndi na oma hwa tikowa mààtu. Ndi na o wa, o eleyà ndi nanù mɛnɛ, ndèŋgànɛlɛ lòŋgɛ la aŋgɔ̀ lì rza kuwa.”

Jèmìrzì 1:17

Tɔ̀ ima jàhwèyà ja gbamù nà tɔ̀ ima eyà ema e ondìrzɛhwɛyi gbamù, hwe uwɛ̀lɛ̀lɛ̀yi ndi o ma Tàtɛ ema a hwèlì o ŋmanyu yà lohwà. Tatɛ̀ ndi à weki hwèèmà hwe arzɛ ema hwe uŋmɛ̀lɛ̀ ŋmàye o ŋmanyu yà lohwà. Hwene hwèèmà hwe hvànya ŋmàye ndèŋgànɛ̀lɛ̀ mono ŋmàye mo ayèŋgowɛ̀ ndi Lohwɛ̀ a rza ayeŋgòwɛ̀.

Judɛ 1:25

Èluhwe ya arzɛ e hwɛ na mɔ̀. Mɔ̀ ŋmìti mɛnɛ ndi à hwèlì Lohwɛ̀, ema a jo rzùŋgà mòŋgɛ ma arzu o lì akeyà na hwègbèèlì hwe ama e Rzàŋgo ya arzu Yerzù Krirztò. Èluhwe, lì olowa, e ŋginyà, na màkànèyà ma arzɛ ma hwèlì ndi e ma eni, lì wòteyà o hwewotelì, o nàŋgɛ na o gbìndèyà. Inyɛ̀ wo lìya Nànù.

Hwèwulùwèlì 1:11

Lì ma ohwa nanù ema, “Tila o kààti hwèèmà ema o ɛni, rzìi hwe e omeya lìni lìrzàmba la mìitelì. Ò è omeya o lìni lìrzàmba la mìtelì ema me hwèlì o Ɛ̀hvɛ̀rzɔ̀rzì, o Rzɛ̀màyìnà, o Pɛ̀gàmùmì, o Tìyatìrà, o Rzàdìrzì, o Hvìladɛlhvìyà na o Làwòdèrzìyà.”

Hwèwulùwèlì 1:4

Imba Yòwanìrzɛ̀, nà tìlèlì mììtèlì lìrzàmba ema mè hwèlì ò erzòòkà yà Èrzìyà. Inyɛ̀ è ndèli nà ɛ̀yɔ̀lɛ̀ yà ama Lohwɛ̀, è hwɛ nà inyɔ. Lohwɛ̀ ema à hwèlì, ema à mà hwɛ, nà è mɔ̀ ema à ò hwɛ̀ɛ̀, ndèŋgànɛ̀lɛ̀ hwèlìŋgɛ̀ lìrzàmba hwa è omèlì è ndèli nà ɛ̀yɔ̀lɛ̀. Hweŋge hwèlìŋgɛ̀ hwe hwèlì ò worzo wò è konda yà lìkànèyà yà è ŋmanyu yà lohwà.

Hwèwulùwèlì 1:8

Rzàŋgo Lohwɛ̀ lì karzamì à ohwi nanù ema, “Imbà ndi nà hwèlì è Àlhvà nà è Omèga,” mɔ̀ ndi à hwèlì Lòohwà ema lì hwèlì, ema lì mà hwɛ, ndèŋgànɛ̀lɛ̀ ema lì ò hwɛ̀ɛ̀.