Hibrù 13:3 - Mokpwe: Bakwery (New Testament)

³ È ɔ̀ŋgɛlɛ hwaŋga ema hwa hwèlì o hwèwòwà nàa wà ɛ̀nɛ oma e hwèlì aŋga na wɔ̀. È ɔ̀ŋgɛ̀lɛ̀ hvɛ hwaŋga ema hwa taka o rze ya hwahvɛhvɛ hwatò, inyɛ e hwɛ nàa inyɔ hvɛ e taka ndi na wɔ̀.

Hibrù 13:3 Mawu Ofanana

Matiyò 25:36

È hvònda ema na rza òhvɛ màatù ma lì wɔ̀tɔ̀, e ma nò ŋgba màatù ò lì wɔ̀tɔ̀, nà mà ɔ̀kirzɛ̀ rzìi e ja ò lì nò ɔŋgeya, nà mà hwɛ ò hwèwòwà rzìi e ja lì nò hvɛhvɛ.’

Matiyò 25:43

Nà ma hwɛ ŋmɛ̀ni ndi e rzi nò kàrzɛ ò màndawò ma anyu, na rza òhve lìhwatu la lì wɔ̀tɔ̀ e rzi nò wɔ̀tìrzɛ, nà mà ɔ̀kirzɛ̀ rzìi na hwɛ hvɛ ò hwèwòwà e rzìi jèe lì nò ɔŋgeya.’

Hwègbèèlì 24:23

Mɔ̀ à mà òhweyà òŋgò ŋmànelì wa njuma mòndɛnɛ ema à mà hwɛ lì ɔŋgeya Pàwolò ema a hwɛ ndi ò lì mò ɔŋgeya nanù mɛnɛ. Ndi inyɛ a ŋgbe Pàwolò ŋmanà ehvòlò, ndeŋgànɛlɛ a hwɛmɛ imbùnda ja ama Pàwolò i mò ŋgbe lìwòŋgò ema a arza.

Hwègbèèlì 27:3

O wònɛyi wùnyà irzɔ i ma uka ò mbòwa ndɛnɛ ya Rzidònì. Jùlìyɔ̀rzì à mà hwɛneya Pàwolò ŋmèma mò gbamù. Rzìi à mò hwɛmɛ nanù ema a ɛndɛ a ɛnɛ imbunda ja eni, òma hwà mà mò ŋgba tɔ̀ mamɛ ema a arza.

Ròmànì 12:15

È òke mɔ̀nyɛ̀ŋgì na hwaŋga hwatò ema hwa hwèlì hwa òka mɔ̀nyɛ̀ŋgì. È ɛhwɛ na hwaŋga hwatò ema hwa ɛhwɛ.

1 Kɔ̀rintìyà 12:26

Ènàmà yɔ̀kɔ ya nyo e tàkà tɛ hwenɛyi hwènàmà hwe arzɛ hvɛ hwe tàkà na yɔ, Ènàmà yɔ̀kɔ e ekàhwì tɛ hwe nɛyi hwe arzɛ hvɛ hwe hwɛ ndi o mɔ̀nyɛ̀ŋgì na yɔ.

Ɛ̀hvìrzìyà 4:1

O èŋgànɛ̀lɛ̀ rzɔ imba ema na hwèlì ndi nàa mòtò wa hwèwòwà èhwanja o nyòla èwòlò ema na gbèeya Rzàŋgo, nà è rzòrzòmèyà nanù ema hwɛ̀ɛ̀mɛ̀ hwe anyu hwe hwɛ ndi na oma Lohwɛ̀ a arza, na oma Lohwɛ̀ à mà e hwɛlɛ à mà e lìya.

Kòlòrzìyà 4:18

Imba Pàwolò ndi nà tilì ini ikɔ̀mi nà lìya là ami. È rzi hvoŋga nanù ema nà hwèlì ò hwèwòwà. Inyɛ̀ è ndèli yà ama Lohwɛ̀ è hwɛ nà inyɔ.

Hibrù 10:34

Inyɔ e ma hwɛnɛ mèèmà me ììlì o hwatò ema hwà mà hwɛ o hwèwòwà. Tɔ̀ nɛ hwà mà e lumbane erzàŋgo ya anyu, e ma hwɛni mɔ̀nyɛ̀ŋgì nanù mɛnɛ èhwanja inyɔ e ma hwiya nanù ema e hwɛni erzàŋgo ema e akayi eŋge erzàŋgo ema e o hwɛ̀ɛ natɛ̀ɛ na o gbìndèyà.

Hibrù 11:37

Lòŋgò hwà mà àŋgbàhwà màŋyàyi rzi hwa ŋwa. Lòŋgò hwà mà kɛɛhwɛ hwèrzùŋgu hwehwakɛ. Hwà mà gbeyàna e rzɔ̀lɔ̀ o lì oŋwa lòŋgo. Hwàŋga hwatò hwà mà wɔ̀tɔ̀ ndi meyowo me mbolì rzìi hwa a lìŋgòwàna e èki ya arzɛ. Hwanu hwatò hwà mà hwɛ ndi mèlìrza me hwatò, ema me ma akeyà o lìtake, na lì luwa hvɛ ndùtù o màà mà hwàkɔ̀yèlì.

1 Pètrò 3:8

O lì umba ene mbɔrzi, inyɔ hwa arzɛ e hwɛni ndi lì hwɛ mòtò mɔ̀kɔ. Ya àwòhvànɛ mèèmà me ììlì. Ya alìŋgànɛ mɔ̀kɔ na ɔ̀nɛyi. È àyènjànɛ̀ na lì arzihwirzɛ.