Hibrù 13:24 - Mokpwe: Bakwery (New Testament)

²⁴ È kɔmè hwatimbelì hwa anyu hwa arzɛ, nà hwatò hwa arzɛ hwa ama Lohwà. Hwatò hwa Lohwɛ̀ ema hwa uwɛ̀lɛ̀lɛ̀yi o Itàlì wɔ̀ hvɛ hwa e omelì ikɔ̀mi.

Hibrù 13:24 Mawu Ofanana

Hwègbèèlì 18:2

Nà òma à mà uke aŋga à mà ùŋmanɛlɛ mòtò wa wònyà Yudà ema à mà hwɛ̀lɛ̀hwɛ̀ Akwìlà. Akwìlà à mà ŋyàhwɛlɛ ndi ò mbòwà ndɛnɛ ya Pòntìyùrzì. Mɔ̀ à mà uwɛ̀lɛ̀lɛ̀yi ndi mòhvènya ò èkòmè ya Itàlì na e jòjìyɛ̀ ya eni Prìrzìlà. Wɔ̀ hwà mà anjiya ò Itàlì ehwànja e Kàyirza ya Ròmànì, Klàwùdìyùrzì à mà akɛlɛ njàmbɛ̀ ama hwatò hwa arzɛ ema hwa hwèlì wònyà Yudà, hwa anjiye ò èkòmè ya Ròme. Pàwolò à mà ɛ̀ndɛ lì ɛnɛ Akwìlà na jòjìyɛ̀ wa eni.

Hwègbèèlì 27:1

È hvònda ema hwà mà kulɛ nanù ema i kpèeyà ò tenì ya melì me ŋmànja ò lì ɛndɛ o èkòmè ya Itàlì, hwà mà akɛlɛlɛ Pàwolò na hwahvɛhvɛ hwatò hwa hwèwòwà ò ma e mòkànèlì wa hwààna njuma ema à mà hwɛ̀lɛ̀hwɛ̀ Jùlìyɔ̀rzì. Jùlìyɔ̀rzì mɔ̀ à mà hwɛ lì kànèyà lìtuta la hwààna njuma ema hwà mà hwɛ lì hwɛlɛ nanù ema, “Lìtuta la hwààna njuma hwa ama Kàyìrzà.”

Hwègbèèlì 9:13

Ànàniyarzì rzìi à mò alàhwɛ̀ nanù ema, “Ìi Rzàŋgò, rzayi-rzayi jà hwatò hwa mà nò òhweyà lì hvòmɛ̀nɛ̀ ònò mòtò, nà hweyà hwe arzɛ hwe wòhwe ema mɔ̀ à mà gbeyànɛ̀ hwatò hwa aŋgɔ̀ hwa wòtani ò mbòwà yà Jèrurzalɛ̀mù.

1 Kɔ̀rintìyà 16:16

e arzihwirzɛ o rze ya ini nyayi ja hwatò, ndèŋgàna ya arzihwirzɛ hvɛ o rze ya tɔ̀ ima mòtò ema a gbeyà ene tumba ya èwòlò.

2 Kɔ̀rintìyà 1:1

Imba Pàwolò e Àpɔ̀rzìtòlò yà ama Yerzù Krirztò, nà omà e mà tɛyìrzɛhwɛ na Lohwɛ̀. Imba ndi na tìlì ene kààtì o irzɔ nà ŋmànyàŋgò wà arzu wà Krirztò Tìmòtì je omelì ikɔ̀mi. Inyɔ, lì arzàŋganɛ là hwatò hwa Lohwà ema e hwèlì ò è mbowà yà Kɔ̀rintò, na hwanɛ̀yi hwatò hwa arzɛ hwa Lohwà ema hwa hwèlì o erzoòkà ya Àkayiyà.

2 Kɔ̀rintìyà 13:13

Nà kànɛ nanù ema, è ndèli yà ama è Rzàŋgo Yerzù Krirztò, è ndìŋgɛ yà ama Lohwɛ̀, nà là arzàŋgànɛ̀yi ema Èlìŋgɛ̀ yà Wòtani è jànà hwe hwɛ nà inyɔ.

Hvìlipìyà 1:1

Imba Pàwolò, mòndeŋgè na Tìmòtì imba ndi na tilì ene kààtì. Nà tìleya ndi hwatò hwa ama Lohwɛ̀, hwatò ema hwa hwèlì mòtò mɔ̀kɔ na Yerzù Krirztò ema hwa hwèlì o mbowà ndɛnɛ ya Hvìlìpì, mondeŋge na hwàtìmbèlì na hwatò ema hwa oŋgowàna èwòlò ya ama Lohwɛ̀ o lì ɛndɛ o worzo.

Hvìlipìyà 4:22

Hwàto hwa arzɛ hwa ama Krirztò hwa e omelì ikɔ̀mi, erzɛ̀hvɔ̀ni lìtumba la ama Kàyìrzà.

Kòlòrzìyà 1:2

Nà è tìleyà ndi inyɔ hwatò hwa ama Lohwɛ̀ ema è hwèlì o mbowà ndɛnɛ yà Kòlòrzìyà ini ìtìtà. Inyɔ è hwèlì ndi nà Krirztò ndeŋgànɛlɛ è mò òŋgamana ndi nà ŋmèma mɔ̀kɔ. È ndèli nà ɛ̀yɔ̀lɛ̀ yà ama Lohwɛ̀ Tatɛ̀ wà arzu è hwɛ nà inyɔ.

Hvìlɛ̀mɔ̀nì 1:5

Nà eka Lohwɛ̀ ehwànja nà hweyà nanù ema ò lìŋgàni hwatò hwa arzɛ hwa ama Lohwɛ̀, ndeŋgànɛlɛ ò mà ika ŋmèma mò aŋgɔ ò mà Rzàŋgo Yerzù Krirztò.

Hibrù 13:17

È hweyàne hwatimbelì hwa anyu. È gbeye hvɛ mamɛ ema hwa ohwi nanù ema e gbeye. Èwòlò ya awu e hwèlì ndi o lì e ɔŋgeya. Wɔ̀ hvɛ ndi hwa hwɛnì lì ohweyà Lohwà nɛ hwa e ɔŋgeya. È hwa ŋgbe ehvolo ò lì gbeyà nanù na mɔ̀nyɛ̀ŋgì rzeketɛ na hwetàtò. Hwenè hweyà hwe arzɛ hwe rzà jo jàneyà tɔ̀ mɔ̀rzɛ̀ŋgì.

Hibrù 13:7

È ɔ̀ŋgɛ̀lɛ̀ hwàtimbèlì hwa anyu hwa kòhwà ema hwa mà e ohweyà Eyà ya Lohwà è ɔ̀ŋgɛ̀lɛ̀ nà oma hwà mà lìya mòŋgɛ ma awu, e hwa nɔŋge matàŋgà mà awu ndeŋgànɛ̀lɛ̀ e lòkɛ̀ na oma wɔ̀ hvɛ hwà mà lòkɛ̀.