Hibrù 13:23 - Mokpwe: Bakwery (New Testament)

²³ Nà arza ema e hwiye ema ŋmanyàŋgo wa arzu Tìmòtì, à mà ulɛ̀hwɛ o ndawò ya hwèwòwà. A no ùŋmànɛ̀lɛ̀ tɛ karzi-karzi je e jèeya.

Hibrù 13:23 Mawu Ofanana

Ròmànì 15:25

Ndi tɔ̀ nanù ò nàŋgɛ, imba na ɛndɛ ò mbòwa ya Jèrurzalɛ̀mù ò lì ɛndɛ lì òŋgòwàna hwatò hwa ama Lohwɛ̀ ema hwa hwèlì aŋga.

Ròmànì 15:28

È hvònda ema na ò kulɛ ene èwòlò ò Jèrurzalɛ̀mù, na lì hwa akɛlɛlɛ wòlì wò arzɛ ema wò rzàŋgahwi lì hwa hvòmɛ̀nɛ̀, ò ma nà mà anjiya aŋga lì ɛndɛ ò èkòmè ya Rzìpenì. O eŋge hvònda ndi na ò tɛ̀mɛ̀ ò lì e ɛnɛ.

Kòlòrzìyà 1:1

Imba Pàwolò, ema na hwèlì mɔ̀kɔ wa i àpɔ̀rzìtòlò ja ama Yerzù Krirztò na oma Lohwɛ̀ a kàkɛ̀nɛ, imba ndi na e tìleya ini itita. Tìmòtì ŋmànyàŋgo wa arzu wa ama Krirztò na imba je e omelì ikɔ̀mi.

1 Tɛ̀rzàlonìyà 3:2

I ma e omeya ŋmanyàŋgò wa arzu Tìmòtì. Irzɔ na mɔ̀ i gbèeyà èwòlò ya ama Lohwɛ̀ ema e hwèlì o lì ohwa ŋmɛ̀ndì mò gbamù mo ama Krirztò. I ma e omeya e mɔ̀, aŋga nanù a e embɛ na lì e kɔ̀mɛlɛ o lìlòkɛ̀ la anyu.

1 Tìmotì 6:12

O àjùlɛ̀ o lì atàkìrzɛ̀ lì ika ŋmèma mo aŋgɔ̀ na Lohwɛ̀ na o lì mo gbèeyà. Lòŋgɛ la gbìndèyà ema Lohwɛ̀ à mà o ŋgbɛ o lì lɛmbɛ gbamù. Lohwɛ̀ à mà o ŋgba lìŋgi lòŋgɛ lìrzako ema o ma ohwe o marzo ma hwatò rzayi-rzayi nanù ema o lòkɛ̀ Krirztò.

2 Tìmotì 1:8

Ò eŋgànɛ̀lɛ̀ ò rza oka ìrzɔ̀nì ò lì ohweyà hwatò lì hvomɛ̀nɛ̀ Rzàŋgo wà arzu Yerzù Krirztò ndeŋgànɛ̀lɛ̀ ò rza nò òkànà ìrzɔ̀nì, tɔ̀ nɛ nà hwèlì ndi mòtò wà hwèwòwà ò nyòla ama Krirztò. Ndi nà è ŋginyà ema Lohwɛ̀ à mà ò ŋgbɛ, emeyà ò lì taka nà imba nà oma jò òhwa Ŋmɛ̀ndì mò Gbamù.

Hvìlɛ̀mɔ̀nì 1:1

Imba Pàwolò, mòtò ema nà hwèlì ò hwèwòwà o nyòla lìinà là ama Yerzù Krirztò imba ndi na tilì ini itita. Ŋmànyàŋgo wa arzu wa Krirztò Tìmòtì na imba je e omelì ikɔ̀mi. Hvìlɛ̀mɔ̀nì irzɔ jo ò kɔ̀mi e mbunda ya arzu wa ndìŋgɛ màlìŋgo ema wàhvɛ o gbeyà nyàyi hvɔ̀kɔ ya èwòlò ema irzɔ̀hvɛ i gbeyà.

Hvìlɛ̀mɔ̀nì 1:22

Èhvɛhvɛ eyà ema imba nà ohwi nanù ema nà ò òhweyà è hwèlì ndi nanù ema, ò nò rzèkeyà tùù hvɔ̀kɔ ò ndawò yà aŋgɔ̀, èhwanja nà lòkɛ̀yì nanù ema Lohwɛ̀ à ò è hweyànà màkanɛ̀ mà anyu, à ò nò ulɛ̀ ò hwèwòwà oma nà mà è uŋmànɛ̀lɛ̀ hvɛ.

Hwèwulùwèlì 7:14

Nà ma mo timbirzɛlɛlɛ nanù ema, “Ìi rzàŋgo kòkò, o wa ndi o hwi.” Rzìi à no òhweyà nanù ema, “Hwatò hwanù ema hwa karzo ò tenì ya metàkirzɛnɛ mendɛnɛ. Wɔ̀ hwà mà rzorza meŋgombe me awu na màyija ma ama e Ŋguma ya Mɔ̀lɛ̀ŋgù o lì me timbirzɛ mbɔ̀mi.