Hibrù 13:14 - Mokpwe: Bakwery (New Testament)

¹⁴ Jɛ̀ɛ̀ ɛndɛ lì mo ùŋmànɛ̀lɛ̀ aŋga èhwanja irzɔ i rza ohvì mbowà ya mòlìkɛ̀ anù rze ya mɔ̀nyɛ̀. Ndi inyɛ je ika mèèmà me arzu o e mbowà ema è hwɛnì lì jà o worzo.

Hibrù 13:14 Mawu Ofanana

1 Kɔ̀rintìyà 7:29

Ìi wònyamòwè, mamɛ ema na hwɛnì lì e ohweyà e hwèlì ndi nanù ema, e hvonda ema jo òhvi anù rze ya mɔ̀nyɛ̀ e utù, o èŋgànɛ̀lɛ̀ lì wòteya naŋgɛ lì ɛ̀ndɛ o worzò, tɔ̀ ima mùnyanà ema a hwàayi molànà, a àŋgàmɛ̀nɛyi lì hwiya nanù ema jòjìyɛ̀ ya eni, i rza enje ndi eyà ya wòlìtò o lòŋgɛ la eni.

2 Kɔ̀rintìyà 4:17

Hwanu hwàna hwa mètàkà rzɔ ema i taka nàŋgɛ, rzeketɛ e meyɔ ema i tàkìrzɛ̀ mèèmà o lùuŋga. I taka o nàŋgɛ, ndi èluhwe ema e o hwɛ na irzɔ e o koka nyàyi ema i rza o ɔ̀ŋgɛ̀lɛ tɔ̀ mene mètàkà ema i luwa nàŋgɛ anu rze. Ndèŋgànà ene èluhwe e o hwɛ na irzɔ o gbìndèyà.

Ɛ̀hvìrzìyà 2:19

O èŋgànɛ̀lɛ̀ rzɔ, inyɔ hwatò ema e rza enje wònyà Yudà, e rza enje hvɛ ndi hwàyɛ̀nì tɔ̀ hwatò ema hwa uwɛ̀lɛ̀lɛ̀yi hvoohvoo. Ndi inyɔ na hwatò hwa ama Lohwɛ̀ e hwèlì ndi hwatò ema e uwɛ̀lɛ̀lɛ̀yi o èki yɔ̀kɔ. Inyɔ hwa arzɛ e hwèlì ndi nàa hwatò ema e hwèlì ndi o lìtumba la ama Lohwɛ̀.

Hvìlipìyà 3:20

Ndi o irzɔ, i hwèlì ndi hwatò ema e mbowà ya awu e hwe ndi o ŋmanyu yà lohwà. Ndeŋgànɛ̀lɛ̀ ja ambɛlɛlɛ e Mòrzùŋgèlì hwa arzu, Rzàŋgo Yerzù Krirztò nanù ema mɔ̀ à anjiye o ŋmanyu yà lohwà a timbe o rze ya mɔ̀nyɛ̀.

Hibrù 10:34

Inyɔ e ma hwɛnɛ mèèmà me ììlì o hwatò ema hwà mà hwɛ o hwèwòwà. Tɔ̀ nɛ hwà mà e lumbane erzàŋgo ya anyu, e ma hwɛni mɔ̀nyɛ̀ŋgì nanù mɛnɛ èhwanja inyɔ e ma hwiya nanù ema e hwɛni erzàŋgo ema e akayi eŋge erzàŋgo ema e o hwɛ̀ɛ natɛ̀ɛ na o gbìndèyà.

Hibrù 12:22

Ndi inyɔ e ma jà ndi o lì kombɛnɛ e hvàko ya Rzayɔ̀nì. È ma jà o e mbowà ndɛ̀nɛ ya ama Lohwà ema lì hwèlì lòŋgɛ. Èŋge mbowà e hwèlì ndi Jèrurzalɛ̀mù ema e hwèlì o ŋmanyu. Rzayi-rzayi ja aŋgèlì i ma arzàŋgànɛ̀ o tenì na mɔ̀nyɛ̀ŋgì.

Hibrù 12:27

Nà oma à mà ohwe nanù ema, “Nànù mɛnɛ,” e jo uŋmɛ̀lɛ̀ nanù ema Lohwɛ̀ a o ulɛ hwèèmà hwe arzɛ ema hwe ma nyiŋga o rze. Hweŋge hwèèmà hwe hwèlì ndi hwèèmà ema à mà wèkè. A o gbeyà nanù aŋga nanù hwèèmà ema hwe rza o nyiŋga hwe o lìiya.

Hibrù 2:5

Rzeketɛ i aŋgèlì ndi Lohwɛ̀ a rzekelì nanù ema i kànèyà e rze ya mɔ̀nyɛ̀ hvènya ema irzɔ jo ohwi nanù ema e o jà.

Hibrù 4:9

Ò eŋgànɛ̀lɛ̀ rzɔ, ekì yà lì arzìyolɛ ema è hwèlì ndi nàa lì arzìyolɛ ema Lohwɛ̀ à mà arzìyolɛ ò mbùrzà ema mɔ̀ à mà wèke è rze yà mɔ̀nyɛ̀, è ambɛ̀lɛ̀ hwaŋga hwatò nanù mɛnɛ.

Hibrù 9:11

Ndi Krirztò mɔ̀ à mà màa lì jà nàa Pìlìrzì e Kàrzàmi o hweyà hwe gbamù ema hwe ma màa lì jà. Mɔ̀ a gbeyà èwòlò ya eni o lìwondo ema lì akayi lìwondo la e rze ya mɔ̀nyɛ̀ ndeŋgànɛlɛ lɔ̀ lì hwèlì gbamù lì aka lìwondo la e rze ya mɔ̀nyɛ̀. Rzeketɛ hwatò hwa hwènàmà ndi hwa oŋgi lìŋgi lìwondo. Lì rza enje ndi lìwondo ema lì hwèlì o e rze ya mɔ̀nyɛ̀.

1 Pètrò 4:7

Lirzuku la hweyà hwe arzɛ lì ma kombɛnɛ. È hwɛni lì àwòhvɛ̀lɛ̀, na lì aŋgowa, aŋga nanù e tànɛ lì kànɛ.

Hwèwulùwèlì 3:12

Hwàto ema hwa lìya lì aka hweyà hwe wòhwe, nà ò hwa ika ò lì hwɛ màwòndì ò è ndawò yà ama Lòohwà là ami ndèŋgànɛ̀lɛ̀ hwa rza ò anjiya ò tenì hvɛ. Nà ò tìla lìinà là ama Lòohwà là ami ò inyo jà awu, nà ò tìla lìinà là è mbowà ndɛnɛ yà ama Lòohwà là ami, è Jèrurzalɛ̀mù hvènya ema è uwɛlɛlɛyi ò ŋmanyù yà lohwà ò mà Lòohwà là ami. Nà ò tìla hvɛ lìinà là ami lì hvènya ò inyo jà awu.