Hibrù 13:12 - Mokpwe: Bakwery (New Testament)

¹² Nànù mɛnɛ ndi Yerzù mɔ̀ hvɛ à mà tàke rzìi a ŋwèeyà o èwoka ya e ŋgawo ya e mbowà aŋga nanù màyija ma eni ma gbèeyà hwatò hwa hwɛ worzaŋgi.

Hibrù 13:12 Mawu Ofanana

Lukàrzɛ̀ 4:29

Hwa mà tɛ̀mɛ̀ rzìi hwa à mò tindɛ̀lɛ̀, ò lì mò hvayà ò mbòwà yà àwu. Rzìi hwa mò àgbana ò ŋgòndoŋgòndò yà mòòlì kanatɛ aŋga ndi hwà mà òŋge, ema hwa mò hvìmbe ò rze yà èŋge mbèmbè yà mòŋgò mòòlì.

Yòwanìrzɛ̀ 17:19

Wɔ̀ hwa èŋgànɛ̀lɛ̀ nà mà aŋgbɛ imba mbiti ò lì ò gbèeyà ò lì arza nanù ema wɔ̀ hvɛ hwa aŋgbɛ wɔ̀ hwiti ò lì ò gbèeyà.

Yòwanìrzɛ̀ 19:34

Ndi tɔ̀ nanù ŋmanèlì wa njuma mɔ̀kɔ à mà mò uŋmana lìyɔ̀ŋgɔ̀ ò tòŋgòŋgò ya eni. Lìwòkìmɛnɛ rzìi màyija na malìhwa rzìi ma wurza.

Hwègbèèlì 7:58

Rzìi hwa mò kòòhwa ò lì mò anjiyana ò tènì yà mbòwa rzìi hwa wòteyà ò lì mò aŋgba màŋyàyi. Hwàtò ema hwa mà tɛ̀mɛ̀ imbòŋgi ò è kɔ̀kìrzɛ̀ yà ama Rzìtehvànɛ, hwa mà rzòlòwà ikòti jà awu rzìi hwa ɛndɛ hwa jì aŋgbeyà mberza hvɔ̀kɔ ema è mà hwɛ̀lɛ̀hwɛ̀ Rzàwòlò ò wòrzò wò eni ò lì hwa ɔ̀ŋgeyà è jɔ̀.

1 Kɔ̀rintìyà 6:11

Nànù ndi lòŋgo là hwa inyɔ è mà hwɛ. Ndi inyɔ è mà rzàŋgìrzɛ̀hwɛ̀ ò wòhwe wò anyu, è emànɛ̀lɛ̀hwɛ̀yì nà Lohwɛ̀, è tɛmìrzɛ̀hwɛ̀yi ehve-ehve nà Lohwɛ̀ lì akeyà nà Rzàŋgo Yerzù Krirztò nà Èlìŋgɛ̀ yà Lohwà là arzu.

Ɛ̀hvìrzìyà 5:26

À mà hwa ŋwèeyà aŋga nanù hwa hwɛ worzaŋgi. À mà gbeyàna malìhwa nà è mbɔrzi yà eni ò lì rzaŋgirzɛ là arzàŋganɛ là hwatò hwa Lohwà.

Hibrù 10:10

Nà oma Yerzù Krirztò à mà emeyà o lì gbeyà na oma Lohwɛ̀ a àrzeyà, o lì aŋgbɛ mɔ̀ ŋmìti nàa màahweyà, e ma jo gbeyà irzɔ hwa arzɛ o lì rzaŋga o worzo wo ama Lohwɛ̀ ŋgèlì hvɔ̀kɔ, o iŋgèlì ja arzɛ.

Hibrù 10:29

Mòtò a rza wowi tɛ e Ŋmanà wà mùnyanà wa ama Lohwɛ̀ nàa tɔ̀ eyà, nanù oma mɔ̀ à rza wowi màyija ma yòòmbò ya ama Lohwɛ̀ ema mà mo gbèyi ema a hwɛ worzaŋgi nàa tɔ̀ eyà. Ndèŋgàna e hwèlì tɛ ema mɔ̀ à hwɛnyɛ Èlìŋgɛ̀ ema e jànà ndèli nɛ rzɔ e kɔ̀kìrzɛ̀ ya ama ene nyayi ya mòtò e tànɛyi lì hwɛ e?

Hibrù 2:11

Yerzù ema mɔ̀ ndi mɔ̀ à gbèyi ndèŋgànà hwatò hwa e jà wòtani, ndèŋgànɛ̀lɛ̀ hwatò ema hwa hwèlì wòtani, hwa arzɛ hwa hwèlì ndi hwàanà hwa Tatɛ̀ hvɔ̀kɔ. Ndeŋgànɛ̀lɛ̀ yɔ̀ ndi e gbèyi ndeŋgatɛ Yerzù a rza oka irzɔ̀ni o lì hwa hwɛlɛ nanù ema wònyànyàŋgo wa ami.

Hwèwulùwèlì 14:20

Hweŋge hwehvùma hwe ma nyukahwa o èki ema hwà mà hwe nyùkeya o èki ema e rza enje o tenì ya e mbowà ndɛnɛ. Màyija ma mà wurza o èŋge èki ema hwa nyùkeyà hwehvùma, ma mà rzɔŋgɔ lìmɛni la meta mɔ̀kɔ na ehvàrzu, ndèŋgànɛ̀lɛ̀ ma mà wawa mɔ̀tɛ̀yi nàa hwègbe hwehwakɛ hwe màyilì.