Hibrù 13:1 - Mokpwe: Bakwery (New Testament)

¹ Inyɛ̀ e ɛndɛ o worzo ò lì alìŋgànɛ mɔ̀kɔ nà ɔ̀nɛyi nàa hwatò hwa ama Krirztò.

Hibrù 13:1 Mawu Ofanana

Yòwanìrzɛ̀ 15:17

Hwene hweyà hwe arzɛ ema nà è òhweyà nanù hwe hwèlì ndi nanù ema, è alìŋgànɛ mɔ̀kɔ nà ɔ̀nɛyi.”

Hwègbèèlì 2:1

Nà òma e ndèma ema e hwɛ̀lɛ̀hwɛ̀ Pɛ̀ntìkɔ̀rzì e ma uke, hwalòkelì hwa ama Rzàŋgò hwà mà arzàŋgànɛ ò èki yɔ̀kɔ.

Hwègbèèlì 4:32

Hwàlòkèlì hwa arzɛ hwà mà òhva ŋmèma nà màlùtèyà mɔ̀kɔ. Tɔ̀ mɔ̀kɔ wa awu a rza òhwe nanù ema lìrzaŋgò la ami lì hwèlì ndi e la ami, ndi wɔ̀ hwà mà akahwanɛ mamɛ ema hwà mà òhve.

Gàletìyà 5:13

Wònyamòwè kòkò, Lohwɛ̀ a e hwɛlɛ o lì anjiya o èki ema hwa e kànɛ̀yi. Kànatɛ e rza kànyɛ̀hwɛ̀ hvɛ, eŋge e rza e ŋgbelì e wònja o lì gbeyà tɔ̀ mamɛ ema e nyàmà ya nyo ya anyu e arza. Ndi ema tɔ̀ ima mɔ̀ wa anyu a gbèeyà ɔ̀nɛyi na ndìŋgɛ.

Gàletìyà 5:22

Ndi Èlìŋgɛ̀ yà Wòtani e hwèlì tɛ o tenì yà mòtò, e mò gbeyà nanù ema a gbèyè hweyà na e ndìŋgɛ, na mɔ̀nyɛ̀ŋgì, na ɛ̀yɔ̀lɛ̀, na la àjùlɛ̀nɛ̀, na ŋmèma mo gbàamù, na ɛ̀ɛ̀mɛ̀ ya gbamù, a hwɛ hvɛ ndi mòtò ema hwatò hwa tànɛyi lì ika mèèmà me awu.

Gàletìyà 5:6

Ŋga wà endà mòtò tɔ̀ wà rzi mò endè eŋge è rza ohvi tɔ̀ eyà ò lì gbeyà nà lì hwɛ là arzu nà Krirztò. Mamɛ ema è hwèlì wòlìto è hwèlì ndi ò lì lòkɛ̀ Krirztò. Lìŋgi lì lòkɛ̀ lì àŋgàmɛ̀nɛ̀yi lì àwùlùhwɛ̀ ò è ndìŋgɛ ema jà à àwùŋmɛ̀lɛ̀nɛ̀ mɔ̀kɔ nà ɔ̀nɛyi.

Ɛ̀hvìrzìyà 4:3

Èlìŋgɛ̀ yà Wòtani è mà jò gbeyà ò lì hwɛ mòtò mɔ̀kɔ, ò èŋgànɛ̀lɛ̀ è keke ò lì hwɛ ò ɛ̀yɔ̀lɛ̀ mɔ̀kɔ nà ɔ̀nɛyi aŋga nanù è hwɛ ndi mòtò mɔ̀kɔ.

Ɛ̀hvìrzìyà 5:2

Inyɔ e lìŋgàne hwahvɛhvɛ hwatò, ŋgànà hvɔ̀kɔ nàa oma Krirztò a me e lìŋgàne rzìi a jo ŋwèeyà. A ma aŋgbɛ̀ɛ mɔ̀ ŋmìti o ma Lohwɛ̀ nàa làhweyà na jàhwèyà ema i ma lìŋgìrzɛ Lohwɛ̀ rzayi-rzayi.

2 Tɛ̀rzàlonìyà 1:3

Ìi wònyamòwè ì hwɛni lì eka Lohwɛ̀ ihvonda ja arzɛ lì hvomɛ̀nɛ̀ inyɔ. È hvomɛ̀nɛ̀ ò irzɔ lì gbeyà nanù, ehwànja lìlòkɛ̀ là anyu lì hwèlì lì oŋga rzayi-rzayi, rzìi è ndìŋgɛ ema è à ohvànɛ mɔ̀kɔ nà ɔ̀nɛyi è olo rzayi.

Hibrù 10:24

Inyɛ̀ i lùtèyà nɛ i tànɛyi lì àyètìrzɛ̀nɛ̀ mèèmà me arzu mɔ̀kɔ na ɔ̀nɛyi aŋga nanù ja alìŋgànɛ mɔ̀kɔ na ɔ̀nɛyi o lì gbeyà hweyà hwe gbamù.

1 Pètrò 1:22

O naŋgɛ ema inyɔ e gbeyà hweyà hwe jɔ̀kɛ̀, hwe ma e gbeyà inyɔ e ma rzaŋga. Ène eyà e ma gbeyà nanù ema inyɔ na hwahvɛhvɛ hwatò ema hwa lokɛ Krirztò e ma alìŋgànɛ mɔ̀kɔ na ɔ̀nɛyi. O eŋgànɛ̀lɛ̀, e a lìŋganɛ na mèèmà me anyu kɔ̀yi-kɔ̀yi.

1 Pètrò 2:17

È ŋgbe hwatò hwa arzɛ èluhwe. È lìŋgàne hwaŋga hwatò ema wɔ̀ hvɛ hwa lòkɛ̀ Krirztò. È ŋgbe Lohwɛ̀ èluhwe. È ŋgbe hvɛ e kìŋgɛ ndɛ̀ɛ̀ndɛ̀ èluhwe.

1 Pètrò 3:8

O lì umba ene mbɔrzi, inyɔ hwa arzɛ e hwɛni ndi lì hwɛ mòtò mɔ̀kɔ. Ya àwòhvànɛ mèèmà me ììlì. Ya alìŋgànɛ mɔ̀kɔ na ɔ̀nɛyi. È àyènjànɛ̀ na lì arzihwirzɛ.

1 Pètrò 4:8

O lì aka hweyà hwe arzɛ, ya alìŋgànɛ mɔ̀kɔ na ɔ̀nɛyi kɔ̀yi-kɔ̀yi, ehwànja e ndìŋgɛ e hwànda wòhwe rzayi-rzayi.

2 Pètrò 1:7

O ŋmanyu ya lì gbeyà hweyà ema Lohwɛ̀ a arza, inyɔ hwatò hwa ama Krirztò inyɛ e ndìŋgɛ e hwɛ o ìtììtènì ja anyu. O ŋmanyu ya e ndìŋgɛ o ìtììtènì ja anyu ja hwatò hwa ama Krirztò, e lìŋgàne tɔ̀ ima mòtò.

1 Yòwanìrzɛ̀ 3:23

È mbenda ema a ŋgbelì e hwèlì ndi nanù ema, i lòkɛ̀ o lìinà la ama è Ŋmanà wà eni Yerzù Krirztò na o lì alìŋgànɛ mɔ̀kɔ na ɔ̀nɛyi. Ène mbenda hvɛ mɛnɛ ndi Krirztò à mà jo ŋgbe.

1 Yòwanìrzɛ̀ 4:20

Mòtò à ohwi tɛ nanù ema à lìŋgàni Lohwɛ̀ rzìi à rzìŋgɛ̀ ŋmanyàŋgò wà eni wà ama Krirztò, nanù ò mà à kɔ̀ɔ hweyà. Èhwànja tɔ̀ njɛnɛ ema à rza lìŋgànɛ ŋmanyàŋgò wà eni wà ama Krirztò ema mɔ̀ à ɛnɛ, à rza tànɛ lì lìŋgàna Lohwɛ̀ ema mɔ̀ à rza ɛnɛ.

Hwèwulùwèlì 2:4

Ndi nà ohwa ene eyà lì è teŋgɛ̀nɛ̀ nanù ema, è rza nò lìŋgàni hvɛ naŋgɛ, nà oma è mà lòme lì nò lìŋgàna.