Hibrù 12:25 - Mokpwe: Bakwery (New Testament)

²⁵ È hwɛnì lì aŋgòwa, nanù ema e rzi ndinda mamɛ ema Lohwɛ̀ a e ohweyà. Hwatò ema hwa rzi hweyàne e mòtò ema Lohwɛ̀ à mà ike o rze o lì kòkòwɛ̀lɛ̀ hwatò hwà mà kɔ̀kìrzɛ̀hwɛ̀. Nà oma hwà mà kɔ̀kìrzɛ̀hwɛ̀, nanù ndi irzɔ hvɛ jo ò kɔ̀kìrzɛ̀hwɛ̀ i rza hweyàni tɛ màyòwà ema mà uwɛ̀lɛ̀lɛ̀yi o ŋmanyu ya Lohwà.

Hibrù 12:25 Mawu Ofanana

Matiyò 17:5

Nà òma à mà hwɛ lì òhwa, lìmbàkì ema lì ma ɛneya rzìlìhwà lì ma hwa hwànda, lìlò lì ma wurza ò lìŋgi lìmbàkì lì ma òhwa ema, “È Ŋmanà wà ami wà ndìŋgɛ ya màlìŋgò ònò, ema a nò òkirzɛ̀ mɔ̀nyɛ̀ŋgì, e mò hweyàne!”

Matiyò 8:4

Yerzù rzìi à mò òhweyà nanù ema, “O rzìi keka lì òhweyà tɔ̀ mòtò tɔ̀ mɔ̀kɔ eyà ema è gbèyɛ̀nɛ̀. Ndi ò ɛ̀ndɛ wà awuŋmɛ̀lɛ̀ ò wà hwitì ò mà è Pìlìrzì à ò inje. Rzìi ò ŋgbe hvɛ jàhwèyà nàa è mbenda yà ama Mòrzè è òhwa ò lì uŋmɛ̀lɛ̀ nanù ema ò mà rzàŋga.”

Hwègbèèlì 7:35

Mònò Mòrzè mɔndi wònyà Irzàyɛ̀lì hwà mà ndinde, nà òma à mà ijòwàhwè nanù ema, ‘Njɛ̀nɛ à mà ò gbeyà è mòkànèlì nà è mòkàyìrzèlì ò ŋmanyu yà arzu è?’ Lohwɛ̀ ŋmìti ndi à mà mò òma ò lì hwɛ è mòtìmbèlì nà è mòrzùŋgèlì wà awu. Ène eyà è mà gbèyɛ̀nɛ̀ è hvònda ema è aŋgèlì è mà mò wùrzeyà rzìi gbèè wà òŋwa mùnya.

1 Tɛ̀rzàlonìyà 5:15

È ɛnɛ hvɛ nanù ema tɔ̀ mɔ̀kɔ wa anyu a rzi timbirzɛ wòhwe e hwèlì tɛ nanù ema mòtò a mo gbeyànì wòhwe. Ndi e keke o ihvonda ja arzɛ o lì ahwɛnɛnɛ ŋmèma mo gbamù mɔ̀kɔ na ɔ̀nɛyi na o hwahvɛhvɛ hwatò.

2 Tìmotì 4:4

Hwatò hwa o rzɔ̀rzɔ̀ o lì òkànèyà e jɔ̀kɛ̀ ya ama Lohwɛ̀, ndèŋgàna hwa o ŋgba ndi màatò ma awu o lì òkànèyà màyìtò ma mòlàŋgà.

Hibrù 1:1

Ò màrzalɛ Lohwɛ̀ à mà òhwìrzɛ̀nɛ̀ ì mbamba jà arzu jà kòhwà nyayi nà nyayi jà ŋgelì nà rzayì-rzayì jà mà njiya lì akeyà nà hwà-òhwèlì hwa hwèlìŋgɛ̀.

Hibrù 11:7

Lìlòkɛ̀ ndi lì ma gbeyà ema Nowà a hweyàne Lohwɛ̀ na oma Lohwɛ̀ à mà mo òhweyà hweyà ema hwe o gbèyɛ̀nɛ o hvonda ema e o jɛ̀ɛ̀. Tɔ̀ nɛ o eŋge hvonda mɔ̀ à rza ɛnɛ hweŋge hweyà na mìirzɔ̀ ma eni, ndi mɔ̀ à mà gbeyà hweŋge hweyà ema Lohwɛ̀ à mà mo òhweyà ema a gbeye. A ma oŋga wɔ̀lɔ wo ndɛnɛ. O tenì ɔ̀ndi mɔ̀ à mà kpeyaneya lìtumba la eni la arzɛ ndèŋgàna wɔ̀ hwà mà rzùŋgàhwa e hvonda ema màlìhwà ma mà onde e rze ya arzɛ rzìi hwèèmà hwe arzɛ hwe inda. Nà oma Nowà à mà gbèyi nanù e ma awuŋmɛ̀lɛ̀ nanù ema hwatò hwa arzɛ hwa e rze ya mɔ̀nyɛ̀ hwà mà hwɛ wòhwe. Ndi lìlòkɛ̀ ema Nowà à mà hwɛnɛ lì ma gbeyà ema Lohwɛ̀ a mo wowa nàa mòtò ema a tɛmi ehve-ehve.

Hibrù 12:19

Hwà mà hweyà rzehwa ema e ma tòŋga na ŋginyà rzìi hwa hweyà lìlo. Hwà mà oka wɔ̀ŋgɔ̀ rzayi-rzayi. Hwà mà rzorzomeya Lohwɛ̀ nanù ema, a rzi ohwa hvɛ tɔ̀ eyà.

Hibrù 3:12

È wòwè hvonda ìi wònyanyàŋgò hwa ami hwa Krirztò ema tɔ̀ mɔ̀kɔ wà anyu à rza ohva ŋmèma mò wòhwe ema mò rza lòkɛ̀, aŋga nanù è rza hwɛmɛ Lohwɛ̀ ema à hwèlì lòŋgɛ.

Hibrù 3:17

Ndèŋgànɛ̀lɛ̀ hvɛ hwa njɛnɛ hvɛ ema Lohwɛ̀ à mà tàtanè ò mèŋge mènimenì mè meya, rzeke hwaŋga mɛnɛ ema hwa mà gbeyà wòhwe, ndi hwa mà ŋwèeyà ò mòrzanjɛ e?

Hibrù 8:5

Èwòlò ema iŋgi Pìlìrzì i gbeyà, i hwèlì ndi embànelì na elìŋgɛ̀ ya hwèèmà ema hwe hwèlì o ŋmanyu yà lohwà. Nànù mɛnɛ hvɛ ndi e ma hwɛ na Morzè. È hvonda à mà arze lì oŋga lìwondo la hwetanelì la ama Lohwɛ̀, Lohwɛ̀ à mà mo kòkòwɛ̀lɛ̀ nanù ema, “O ɛnɛ nanù ema o oŋge hwèema hwe arzɛ o lìŋgi lìwondo na oma nà mà o uŋmɛ̀lɛ̀ o hvàko.”

1 Pètrò 1:22

O naŋgɛ ema inyɔ e gbeyà hweyà hwe jɔ̀kɛ̀, hwe ma e gbeyà inyɔ e ma rzaŋga. Ène eyà e ma gbeyà nanù ema inyɔ na hwahvɛhvɛ hwatò ema hwa lokɛ Krirztò e ma alìŋgànɛ mɔ̀kɔ na ɔ̀nɛyi. O eŋgànɛ̀lɛ̀, e a lìŋganɛ na mèèmà me anyu kɔ̀yi-kɔ̀yi.

Hwèwulùwèlì 19:10

Rzìi na kpa o worzo wo eni o lì mo kanɛ̀. Ndi e aŋgèlì e ma no ohweyà nanù ema, “Jàyɛ̀ o rza gbeyà nanù, na hwèlì ndi mògbèèlì wa ama Lohwɛ̀ nàa o wa, na hwèlì ndi nàa hwahvɛhvɛ hwatò ema hwa lòkɛ̀yì Krirztò. Nà hwèlì ndi nàa mɔ̀kɔ ema a tɛmi o e jɔ̀kɛ̀ ema Yerzù à mà okolɛ. Lohwɛ̀ ndi inyɔ e àŋgàmɛ̀nɛ̀yi o lì kanɛ̀.” È jɔ̀kɛ̀ ema Yerzù a wulu yɔ̀ ndi e ŋgbelì hwatò màyìmbi o lì ohwa ŋmɛ̀ndì mo ama Lohwɛ̀.

Hwèwulùwèlì 22:9

Ndi eŋge aŋgèlì e ma no òhweyà nanù ema, “O rza gbeyà nanù! Imba hvɛ na hwèlì ndi mògbèèlì wa ama Lohwɛ̀ nàa o wa, ndèŋgànɛ̀lɛ̀ na hwanɛ wònyànyàŋgo hwa aŋgɔ hwa ama Krirztò ema hwa hwèlì hwà-òhwèlì hwa hwèlìŋgɛ̀ na hwatò ema hwa gbeyà hweyà ema hwe tìlahwì o tenì ya ene kààti. Lohwɛ̀ ndi inyɔ e àŋgàmɛ̀nɛ̀yi lì kànɛ.”