Hibrù 12:1 - Mokpwe: Bakwery (New Testament)

¹ Nà oma, ŋgìndì ndɛnɛ ya mboŋgi e jo toŋgi, inyɛ i hvàke tɔ̀ ima lìtumba la eyà ya wòhwe ema e jo kakumɛ̀nɛyi. Inyɛ̀ i hwàŋge hvɛ lìhwaŋgi ema lì jo hwèlì o worzo na lì àjùlɛ̀.

Hibrù 12:1 Mawu Ofanana

Matiyò 10:22

Hwatò hwa àrzɛ hwa ò e kɔ̀ ò nyòla lìinà la ami. Ndi hwatò ema hwa ò nò kakana mèèmà natɛ̀ɛ nà ò lìrzukù hwa ò rzùŋgàhwà.

Matiyò 24:13

Ndi hwatò ema hwa ò nò kakana mèèmà natɛ̀ɛ nà ò lìrzukù hwa ò rzùŋgàhwà.”

Makòrzì 10:50

Oŋgò mòtò à mà ulɛ è kòti ya eni a e rzɔ̀njɛlɛ ɔnɛyi, rzìi a tɛ̀mɛ̀ nà màkpàrzi, a ɛ̀ndɛ lì ùŋma Yerzù.

Lukàrzɛ̀ 12:15

Yerzù rzìi a hwa òhweyà hwa àrzɛ̀ nanù ema, “È aŋgòwè! È rzì ika mèèmà me anyu ò èrzàŋgò jɔ̀ɔjɔ̀ɔ èhwanja rzèkɛtɛ èrzàŋgò ya rzayì-rzayì ema mòtò a hwɛnì ndi e mò ŋgbà lòŋgɛ.”

Lukàrzɛ̀ 16:28

Nà òhvì wònyanyàŋgò wà amì hwata. Inyɛ̀ mɔ̀ à ɛ̀ndɛ̀ a hwa kòkòwɛ̀lɛ̀, aŋga nanù, wɔ̀ hvɛ hwa rzi ɛ̀ndɛ lì jà lì kpèeyà ò enè èki ya mòrziyò.’

Lukàrzɛ̀ 21:34

“È aŋgòwè nanù ema è rza hvàŋga e hvònda ya anyu rzayi-rzayi ò lì làa la mòlèlì na ò lì nyɔ la mimba. È rzì àkàyìrzɛ̀ hvɛ nà lìnì lòŋgɛ la nàŋgɛ. È gbeyi tɛ nanù, wòŋgò wùnyà wò è ùŋmanɛlɛ nàa ŋgùndèli.

Yòwanìrzɛ̀ 3:32

Hweyà ema a ɛnɛ na mamɛ ema a hweyà ɔ̀ndi mɔ̀ à òhwa ndi tɔ̀ nanù tɔ̀ mòtò a rza mò lòkɛ̀.

Yòwanìrzɛ̀ 4:39

Hwatò rzayi-rzayi hwa Rzàmàrìyà ema hwa mà uhwɛlɛlɛ ò eŋge mbòwà hwa mà lòkɛ̀ Yerzù èhwanja ò è mbɔrzi yà ama òŋgò mòlanà à mà hwa òhweyà. Oŋgò mòlanà à mà hwa òhweyà nanù ema, “À mà nò òhweyà hweyà hwe arzɛ ema nà mà gbèyɛ.”

Yòwanìrzɛ̀ 4:44

Yerzù mɔ̀ ŋmìti à mà hwɛ ama òhwa ama mòòhwèlì wà èlìŋgɛ̀ a rza ŋgbààhwà èluhwe ò mbòwà yà èni.

Ròmànì 12:12

Inyɛ̀ tɔ̀ ima mòtò a hwɛnɛ mɔ̀nyɛ̀ŋgì na lìhvìtà ema a hwɛni. Inyɛ̀ tɔ̀ ima mòtò a àjùlɛ̀ ò tenì ya mètàkà. Tɔ̀ ima mòtò àjùlɛ̀ ò tenì ya màkanɛ̀.

Ròmànì 2:7

Hwàŋga hwatò ema hwa rza ɔ̀tɔ̀ ò lì gbeyà hweyà hwe gbamù, na lì arze èluhwe na lì kàrzɛhwɛ, hwa ò hwɛ ò lòŋgɛ ò gbìndèyà. Lohwɛ̀ a ò ŋgbà inì nyayi ja hwatò lòŋgɛ la gbìndèyà.

2 Kɔ̀rintìyà 7:1

Ìi Wònyamòwè kòkò, nà oma Lohwɛ̀ a ohwi ama mɔ̀ ndi à hwèlì e Tatɛ̀ ya arzu, irzɔhvɛ i hwɛ hwàanà hwa eni. Inyɛ̀ i rzɔnjɛ̀lɛ̀ hweyà ema hwe rzɔkɔ i nyo na hwèlìŋgɛ̀ hwe arzu. Inyɛ̀ i luwɛ Lohwɛ̀ na lì hwɛnɛ lòŋgɛ ema lì tani. Ène ŋgàna ndi e jo gbeyà o lì kanɛ̀ Lohwɛ̀ na oma ya àrzàhweyà.

Gàletìyà 2:2

Nà mà ɛndɛ ndi èhwanja Lohwɛ̀ à mà nò wuluhweyà nanù ema nà ɛndɛ aŋga. Nà oma nà mà hwɛ aŋga, ì mà tàneyà wùndɛ̀ nà hwàtìmbèlì hwa ŋmèmba, nà mà hwa telɛlɛ ŋmɛ̀ndì mò gbamù ema nà mà ohweyà hwaŋga ema hwa rza enje wònyà Yudà. Nà mà gbeyà ndi nanù ò lì oka wɔ̀ŋgɔ̀ nanù ema èwòlò ema nà mà gbèyi nà è yɔ̀ ema nà hwèlì nà gbeyà è rzi hwɛ ŋgundu.

Gàletìyà 5:7

O hwewotelì inyɔ e ma hwɛ lì gbeyà hweyà gbamù. Njɛnɛ rzɔ a e tiko mèèmà nanù ema e rza oŋgama e jɔ̀kɛ̀ ema e hwèlì o tenì ya ŋmɛ̀ndì mò gbamù e?

Ɛ̀hvìrzìyà 4:25

O èŋgànɛ̀lɛ̀ rzɔ e hwɛmɛ hweyà hwe lì kɔ̀. Ja àwòhwànɛ̀lɛ̀ e jɔ̀kɛ̀ mɔ̀kɔ na ɔ̀nɛyi, ehwànja i gbèyi ndi nàa hwatò ema hwa ahviyànɛ nyo hvɔ̀kɔ na Krirztò.

Hvìlipìyà 1:30

O naŋgɛ inyɛ ja aneya ŋmɛ̀ndì mò gbamù. Èŋge nyayi ya njuma ema e ma ɛnɛ nà mà ane yɔ mɛnɛ hvɛ ndi na hwèlì lì ana naŋgɛ.

Hvìlipìyà 2:16

È ohweyà hwatò ŋmɛ̀ndì mò gbamù ema mo hwa ŋgbàà lòŋgɛ la gbìndèyà. È gbèyi nanù aŋga nanù, na e ohvana kumba o wùnyà ema Krirztò a o jɛ̀ɛ̀. Nà arza lì àyekìrzɛ ehwànja e o uŋmɛ̀lɛ̀ na e jɔ̀kɛ̀ nanù ema lì umbɛlɛlɛ la ami la arzɛ na èwòlò ya ŋginyà ema nà mà gbèèyɛ̀ hwe rza o ɛndɛ ndi ŋgundu.

2 Tìmotì 2:4

Ŋmanèlì wa njuma ema a hwèlì o lìyando la njuma, a arza ndi o lì òkirzɛ̀ e mòtimbèlì wa eni mɔ̀nyɛ̀ŋgì. O eŋgànɛ̀lɛ̀ mɔ̀ à rza gbeyà hweyà ema hwatò ema hwa rza enje hwàanà njuma hwa gbeyà.

2 Tìmotì 4:7

Nàa e mògbèèlì hwa ama Krirztò nà mà ana e njuma gbamù, nà mà kulɛ èwòlò ema Krirztò à mà no ŋgbe ema nà mò gbèeyà. Ndèŋgàna na nɔ̀ŋgɔ lì lòkɛ̀ hwènɔ̀ŋgèlì hwe gbamù.

Hibrù 6:15

Abràhamù à mà ambɛ̀lɛnɛ na lì wɛ̀lìrzɛnɛ, o eŋgànɛ̀lɛ̀ à mà lùwa mamɛ ema Lohwɛ̀ à mà mo kàkɛ̀nɛ.

Jèmìrzì 1:3

Inyɔ e hwiye nanù ema mànu màkekirzɛnɛ ema e luwa o nyòla lì lòkɛ̀ la anyu ema e ohvi lɔ̀ ndi lì e ètìrzɛ̀ mèèmà.

1 Pètrò 2:1

O eŋgànɛ̀lɛ̀ rzɔ, e hwɛmɛ hwɛ̀ɛ̀mɛ̀ hwe anyu hwe wòhwe hwe arzɛ. È rza kɔ hweyà, e rza ohva mèhvìlì, mòtò a rzi nòneyà ŋmanyàŋgò wa eni, ndèŋgànɛ̀lɛ̀ inyɛ e mbɔrzi ya wòhwe e rzi wurza mòtò o hwàna.

1 Pètrò 4:2

O ene ŋgànà rzɔ, lì wòteyà naŋgɛ lòŋgɛ la anyu la ene rze lì hwɛni ndi lì hwɛ na oma Lohwɛ̀ àrzeyà rzeketɛ ema hweyà hwe rze hwe a e kànèyà.

1 Pètrò 5:1

Imba nàa mòtìmbèlì mɔ̀kɔ wa anyu, na lìŋgàna lì ŋgba màyòwà o hwatò ema hwa e kànèyà. Nà hwèlì ndi mɔ̀kɔ ema nà mà ukeya o motàkà mo ama Krirztò. Èluhwe ema Lohwɛ̀ à mà uŋmɛ̀lɛ̀ Krirztò e no ukeya imba hvɛ. Nà e kòkòwɛ̀lɛ̀ nanù ema,

1 Pètrò 5:12

Rzàyilarzi ndi à nò oŋgòhwàànì ò lì è tìleya òno ŋmanà kààtì. À hwèlì ndi nàa ŋmànyàŋgo wà ami ndèŋgànɛ̀lɛ̀ nà mò lòkɛ̀yi. Nà è tìlèlì ene kààti ò lì è embɛ, nà ò lì è òhweyà nanù ema hwene hweyà ema nà è tìlèlì hwe hwèlì ndi è ndèli yà jɔ̀kɛ̀ yà ama Lohwɛ̀. Yè è tɛ̀meyà gbamù.

2 Pètrò 1:6

O ŋmanyu ya lìhwiyè la anyu, e hwi hvɛ lì àwòhvɛ̀lɛ̀ la anyu. O ŋmanyu ya lì àwòhvɛ̀lɛ̀ la anyu, e kake mèèmà me anyu. O ŋmanyu ya lì kaka la mèèmà me anyu, ɛ̀ɛ̀mɛ̀ ya anyu e àŋgàmɛ̀nɛ̀yi ndi lì hwɛ nàa ɛ̀ɛ̀mɛ̀ ya hwatò hwa Lohwà e hwɛni lì hwɛ.

Hwèwulùwèlì 1:9

Imbà ndi nà hwèlì Yòwanìrzɛ̀ ŋmanyàŋgò wà anyu. Nà hwèlì ndi mɔ̀kɔ ema mɔ̀hvɛ à hwèlì ndi nàa inyɔ, ò lì kaka ŋmèma nà ò lì àjùlɛ̀nɛ̀ mètàke ema mè jèeyà hwatò ema hwa hwèlì ò lìkànèyà là ama Yerzù Krirztò. Hwa mà nò ika ò erzòòkà ema malìhwà ma mà toŋge ema è hwɛ̀lɛ̀hwɛ̀ Pàtìmòrzì ehwànja nà mà ohwa Eyà yà ama Lohwɛ̀ rzìi nà ohweyà hwatò lì hvomɛ̀nɛ̀ hweyà ema nà mà ɛnɛ lì e hvomɛ̀nɛ̀.

Hwèwulùwèlì 13:10

È hwèlì tɛ nanù ema mòtò à hwɛni lì ɛ̀ndɛ̀ ò hwèwòwà inyɛ à ɛ̀ndɛ̀ ò hwèwòwà, è hwèlì tɛ nanù ema mòtò à ò oŋwàhwà ndi nà è rzɔ̀lɔ̀ à ò oŋwàhwà ndi nà è rzɔ̀lɔ̀. Ène eyà è hwèlì ndi nanù ema, hwatò hwa ama Lohwɛ̀ hwa àŋgàmɛ̀nɛ̀yi lì ajùlɛ nà lì alɛ̀mbɛ̀nɛ̀ eyà yà Lohwà.

Hwèwulùwèlì 22:16

“Imba, Yerzù, imba ndi na omi e aŋgèlì ya ami o lì e ohweyà inyɔ ema e hwèlì o tenì ya ŋmèmba hwene hweyà. Imba ndi na hwèlì e mɔ̀ ema a uwɛlɛlɛyi o mòtendè mò ama kìŋgɛ Dàhwitì, e rzombe ya elele ema e hvàànyà.”

Hwèwulùwèlì 3:10

Nà oma e hwèlì nanù ema, inyɔ e ika eyà ya ami ema na e ohwèlì nanù ema e kake mèèmà o lì àjùlɛ̀nɛ̀ mètàkà me anyu, imba hvɛ na o e kombɛ o e hvonda ya mòtàkà ema mo o jèeya e rze ya mɔ̀nyɛ̀, o lì kèkirzɛ hwatò hwa arzɛ hwa è rze yà mɔ̀nyɛ̀.