Hibrù 11:5 - Mokpwe: Bakwery (New Testament)

⁵ O lìlòkɛ̀ ndi Ènɔ̀kù à mà wowahwe o lìni lòŋgɛ e rzi hwɛ lì akeyà kpelì. A rzi ɛnɛhwɛ hvɛ èhwanja Lohwɛ̀ à ma mo wowa o ŋmanyu. Eyà ya Lohwà e ohwi nanù ema ndèŋgàna Lohwɛ̀ a e mo wowa o ŋmanyu, à mà hwɛ lì gbeyà hweyà ema hwe mà òkìrzɛ̀ Lohwɛ̀ mɔ̀nyɛ̀ŋgì.

Hibrù 11:5 Mawu Ofanana

Lukàrzɛ̀ 2:26

Èlìŋgɛ̀ yà Wòtani e mà mò uŋmɛ̀lɛ̀ ema a rza ŋwa, natɛ̀ɛ a ɛnɛ̀ e mɔ̀ ema Lohwɛ̀ à Ɔ̀kirzɛ̀yì.

Lukàrzɛ̀ 3:37

Làmɛ̀kì à mà hwɛ ndi è ŋmanà wà ma Mèturzɛ̀là. Mèturzɛ̀là à mà hwɛ ndi è ŋmanà wà ama Ɛnɔ̀ki. Ɛnɔ̀ki à mà hwɛ ndi è ŋmanà wà ama Jàrɛ̀dì. Jàrɛ̀dì à mà hwɛ ndi è ŋmanà wà ama Màhalalɛ̀lì. Màhalalɛ̀lì à mà hwɛ ndi è ŋmanà wà ama Kènànì.

1 Tɛ̀rzàlonìyà 2:4

Ndi i ma hwɛ lì e ohweyà e hweyɔ nàa hwatò ema Lohwɛ̀ à mà hvɔ̀rzɛ̀ ema hwà tànɛyi o lì ohwa Ŋmɛ̀ndì mò Gbamù mo eni. O eŋgànɛ̀lɛ̀ rzɔ jo ohwa moŋgo ŋmɛ̀ndì mò gbamù rzeketɛ o lì lìŋgìrzɛ hwatò hwa hwènàmà, ndi o lì lìŋgìrzɛ Lohwɛ̀ ema a hwi mèèmà me arzu o tenì.

Hibrù 11:6

Mòtò a rza ohvi tɛ lìlòkɛ̀ a rza tànɛyi a òkìrzɛ̀ Lohwɛ̀ mɔ̀nyɛ̀ŋgì. Èhwanja tɔ̀ njɛnɛ ema a arza o lì jà o lì kombɛnɛ Lohwɛ̀ a àŋgàmɛ̀nɛ̀yi lìlòkɛ̀ nanù ema Lohwɛ̀ a hwèlì. Ndèŋgana a lòkɛ̀ nanù ema Lohwɛ̀ a taŋgeya hwatò ema hwa arza lì mo nɔ̀ŋgɔ o mburza.

Hibrù 2:9

Ndi irzɔ ja ɛnɛ nɛ Yerzù a hwèlì. O ŋmanà hvoka hvonda Lohwɛ̀ à mà mo gbeyà ema a rza ukɛ tɔ̀ i aŋgèlì. O nàŋgɛ, Lohwɛ̀ à mà mo ŋgba ŋmàye na èluhwe nàa kìŋgɛ ehwànja o lìtake ema mɔ̀ à lu na e kpelì ema a ŋwelì. Lohwɛ̀ mɔ̀ à mà jo uŋmɛ̀lɛ̀ e ndèli ya eni o e kpelì ya ama Yerzù a ŋwɛlɛlɛyì hwatò hwa arzɛ.

1 Yòwanìrzɛ̀ 3:22

I luwàna Lohwɛ̀ tɔ̀ mamɛ ema i mo arzanì, ehwànja irzɔ jo òŋgama imbenda ja eni, na lì gbeyà hvɛ mamɛ ema e mo lìŋgìrzɛ.

Judɛ 1:14

Ènɔ̀kù è mɔ̀ ema à mà ùkirzɛ̀ è nyɔ̀ŋgɔ̀nì lìrzamba ò mòtende mò ama Adàmu, à mà hwɛ à mà ohwa nà è kòòwà lì hvomɛ̀nɛ̀ mamɛ ema è ò gbèèyɛnɛ hwanù hwatò. À mà ohwa nanù ema, “È okànèyà tɛ! È Rzàŋgo è hwèlì è jà nà hwèkòlì nà hwèkòlì hwe aŋgèlì jà eni jà wòtani.