Hibrù 11:31 - Mokpwe: Bakwery (New Testament)

³¹ Lìlòkɛ̀ lì ɔ̀ndi lì ma gbeyà ema e molanà wa àkpàlà ema à mà hwɛ̀lɛ̀hwɛ̀ Ràhàbì a rzi ŋwɛ ehvonda ema hwatò ema hwà mà hwɛnɛ maniya oma Lohwɛ̀ hwà mà ŋwe. Ène eyà e ma gbèyɛ̀nɛ nanù èhwanja mɔ̀ à mà hwɛ à mà loma lì emeyà hwaŋga hwatò ema hwà mà ja o jututa o lì inja e mbowà, o ndawò ya eni.

Hibrù 11:31 Mawu Ofanana

Matiyò 1:1

Nanù ndi mòtende mò imbamba jà ama Yerzù Krirztò mò hwèlì. Yerzù à mà uhwɛ̀lɛ̀lɛ ndi ò mòtende mò ama kiŋgɛ̀ Dàhwitì. Dàhwitì mɔ̀ hvɛ à mà uhwɛ̀lɛ̀lɛ ndi ò mòtende mò ama Abràhamù.

Matiyò 1:5

Rzàlmɔ̀nì nà jòjìyɛ̀ wà eni Ràhabɛ̀ wɔ̀ ndi hwa mà ŋya Bòwarzì. Bòwarzì nà jòjìyɛ̀ wà eni Lutì wɔ̀ ndi hwa mà ŋya Obɛ̀dì. Obɛ̀dì mɔ̀ à mà hwɛ ndi è rzàŋgò yà ama Jɛ̀rzɛ̀.

Hwègbèèlì 15:33

Nà òma hwà mà lìya aŋga ò ŋmanà hvòka hvònda hwàlòkèlì hwà mà ɛndɛ lì hwà lìyɛlɛ na ɛ̀yɔ̀lɛ̀ rzìi hwa timbeya hwatò ema hwà mà hwa òma.

Hibrù 3:18

Hwa njɛ̀nɛ ema Lohwɛ̀ à mà ààtɛ̀ nanù ema hwa rza ò kpèeyà ò èki yà eni yà lì arziyolɛ ema à mà hwa kàkɛ̀nɛ̀ e? Rzeke è wɔ̀ ema hwa rzi mò hweyànɛ̀ e?

Jèmìrzì 2:25

Nànù mɛnɛ ndi è mà hwɛ hvɛ nà è mòlana wà àkpàlà Làhàbì. A ma ikahwa ehve-ehve na Lohwɛ̀ ehwànja wònyà Yudà ema hwà mà omahwa o lì ɛndɛ lì injàneyà e mbowà ndɛnɛ o jututa, à mà hwa kàrzɛ, rzìi mɔ̀ à hwa ulɛ o tenì ya mbowà ndɛnɛ, rzìi a hwa akɛlɛ ehvɛhvɛ njiya o jututa.

1 Pètrò 2:8

Ndeŋgànɛ̀lɛ̀ e tìlahwì hvɛ o ehvɛhvɛ kààti ya Lohwà nanù ema, “Mɔ̀ ndi à hwèlì lìŋyàyi ema lì o nòŋgolɛ hwatò, nàa ewòmɛ ya lìŋyàyi ema e hwa kpìrzɛ. Hwàto hwa nòŋgowa ehwànja hwa rza hweyàna Lohwɛ̀. Nànù ndi Lohwɛ̀ à mà kàkɛ̀nɛ nanù ema e hwa gbèyɛ̀nɛ.”

1 Pètrò 3:20

Hweŋge hwèlìŋgɛ̀ hwe hwèlì ndi hwèlìŋgɛ̀ ema hwe rzi hweyàne Lohwɛ̀ natɛ̀ɛ na e kòòhwà. O e hvonda ema Lohwɛ̀ à mà hwa ŋgbe hvoka hvonda ema e wawi o lì hwɛmɛ wòhwe wo awu. O eŋge hvonda ema Nowà à mà hwɛ lì oŋga wɔ̀ɔ̀lɔ̀ wo ndɛnɛ. Hwàmbi ya hwatò mɛnɛ ndi hwà mà hwɛ o tenì ya woŋgo wɔ̀lɔ̀ wo ndɛnɛ. Hwà mà rzùŋgahwà ndi na malìhwa.