Hibrù 11:11 - Mokpwe: Bakwery (New Testament)

¹¹ Lìlòkɛ̀ ndi lì ma gbeyà Rzèla ema à mà aka mokèka mo lìyalì o lì lìta lemi. A ma hwɛnɛ lìŋgi lìlòkɛ̀ èhwanja à mà lòkɛ̀ nanù ema Lohwɛ̀ a ohwi tɛ ema a gbeyà eyà a e gbeyà na e jɔ̀kɛ̀.

Hibrù 11:11 Mawu Ofanana

Lukàrzɛ̀ 1:36

O hwiyè ema ŋmanyàŋgò wà aŋgɔ̀ wà lìtumba Èlìrzabɛ̀tì ema à ma hwɛ̀lɛ̀hwɛ̀ yòmbà, mɔ̀ hvɛ nàŋgɛ ò mòlùnì mò eni à lìti lèmì la ŋgbɛ̀ndɛ̀ mòtòhwa.

Ròmànì 9:8

Ène eyà è hwèlì ndi nanù ema, rzeketɛ hwàànà ema hwa ŋyààhwì nà òma hwàànà hwa arzɛ hwa ŋyààhwà ndi hwa hwèlì hwàànà hwa ama Lohwɛ̀ ndi hwàànà ema hwa ŋyààhwì lì akeyà nà lì kàkɛ̀nɛ̀ ema Lohwɛ̀ à mà ŋgbe Abràhamù, wɔ̀ ndi hwa wòwàhwà nàa è nyɔ̀ŋgɔ̀nì yà jɔ̀kɛ̀ yà ama Abràhamù.

Gàletìyà 4:23

È ŋmanà wa munyanà ema e molanà wa mokome à mà ŋya, à mà ŋyàahwà ndi nàa oma hwatò hwa arzɛ hwa ŋyàahwà, e hwèlì e jɔ̀kɛ̀ nanù ema Abràhamù à mà ŋya ŋmanà na jòjìyɛ̀ wa eni ema a rzi hwɛ̀ɛ mokome, ene eyà e ma gbeeyɛnɛ ndi nanù o lì ondìrzɛ̀ lì kàkɛ̀nɛ̀ là ama Lohwɛ̀ ema à mà kàkɛ̀nɛ̀ Abràhamù.

Hibrù 10:23

Inyɛ̀ i lɛmbɛ lìhvìtà là arzu kɔ̀yi-kɔ̀yi, e rzi hwɛ lì nyiŋgirzɛhwɛ, èhwanja irzɔ i lòkɛ̀yi nanù ema Lohwɛ̀ ema a ohwi à mà a gbeyà mamɛ ema a ohwa nanù ema a gbeyà a e gbeyà.