Hibrù 11:1 - Mokpwe: Bakwery (New Testament)

¹ Lilòkɛ̀ lì hwèlì ndi o lì ika ŋmèma mo aŋgɔ̀ nanù ema o hwɛni lì lùwa mamɛ ema o arza ndèŋgàna o e luwa. O hwi na e jɔ̀kɛ̀ nanù ema hwèèmà ema o rza ɛni hwe hwèlì aŋga.

Hibrù 11:1 Mawu Ofanana

Hwègbèèlì 20:21

Nà ma kòkòwɛ̀lɛ̀ hwatò hwa wònyà Yudà na hwatò ema hwa rza enje wònyà Yudà nanù ema wɔ hwa hwɛni lì tikòwa ò lì anjiya ò wòhwe wò awu lì timbeya Lohwɛ̀ na lì lòkɛ̀ hvɛ e Rzàŋgò ya arzu Yerzù.

1 Kɔ̀rintìyà 13:13

O hwèlì hweyà hweyàwò ema hwe hwèlì, ndi lì lòkɛ̀, lìhvìtà, nà e ndìŋgɛ, ndi eyɔ ema e akayi hwe arzɛ e hwèlì ndi e ndìŋgɛ.

2 Kɔ̀rintìyà 11:17

Tɔ̀ mamɛ ema na ohwa nàŋgɛ, e rza enje ndi eyà ema e Rzàŋgo e no òhwèlì nanù ema na ohwe. Nà kùmbi tɛ e kòkò ya ami, o lì ohwa tɔ̀ eyà o nàŋgɛ nanù, oma na e ohwa ndi nàa èetì ya mòtò.

2 Kɔ̀rintìyà 4:18

Ɔ̀ndeŋgàtɛ̀ irzɔ i rza ɛnɛ mene mètàkà ema i luwa nàŋgɛ na tɔ̀ eyà. Ndi i ma ika mèèmà me arzu o hwèèmà ema Lohwɛ̀ à mà jo ùteyà, tɔ̀ nɛ i rzi hwe ɛni na mìirzɔ̀ ma arzu. Hweema ema i ɛnɛ nàŋgɛ, hwe hwèlì ndi o ŋmana hvoka wa hvonda, ndi hweŋge hwèèmà ema i rza tànɛyi o lì ɛnɛ nàŋgɛ, hwe o hwɛ natɛ̀ɛ nà ò gbìndèyà.

2 Kɔ̀rintìyà 5:17

O èŋgànɛ̀lɛ̀ rzɔ, tɔ̀ njɛnɛ ema a hwèlì mɔ̀kɔ na Krirztò a hwèlì ndi ewèkèlì hvènya. Hwègbèèlì hwe eni hwe arzɛ hwe koohwa hwe ma aka, ndèŋgànɛlɛ a hwɛni ndi hwègbèèlì hwe hvènya hwe arzɛ nàŋgɛ.

2 Kɔ̀rintìyà 5:7

Irzɔ i hwèlì o lòŋgɛ na nyo ja arzu èhwanja i mo lòkɛ̀ ndi rzeketɛ ema i mo ɛnɛ.

2 Kɔ̀rintìyà 9:4

Ndi tɔ̀ nanù, na jelì tɛ na hwatò ema hwa uwɛ̀lɛ̀lɛ̀yi o Màrzèdonìyà, rzi na e ùŋmànɛ̀lɛ̀ ema e rzi wòŋgìrzɛ̀nɛ̀, i hwɛnɛ ìrzɔnì rzayi-rzayi ndèŋgànɛlɛ inyɔ hvɛ e o hwɛnɛ ìrzɔnì rzayi-rzayi.

Gàletìyà 5:6

Ŋga wà endà mòtò tɔ̀ wà rzi mò endè eŋge è rza ohvi tɔ̀ eyà ò lì gbeyà nà lì hwɛ là arzu nà Krirztò. Mamɛ ema è hwèlì wòlìto è hwèlì ndi ò lì lòkɛ̀ Krirztò. Lìŋgi lì lòkɛ̀ lì àŋgàmɛ̀nɛ̀yi lì àwùlùhwɛ̀ ò è ndìŋgɛ ema jà à àwùŋmɛ̀lɛ̀nɛ̀ mɔ̀kɔ nà ɔ̀nɛyi.

Tàyìtùrzì 1:1

Ìmba Pàwolò ema nà hwèlì e mògbèèlì wà ama Lohwɛ̀ nà è àpɔ̀rzìtòlò ya ama Yerzù Krirztò ndi nà tilì ene kààtì. Yerzù ndi à mà nò hvɔ̀rzɔ̀ rzìi à nò oma o lì ɛndɛ lì ètìrzɛ̀ lìlòkɛ̀ la hwatò ema Lohwɛ̀ à mà hvɔ̀rzɛ̀, nà o lì hwa oŋgowàna o lì hwiya e jɔ̀kɛ̀ lì hvomɛ̀nɛ̀ Yerzù, na o lì gbeyà na oma Lohwɛ̀ a àrzeyà.

Hibrù 10:22

Inyɛ̀ i keke o lì ɛndɛ lì kombɛnɛ Lohwɛ̀ nà mèèmà mɔ̀kɔ na o lì mo ŋgbà mèèmà me arzu me arzɛ. Ène eyà e hwèlì ndi nanù èhwanja màyija ema Yerzù à mà kome o mbarza, mà rzaŋgirzɛ mèèmà me arzu. Mɔ̀ a timbi hvɛ o lì jo rzaŋgirzɛ na malìhwa ema mà rzaŋgi kɛɛŋgɛŋgɛ.

Hibrù 10:39

Ndi irzɔ ì rza enje ndi nàa hwaŋga ema hwa timbeya ò mburzà rzi hwa wɔ̀lɛ̀nɛ̀. Ndi ì hwèlì ndi hwaŋga ema hwa lòkɛ̀yì Lohwɛ̀ rzi hwa oŋgìrzɛ̀hwɛ.

Hibrù 11:13

Hwàŋga hwatò hwa koohwa hwà ma hwɛnɛ lì lòkɛ̀ natɛ̀ɛ na o kpelì. Tɔ̀ nɛ wɔ̀ hwa rzi luwe hweŋge hwèèmà ema Lohwɛ̀ à mà hwa kàkɛ̀nɛ̀ nanù ema a hwa ŋgba, ndi wɔ̀ hwà mà ɛnɛ hwèŋge hwèèmà hvoohvo hwe ma hwa òkìrzɛ̀ mɔ̀nyɛ̀ŋgì. Wɔ̀ hwa rzìi hwaŋge o lì ohwa nanù ema, hwa hwèlì ndi hwàyɛ̀nì ema hwa rza ohvɛ èki ya lì lìya anu rze ya mɔ̀nyɛ̀.

Hibrù 11:27

Lìlòkɛ̀ lì ɔ̀ndi lì ma gbeyà ema, Morzè mɔ̀ à hwɛmɛ èkomè ya Ìjiptò, e rzi hwɛ tɔ̀ lì oka hwetàtò hwe ama e kiŋgɛ̀ wɔ̀ŋgɔ̀. A ma kaka ŋmèma natɛ̀ɛ a ɛ̀ndɛ nàa e mòtò ema a ɛnɛ Lohwɛ̀ na mììrzɔ̀ ma eni ema tɔ̀ mòtò a rza tànɛyi lì ɛnɛnɛ na mììrzɔ̀ ma eni.

Hibrù 11:7

Lìlòkɛ̀ ndi lì ma gbeyà ema Nowà a hweyàne Lohwɛ̀ na oma Lohwɛ̀ à mà mo òhweyà hweyà ema hwe o gbèyɛ̀nɛ o hvonda ema e o jɛ̀ɛ̀. Tɔ̀ nɛ o eŋge hvonda mɔ̀ à rza ɛnɛ hweŋge hweyà na mìirzɔ̀ ma eni, ndi mɔ̀ à mà gbeyà hweŋge hweyà ema Lohwɛ̀ à mà mo òhweyà ema a gbeye. A ma oŋga wɔ̀lɔ wo ndɛnɛ. O tenì ɔ̀ndi mɔ̀ à mà kpeyaneya lìtumba la eni la arzɛ ndèŋgàna wɔ̀ hwà mà rzùŋgàhwa e hvonda ema màlìhwà ma mà onde e rze ya arzɛ rzìi hwèèmà hwe arzɛ hwe inda. Nà oma Nowà à mà gbèyi nanù e ma awuŋmɛ̀lɛ̀ nanù ema hwatò hwa arzɛ hwa e rze ya mɔ̀nyɛ̀ hwà mà hwɛ wòhwe. Ndi lìlòkɛ̀ ema Nowà à mà hwɛnɛ lì ma gbeyà ema Lohwɛ̀ a mo wowa nàa mòtò ema a tɛmi ehve-ehve.

Hibrù 2:3

Nɛ rzɔ, inyɔ e ɔ̀ŋgɛ̀lɛ̀ nanù ema irzɔ i tànɛyi lì hwaŋga ene e kɔ̀kìrzɛ̀, e hwèlì tɛ nanù ema irzɔ̀ i rza hwɛni tɛ e hvonda na mono ŋmɛ̀ndì mò gbamù e? Mono ŋmɛ̀ndì mò gbamù, mɔ̀ ndi mo jànà ene tumba mòrzùŋgèlì. È Rzàŋgo Yerzù mɔ̀ ŋmitɛ ŋmitɛ ndi à lomi lì ohweyà hwatò lì hvomɛ̀nɛ̀ mono ŋmɛ̀ndì mò gbamù. Ndeŋgànɛ̀lɛ̀ hwatò ema hwà mà hweya hweyà ema mɔ̀ à mà ohwe, hwà mà jo gbeyà irzɔ o lì rzɔ̀ŋgìtɛ̀nɛ̀ nanù ema hweŋge hweyà hwe ma hwɛ ndi e jɔ̀kɛ̀.

Hibrù 3:14

I hwèlì ndi mɔ̀kɔ na Yerzù Krirztò, è hwèlì tɛ̀ ema i lɛmbi tɛ lìlòkɛ̀ ema i ma lome lì hwɛnɛ kɔ̀yi-kɔ̀yi natɛ̀ɛ na o lìrzùkù.

Hibrù 3:6

Ndi Krirztò nàa è Ŋmanà wà munyanà wa ama Lohwɛ̀, à mà hwɛ lì kànèyà e ndawò yà Lohwà na ŋmèma mɔ̀kɔ. Irzɔ hvɛ i hwèlì ndì hwatò hwa lìtumba la e ndawò ya ama Lohwɛ̀, e hwèlì tɛ nanù ema jo ohvi etembe, ndèŋgànɛ̀lɛ̀ ji ikayi mèèmà me arzu na eyà ema ja àyèkìrzɛ̀nɛ̀ ema ji ikayi màhvìtà mà arzu.

Hibrù 6:12

Irzɔ i rza arza nanù ema inyɔ e hwɛ rzìŋgà, ndi inyɔ e hwɛ nàa hwaŋga ema hwa lòkɛ̀yi rzìi hwa ohvi la àjùlɛ̀, ndi e hwɛ nàa hwaŋga ema hwa wowa yòma ema Lohwɛ̀ à mà kàkɛ̀nɛ.

2 Pètrò 1:1

Imba Rzimɔ̀ni Pètro ema nà hwèlì è mògbèèlì nà è àpɔ̀rzìtòlò yà ama Yerzù Krirztò, nà è tìleyà ndi inyɔ hwatò ema è lòkɛ̀ Yerzù Krirztò nyayi hvɔ̀kɔ hvɛ nà oma irzɔ hvɛ ì mò lòkɛ̀. Yerzù Krirztò ndi à hwèlì Lòohwà nà Mòrzùŋgèlì hwa arzu. Mɔ̀ à tɛ̀mì ehve-ehve. Ndeŋgànɛ̀lɛ̀ mɔ̀ ndi à gbèyi ndèŋgànà irzɔ hwa arzɛ jè è mò lòkɛ̀.