Hibrù 10:8 - Mokpwe: Bakwery (New Testament)

⁸ Mɔ̀ à mà loma lì ohwa nanù ema, “Rzeketɛ màhwèyà na jàhwèyà ndi o arza ndeŋgànɛ̀lɛ̀ hvɛ rzeketɛ lì rzɛ̀lɛ̀ la hwèembè o ètàwo ya màkanɛ̀ o lì ulɛ wòhwe wo hwatò ndi e o lìŋgirzɛ” tɔ̀ nɛ ema hwatò hwa rzi hwɛ lì gbèeyà na oma e mbenda ya ama Morzè e àrzeyà.

Hibrù 10:8 Mawu Ofanana

Makòrzì 12:33

Mòtò a hwɛnì lì mò lìŋgàna na ŋmèma mò eni mò arzɛ, na màlùtèyà ma eni ma arzɛ, na e ŋginyà ya eni ya arzɛ na lì lìŋgàna hvɛ ŋmànyàŋgò wà aŋgɔ̀ nà òmà ò alìŋgànɛ ò wa hwìti. Ènè e hwèlì wòlìtò lì aka ò lì ŋgba Lohwɛ̀ màhwèyà ema mà rzɛlɛhwɛyi nà mahvɛhvɛ màhwèyà.”

Ròmànì 8:3

È mbenda e rzi tanɛ lì kulɛ wòhwe èhwanja e mòtò wa hwènàmà a rzi hwɛnɛ e ŋginyà ya lì e òŋgama. O èŋgànɛ̀lɛ̀ Lohwɛ̀ à mà gbeyà eyà ema e mbenda e rzi tanɛ lì gbeyà. A ma òma è Ŋmanà wà eni na e nyò ya e mòtò wa hwènàmà ema e gbeyà wòhwe, ò lì lìmìrzɛ̀ e ŋginyà ya wòhwe. Nà òma Lohwɛ̀ à mà gbeye nanù e ma kulɛ e ŋginyà ya wòhwe ò tenì ya e mòtò wa hwènàmà.

Hibrù 10:5

Ɔ̀ndeŋgàtɛ̀ e hvonda ema Krirztò à mà jèe o rze, à mà ohweyà Lohwɛ̀ nanù ema, “Rzeketɛ màahweyà na jàhwèyà ndi o arza. Ndi o wa o no rzekelì ndi e nyo ya mòtò ema na hwɛni lì ŋgbà nàa jàhwèyà.