Hibrù 10:36 - Mokpwe: Bakwery (New Testament)

³⁶ È hweni ndi o lì àjùlɛ̀, aŋga nanù e gbeyà ndi na oma Lohwɛ̀ a àrzeyà, ndèŋgàna inyɔ e lùwa mamɛ ema Lohwɛ̀ a kàkɛ̀nɛ̀ nanù ema e luwa.

Hibrù 10:36 Mawu Ofanana

Matiyò 10:22

Hwatò hwa àrzɛ hwa ò e kɔ̀ ò nyòla lìinà la ami. Ndi hwatò ema hwa ò nò kakana mèèmà natɛ̀ɛ nà ò lìrzukù hwa ò rzùŋgàhwà.

Matiyò 12:50

Tɔ̀ ima mɔ̀ ema à gbèyi lì emeyà la ama Tatɛ̀ wa ami ema a hwèlì ò ŋmanyu yà lohwà, mɔ̀ ndi à hwèlì nyàŋgò wa ami, nà wònyanyàŋgò hwa amì.”

Matiyò 21:31

Yerzù rzìi a ijòwa ipilìrzi ndɛnɛ nanù ema, “Ima mɔ̀ wa hwanù hwàna hwahwàkɛ à mà gbeyà mamɛ ema e rzaŋgò ya awu e ma arze e?” Hwà mà alàhwɛ̀ Yerzù nanù ema, “È ŋmanà wa wòrzò.” Yerzù rzìi a hwa òhweyà nanù ema, “Nà e òhweyà na e jɔ̀kɛ̀ ema, hwàrzàŋgèlì hwa e njàŋge yà lìkànèyà, na hwaŋga hwalanà hwa àkpàlà, hwa lòma lì kpèeyà ò lìkànèyà la ama Lohwɛ̀ ndèŋgànà inyɔ.

Matiyò 24:13

Ndi hwatò ema hwa ò nò kakana mèèmà natɛ̀ɛ nà ò lìrzukù hwa ò rzùŋgàhwà.”

Matiyò 7:21

“Rzekɛtɛ tɔ̀ ima mɔ̀ ema à ò nò hwɛlɛ nanù ema, ‘Ìi Rzàŋgò, Rzàŋgò’ ndi à kpèeyà ò lìkànèyà là ŋmanyu. Ndi è mòtò mɛnɛ ema à gbèyi lì emeyà là ama Tatɛ̀ wà ami ema à hwèlì ò ŋmanyu yà lohwà, mɔ̀ ndi à ò kpèeyà ò Likànèyà là ama Lohwɛ̀.

Makòrzì 3:35

Tɔ̀ ima mɔ̀ ema à gbèyi lì emeyà la ama Lohwɛ̀, mɔ̀ ndi à hwèlì nyàŋgò wa ami, nà wònyanyàŋgò hwa amì.”

Lukàrzɛ̀ 21:19

È kakè mèèmà me anyu aŋga nanù e arzùŋgɛ̀ inyɔ hwìti.”

Lukàrzɛ̀ 8:15

Iŋgi hvɔ̀ŋgɔ̀ ema ì ma unda ò mɔ̀nyɛ̀ mò gbamù, ì tɛmelì ndi hwaŋga hwatò ema hwa hweyà Eyà ya Lohwà, rzìi hwa e kòmbɛ ò mèèmà me awu. Ènè eyà e hwa gbeyà ema hwa ajùlɛ̀ natɛ̀ɛ hwa ŋya hwèhvùma hwe gbamù.

Yòwanìrzɛ̀ 7:17

Ndi tɔ̀ ima mɔ̀ ema arza lì gbeyà lì emeyà lì ama Lohwɛ̀ a ò hwiya ŋga hwèyòkòlèlì hwe ami hwe uwɛ̀lɛ̀lɛ̀yi ndi òma Lohwɛ̀, ŋga ò è wònjà ya amì.

Hwègbèèlì 13:22

Lohwɛ̀ rzìi a ulɛ Rzàwòlò a ika Dàhwitì e kiŋgɛ̀ ya awu. A ma òhwa lì hvòmɛ̀nɛ̀ Dàhwitì nanù ema, ‘Nà ɛnɛ nanù ema, Dàhwitì, e ŋmanà wa munyanà wa ama Jɛ̀rzɛ̀, a hwèlì ndi lìtumba la mòtò ema na lìŋgàni. A hwèlì ndi mòtò ema a ò gbèyɛɛ hweyà hwe arzɛ ema na arzɛ nanù ema a gbeye.’

Hwègbèèlì 13:36

Irzɔ i hwi nanù ema e hvònda ema kiŋgɛ Dàhwitì a hwèlì lòŋgɛ, à mà gbèeya Lohwɛ̀ na òma Lohwɛ̀ à mà arze. O mburza nanù, à mà ŋwa, hwà mà mò imeya ò ekì ema hwà mà imeya imbamba ja eni ò eŋgànɛ̀lɛ̀ à mà rzɔ̀mbɔ̀.

Ròmànì 12:12

Inyɛ̀ tɔ̀ ima mòtò a hwɛnɛ mɔ̀nyɛ̀ŋgì na lìhvìtà ema a hwɛni. Inyɛ̀ tɔ̀ ima mòtò a àjùlɛ̀ ò tenì ya mètàkà. Tɔ̀ ima mòtò àjùlɛ̀ ò tenì ya màkanɛ̀.

Ròmànì 12:2

È rzi keka lì òŋgama hwɛ̀ɛ̀mɛ̀ hwe hwatò hwa ene rze ya mɔ̀nyɛ̀, ndi e hwɛmɛ Lohwɛ̀ a tikòwe mèèmà me anyu, aŋga nanù e luwa mèèmà me hvènya. Èŋge ye e gbeyà e rzɔ̀ŋgìtɛ̀nɛ̀ na ò lì òŋgama hweyà na òma Lohwɛ̀ a àrzeyà. Inyɔ e hwi gbamù hweyà ema Lohwɛ̀ a lìŋgàni ndèŋgànà e òŋgama hweyà ema hwe hvòmɛ̀nɛ̀yi.

Ròmànì 2:7

Hwàŋga hwatò ema hwa rza ɔ̀tɔ̀ ò lì gbeyà hweyà hwe gbamù, na lì arze èluhwe na lì kàrzɛhwɛ, hwa ò hwɛ ò lòŋgɛ ò gbìndèyà. Lohwɛ̀ a ò ŋgbà inì nyayi ja hwatò lòŋgɛ la gbìndèyà.

Ròmànì 8:25

Ndi jì ikayi tɛ màhvìtà mà arzu ò mamɛ ema i rza ɛnɛ̀, ja e ambɛ̀lɛ na lì àjùlɛ̀.

1 Kɔ̀rintìyà 13:7

È mòtò ema a uŋmɛ̀lɛ̀ hwatò e ndìŋgɛ, a rza kìnyɛ̀lɛ̀, a ohvi lì lòkɛ̀ ihvonda ja arzɛ. A hwɛnì lìhvìtà ihvonda ja arzɛ, a kakànà hvɛ hwèèmà hwe arzɛ mèèmà ihvonda ja arzɛ.

Gàletìyà 6:9

Inyɛ̀ i rza ɔ̀tɔ̀ o lì gbeyà mamɛ ema e lɔ̀wu. Èhwanja irzɔ i rza ɔ̀tɔ̀ tɛ, jo ò luwa etaŋgi ja arzu o hvonda ya jɔ̀kɛ̀ ema e o jɛ̀ɛ̀.

Ɛ̀hvìrzìyà 6:6

È rzi hwa gbèeyà ndi lìrzakò mɛnɛ ema hwa ɛnɛ̀ ò lì arza nanù ema hwa yè eke. Ndi inyɔ nàa hwàkòmì hwa ama Krirztò nà oma è gbèeyà Lohwɛ̀ inyɛ è uwɛ̀lɛ̀lɛ̀yì natɛ̀ɛ nà ò tenì yà mèèmà mè anyu.

Kòlòrzìyà 1:11

Ì kanɛ̀ hvɛ nanù mɛnɛ ema Lohwɛ̀ à è embɛ nà è ŋginyà yà eni ndɛnɛ, aŋga nanù è tànɛ ò lì ajùlɛ̀, è kakè mèèmà mè anyu, ò lì okànà hweyà hwe arzɛ mɔ̀nyɛ̀ŋgì.

Kòlòrzìyà 3:24

Inyɔ è hwɛni lì hwiya nanù ema è hwɛni lì lùwa mòrzàhwèlì ema è Rzàŋgo è mà ùtèya hwatò wà eni. Krirztò ndi à hwèlì è mòtò ema inyɔ è gbèeyà nà jɔ̀kɛ̀.

Kòlòrzìyà 4:12

Èpàhvràrzì mɔ̀ hvɛ a e omelì ikɔ̀mi. Mɔ̀ hvɛ a hwèlì ndi mòtò ema a uwɛ̀lɛ̀lɛ̀yi o mbowà ndɛnɛ ya anyu ndeŋgànɛlɛ a hwèlì ndi mògbèèlì wa ama Yerzù Krirztò. Mɔ̀ a e kànɛlɛlɛ ihvonda ja arzɛ. Inyɛ̀ Lohwɛ̀ mɔ̀ ŋmitɛ-ŋmitɛ a gbeeye na e jɔ̀kɛ̀ eyà ema mɔ̀ à arza nanù ema inyɔ e gbeye. Ndèŋgana inyɔ e àŋgàmɛ̀nɛ̀yi lì e gbeye.

1 Tɛ̀rzàlonìyà 1:3

Irzɔ ì kanɛ̀ tɛ Tatɛ̀ Lohwɛ̀ là arzu, jè è ɔ̀ŋgɛ̀lɛ̀nɛ̀ èwòlò ema è gbeyà ò nyòla lìlòkɛ̀ ema è hwɛni. Jò ɔ̀ŋgɛ̀lɛ̀ è ndìŋgɛ ema è hwɛ̀nèlì hwahvɛhvɛ hwatò ema è mà gbeyà inyɔ è gbeyà hweya rzayi-rzayi ò lì hwa oŋgowàna, nà oma inyɔ è ikayi mèèmà mè anyu ò hwèjèelì hwe ama è Rzàŋgo yà arzu Yerzù Krirztò. Ène eyà è gbeyà màtàŋga mà anyu mà inyàmɛ̀nɛ̀ ò rze.

Hibrù 11:39

Lìlòkɛ̀ la hwanu hwatò hwa arzɛ lì ma gbeyà Lohwɛ̀ à mà hwa okana mɔ̀nyɛ̀ŋgì. Ndi tɔ̀ nanù, tɔ̀ mɔ̀kɔ wa awu a rzi luwe mamɛ Lohwɛ̀ à mà kàkɛ̀nɛ̀ hwatò hwa eni.

Hibrù 12:1

Nà oma, ŋgìndì ndɛnɛ ya mboŋgi e jo toŋgi, inyɛ i hvàke tɔ̀ ima lìtumba la eyà ya wòhwe ema e jo kakumɛ̀nɛyi. Inyɛ̀ i hwàŋge hvɛ lìhwaŋgi ema lì jo hwèlì o worzo na lì àjùlɛ̀.

Hibrù 13:21

Imba nà kanɛ̀ nanù ema Lohwɛ̀ à yè gbèèyè ò lì wòŋgìrzɛ̀nɛ̀ ò lì gbeyà hweyà hwe arzɛ ema mɔ̀ à arza nanù ema è gbèèyè ndeŋgànɛ̀lɛ̀ è ohve è nyɔ̀ŋgi yà lì gbeyà hweyà ema hwe hvomɛ̀nɛ̀. Yerzù à hwèlì à è oŋgowàna ò lì gbeyà hweyà ema hwe lìŋgìrzɛ Lohwɛ̀. Èluhwe è hwɛ nà Yerzù Krirztò ò gbìndèyà nà ò gbìndèyà. Inyɛ̀ wò lìya nanù.

Hibrù 6:12

Irzɔ i rza arza nanù ema inyɔ e hwɛ rzìŋgà, ndi inyɔ e hwɛ nàa hwaŋga ema hwa lòkɛ̀yi rzìi hwa ohvi la àjùlɛ̀, ndi e hwɛ nàa hwaŋga ema hwa wowa yòma ema Lohwɛ̀ à mà kàkɛ̀nɛ.

Hibrù 6:15

Abràhamù à mà ambɛ̀lɛnɛ na lì wɛ̀lìrzɛnɛ, o eŋgànɛ̀lɛ̀ à mà lùwa mamɛ ema Lohwɛ̀ à mà mo kàkɛ̀nɛ.

Hibrù 6:17

O eŋgànɛ̀lɛ̀ rzɔ na oma Lohwɛ̀ à mà arze lì uŋmɛ̀lɛ̀ na e jɔ̀kɛ̀ o hwaŋga hwatò ema hwà mà hwɛnɛ lì luwa mamɛ ema à mà hwa kàkɛ̀nɛ, nanù ema mɔ̀ à rza àyèŋgowɛ̀ o lì kàkɛ̀nɛ la eni, o eŋgànɛ̀lɛ̀ à mà aàtɛ yòombò o lì hwàtɛ o lì kàkɛ̀nɛ la eni.

Hibrù 9:15

Lìtìŋga lìiŋgi ema lì gbèyi Krirztò o lì hwɛ e mòtò wa ìtììtènì wa yòombò hvènya aŋga nanù hwatò ema Lohwɛ̀ mɔ̀ à hvɔ̀rzì hwa o luwa mònàmɛ̀ ema mo o hwɛ natɛ̀ɛ na o gbìndèyà. Moŋgo mònàmɛ̀ ndi Lohwɛ̀ a ohwi nanù ema a o ŋgba hwatò hwa eni. È kpelì ema Krirztò a ŋwelì, yɔ ndi e gbèyi ndeŋgatɛ ene eyà e gbèyɛ̀nɛ nanù. È kpelì ya eni e ma kɔ̀tɔ̀ hwatò o wòhwe ema hwà mà hwɛ lì gbeyà e hvonda ema yòombò ya mòlòmɛ̀ e ma hwɛ lì hwa kànèyà.

1 Pètrò 1:9

Yòòma ema e o luwɛ ehwànja e mo lòkɛ̀, e hwèlì ndi lìrzùŋgàhwa ema hwèlìŋgɛ̀ hwe anyu hwe o luwɛ.

1 Yòwanìrzɛ̀ 2:17

Ène rze na tɔ̀ mamɛ ema e hwèlì o tenì ema hwatò hwa ohvi e nyɔ̀ŋgi o lì luwa ya aka lì aka, ndi tɔ̀ njɛnɛ ema a gbeyà lì emeyà la ama Lohwɛ̀, a o hwɛ o lòŋgɛ na Lohwɛ̀ natɛ̀ɛ na o gbìndèyà.

Hwèwulùwèlì 13:10

È hwèlì tɛ nanù ema mòtò à hwɛni lì ɛ̀ndɛ̀ ò hwèwòwà inyɛ à ɛ̀ndɛ̀ ò hwèwòwà, è hwèlì tɛ nanù ema mòtò à ò oŋwàhwà ndi nà è rzɔ̀lɔ̀ à ò oŋwàhwà ndi nà è rzɔ̀lɔ̀. Ène eyà è hwèlì ndi nanù ema, hwatò hwa ama Lohwɛ̀ hwa àŋgàmɛ̀nɛ̀yi lì ajùlɛ nà lì alɛ̀mbɛ̀nɛ̀ eyà yà Lohwà.

Hwèwulùwèlì 14:12

Ène eyà è hwèlì ndi nanù ema, hwatò hwa wòtani hwa ama Lohwɛ̀ hwa àŋgàmɛ̀nɛ̀ lì ajùlɛ̀ ò tenì yà mètàkà, ò lì ika imbenda jà ama Lohwɛ̀ nà ò lì kombɛ̀ lìlòkɛ̀ là awu nà Yerzù.