Hibrù 10:34 - Mokpwe: Bakwery (New Testament)

³⁴ Inyɔ e ma hwɛnɛ mèèmà me ììlì o hwatò ema hwà mà hwɛ o hwèwòwà. Tɔ̀ nɛ hwà mà e lumbane erzàŋgo ya anyu, e ma hwɛni mɔ̀nyɛ̀ŋgì nanù mɛnɛ èhwanja inyɔ e ma hwiya nanù ema e hwɛni erzàŋgo ema e akayi eŋge erzàŋgo ema e o hwɛ̀ɛ natɛ̀ɛ na o gbìndèyà.

Hibrù 10:34 Mawu Ofanana

Matiyò 19:21

Yerzù rzìi a mò alàhwɛ̀ hvɛ nanù ema, “O arza tɛ lì hwɛ ema ò rza òhvɛ njɔ̀mì, ɛ̀ndɛ ò àhwirzɛ̀ lìrzàŋgò la aŋgɔ̀ la arzɛ ò ŋgbe mèlìrza me hwatò wòŋgò wòlì. O gbe tɛ nanù, ò luwa mònàmɛ̀ ò ŋmanyu yà lohwà. Eŋge hvònda ndi ò nò nɔ̀ŋgɔ.”

Lukàrzɛ̀ 10:42

Nà ò òhweyà ema eyà yɔ̀kɔ mɛnɛ yɔ ndi ya arzàhwa. Màlìyɛ̀ ndi à e hvɔ̀rzì, ema tɔ̀ mòtò à rza tanɛ lì mò wòwànà.”

Lukàrzɛ̀ 12:33

È àhwìrzɛ̀ hwerzàŋgò hwe anyu, e ŋgbè mèlìrza me hwatò iŋgi kahvà. È àrze makpà ma kahvà ema mà rza hvɔ̀hvɔ̀. È ika màwùtà ma anyu èki utami ema e hwèlì ò ŋmanyu yà lohwà, èki ema tɔ̀ eyà e rzà gbèyɛnɛ, ema tɔ̀ hwàyihwɛ̀ hwa rzà mò ihwa, tɔ̀ lìrziyɛ̀yi lì rzà tanɛ̀ lì ma làa.

Lukàrzɛ̀ 9:25

Mamɛ mòtò à tànɛyi lì yàlɛ̀, à lù tɛ mɔ̀rzɛ̀ŋgì mò arzɛ mò rze, rzi à wɔlɛ̀nɛ̀ hwe arzɛ, tɔ̀ èlìŋgɛ̀ yà eni e?

Hwègbèèlì 21:33

È mòkànèlì wa hwàanà njuma rzìi a ɛndɛ lì ùŋmànɛ̀lɛ̀ Pàwolò rzi a mò ŋgbaŋgɛ, rzìi a akɛlɛ lìlò nanù ema hwa mò kàkane ŋgɔ̀kɔ̀hwì ihwakɛ. Rzìi à ijòwa nanù ema, “Njɛnɛ ònò e? Mamɛ mɔ̀ à gbèyi e?”

Hwègbèèlì 28:20

Lìtiŋga lɔ̀ lìŋgi ema lì gbèyi imba na e hwɛlɛ nanù ema jò òhwe. Ò jɔ̀kɛ̀-jɔ̀kɛ̀ na arza nanù ema e hwiye nanù ema e hwèlì tɛ nanù ema iŋgɔ̀kɔ̀hwi i nò hwèlì tɛ ò màà ma ami, nanù òma i hwèlì ndi ò lì hvòmɛ̀nɛ̀ e mòtò ema hwatò hwa Irzàyɛ̀lì hwa ikayi màhvìtà mà awu nanù ema mɔ̀ à hwɛni lì jà.”

Hwègbèèlì 5:41

Nà òma iŋgi àpɔ̀rzìtòlò ima wurze ò wòŋgò wòlìya, hwà mà hwɛ ò mɔ̀nyɛ̀ŋgì èhwanja, Lohwɛ̀ à mà hwa wòwa nàa hwatò ema hwa kanɛ̀yi ò lì lùwa erzambò ò nyòla lìinà la ama Yerzù.

2 Kɔ̀rintìyà 5:1

Irzɔ i hwi nanù ema i nyo ja arzu ema jo òhvi anu rze, i gbèyi ndi na mawondo ema i lìya o tenì. Hwa hvàŋgi tɛ maŋga mawondo, irzɔ i hwi ema jo òhvi ndawò o ŋmanyu ya lohwa ema e rza oŋgahwɛ na mòtò wa hwènàmà. Lohwɛ̀ ndi à e oŋgi, ndèŋgànɛlɛ e hwɛ natɛ̀ɛ na o gbìndèyà.

Ɛ̀hvìrzìyà 3:1

Lìtiŋga lìni ema imba Pàwolò na e kanɛ̀lɛ̀lɛ̀. Nà hwèlì ndi e mòtò wa hwèwòwà èhwanja na hwèlì ndi mògbèèlì wa ama Yerzù Krirztò ndeŋga na e ohweyà eyà yà Lohwà.

Ɛ̀hvìrzìyà 4:1

O èŋgànɛ̀lɛ̀ rzɔ imba ema na hwèlì ndi nàa mòtò wa hwèwòwà èhwanja o nyòla èwòlò ema na gbèeya Rzàŋgo, nà è rzòrzòmèyà nanù ema hwɛ̀ɛ̀mɛ̀ hwe anyu hwe hwɛ ndi na oma Lohwɛ̀ a arza, na oma Lohwɛ̀ à mà e hwɛlɛ à mà e lìya.

Ɛ̀hvìrzìyà 6:20

Yerzù Krirztò a no hvɔ̀rzɔ̀ o lì hwɛ e rzuwɛlɛ ya eni o lì ohwa mono Ŋmɛ̀ndì mò Gbamù. Litiŋga lìiŋgi ɔ̀ndeŋgàtɛ̀ na gbèyi ndi naŋgɛ nàa e mòtò wa hwèwòwà. O èŋgànɛ̀lɛ̀ inyɔ e no kànɛ̀lɛlɛ nanù ema Lohwɛ̀ a na ètìrzɛ̀ ŋmèma mo ami, o lì ohwa mono ŋmɛ̀ndì mò gbamù e rzi hwɛ lì oka tɔ̀ wɔ̀ŋgɔ̀.

Hvìlipìyà 1:7

Imba nà àŋgàmɛ̀nɛ̀yi lì ohva manù màlùtèyà o inyɔ hwa arzɛ èhwanja è hwèlì ò ŋmèma mò ami. Tɔ̀ nà oma nà hwèlì ò hwèwòwà, ndèŋgànɛ̀lɛ̀ nà oma nà ohwa hweyà lì hvomɛ̀nɛ̀ ŋmɛ̀ndì mò gbamù, nà ohwa nanù ema mono ŋmɛ̀ndì mò gbamù mò rza enje mòlaŋgà, mò hwèlì ndi è jɔ̀kɛ̀. Lohwɛ̀ à mà jò uŋmɛ̀lɛ̀ irzɔ hwa arzɛ è ndèli yà eni nà oma i mò gbèeyà.

Kòlòrzìyà 1:5

I hwi nanù ema inyɔ è gbeyà ndi nanù ehwànja è mà rzèkeyà mèèmà mè anyu nanù ema è ò lùwa mònàmɛ̀ ema Lohwɛ̀ à mà è ùteya ò ŋmanyu yà lohwà. Inyɔ è mà màa lì hweya hweyà lì hvomɛ̀nɛ̀ moŋgo mònàmɛ̀, è hvonda ema hwa mà lòme lì è ohweyà ŋmɛ̀ndì mò gbamù.

1 Tìmotì 6:19

Hwatò hwa gbèyi tɛ nanù, e gbeyà ndi o a ɛnɛ oma hwa uti ndi mònàmɛ̀ mo awu o ŋmanyu yà lohwà. Ène e hwɛ ndi nàa mɔ̀nɔ̀ŋgɔ̀ ema mo eti, o lì ètìrzɛ̀ kɔ̀yi-kɔ̀yi hweyà ema hwe o jɛ̀ɛ̀ o worzo. Àŋga nanù wɔ̀ hwa o luwa lòŋgɛ la jɔ̀kɛ̀ la kɔ̀yi-kɔ̀yi.

2 Tìmotì 1:16

Nà kanɛ̀ nanù ema Lohwɛ̀ à ùŋmɛ̀lɛ̀ ììlì jà eni ò lìtumba là ama Ònɛ̀rzìhvɔ̀rùrzì, èhwanja à mà hwɛ lì nò ŋgba etèmbè ihvonda jà arzɛ. Mɔ̀ à rzi nò òkanè tɔ̀ ìrzɔnì nanù ema nà hwèlì ò hwèwòwà,

2 Tìmotì 2:9

Ndèŋgàna, èhwanja na òhwèyà hwatò mono ŋmɛ̀ndì mò gbamù, ɔ̀ndeŋgàtɛ̀ imba na taka, natɛ̀ɛ hwa no kaki iŋgɔkɔhwi ò à ɛnɛ oma na hwèlì ndi mòtò ema a undi mbenda. Ndi tɔ̀ mòtò a rza tànɛyi a kaka Eyà ya ama Lohwɛ̀ na ŋgɔ̀kɔ̀hwi.

2 Tìmotì 4:8

O nàŋgɛ nanù, mòrzahwèlì mo hwèlì mo no ambɛ̀lɛ̀, èhwanja nà mà gbèeyà èwòlò na oma Lohwɛ̀ a arza nanù ema e gbeyàhwe. Moŋgo mòrzahwèlì ndi e Rzàŋgo ema e kàyìrzɛ̀ hwatò ò jɔ̀kɛ̀ e no ŋgba o wùnyà wo hwèkàyìrzèlì. Rzeketɛ imba mbiti mɛnɛ ndi à ò ŋgbɛ, à ò ŋgba hwatò hwa arzɛ ema hwa àhvitɛ hwèjèelì hwe eni.

Hibrù 11:16

Ndi tɔ̀ nanù hwà mà lìya o lì ambɛlɛlɛ èki ya gbamù, o èkomè ya ŋmanyu yà lohwà. O èŋgànɛ̀lɛ̀ rzɔ Lohwɛ̀ a rza ohvi ìrzɔnì nanù ema hwa mo hwɛlɛ Lòohwà la awu, èhwanja a hwa rzekelì mbowà ndɛnɛ.

Hibrù 13:14

Jɛ̀ɛ̀ ɛndɛ lì mo ùŋmànɛ̀lɛ̀ aŋga èhwanja irzɔ i rza ohvì mbowà ya mòlìkɛ̀ anù rze ya mɔ̀nyɛ̀. Ndi inyɛ je ika mèèmà me arzu o e mbowà ema è hwɛnì lì jà o worzo.

Hibrù 13:3

È ɔ̀ŋgɛlɛ hwaŋga ema hwa hwèlì o hwèwòwà nàa wà ɛ̀nɛ oma e hwèlì aŋga na wɔ̀. È ɔ̀ŋgɛ̀lɛ̀ hvɛ hwaŋga ema hwa taka o rze ya hwahvɛhvɛ hwatò, inyɛ e hwɛ nàa inyɔ hvɛ e taka ndi na wɔ̀.

Hibrù 9:15

Lìtìŋga lìiŋgi ema lì gbèyi Krirztò o lì hwɛ e mòtò wa ìtììtènì wa yòombò hvènya aŋga nanù hwatò ema Lohwɛ̀ mɔ̀ à hvɔ̀rzì hwa o luwa mònàmɛ̀ ema mo o hwɛ natɛ̀ɛ na o gbìndèyà. Moŋgo mònàmɛ̀ ndi Lohwɛ̀ a ohwi nanù ema a o ŋgba hwatò hwa eni. È kpelì ema Krirztò a ŋwelì, yɔ ndi e gbèyi ndeŋgatɛ ene eyà e gbèyɛ̀nɛ nanù. È kpelì ya eni e ma kɔ̀tɔ̀ hwatò o wòhwe ema hwà mà hwɛ lì gbeyà e hvonda ema yòombò ya mòlòmɛ̀ e ma hwɛ lì hwa kànèyà.

Jèmìrzì 1:2

Ìi wònyàmòwe kòkò, tɔ̀ ima hvonda ema tɔ̀ ima lìtumba la màkekirzɛnɛ ma e uŋmànɛlɛ ye e wowe inyɔ hwiti nàa e lɔ̀wu ya nyo.

1 Pètrò 1:4

Ì hwɛni hvɛ ò lì ambɛlɛlɛ mònàmɛ̀ ema Lohwɛ̀ à mà rzèkeyà hwatò hwa eni. À mà hwa uteya è mɔ̀ ò ŋmanyu yà lohwà aŋga ndi mò rza rzɔ̀mbɔ̀ nà lì hvàŋgeyà.

1 Yòwanìrzɛ̀ 3:2

Wònyàmòwe kòkò, o naŋgɛ nanù irzɔ i hwèlì ndi hwàanà hwa ama Lohwɛ̀, ndèŋgànɛlɛ hvɛ mamɛ ema irzɔ jo ò hwɛ o e ŋmɛlɛ irzɔ i rzi e hwi. Ndì i hwi hvɛ nanù ema Krirztò a jelì tɛ, irzɔ jo ò hwɛ ndi nàa mɔ̀, ehwànja i hwɛni lì mo ɛnɛ na oma mɔ̀ à hwèlì.