Hibrù 10:32 - Mokpwe: Bakwery (New Testament)

³² Ndi inyɔ e rzi hvoŋga na oma e ma hwɛ o hwèwotèlì ema e ma luwe ŋmàye. O eŋge hvonda tɔ̀ nɛ inyɔ e ma luwe mètàkà me ŋginyà e ma kaka mèèmà.

Hibrù 10:32 Mawu Ofanana

Hwègbèèlì 26:18

O wa ò hwa lìhvòhwa mìirzɔ̀ ma awu aŋga nanù hwa anjiya ò ìtììtènì ja jìtìtì, hwa luwa ŋmàye rzìi hwa anjiya ò tenì ya e ŋginyà ya ama Mòkarzɛ̀ rzìi hwa ɛndɛ ò rze ya e ŋginyà ya ama Lohwɛ̀, eŋge eyà e gbeyà wɔ hwa luwa mèlàkìrzɛnɛ ò wòhwe wò awu, rzìi hwa hwɛ èki yɔ̀kɔ na hwatò ema Lohwɛ̀ à mà rzàŋgìrzɛ̀ ehwànja hwa nò lòkɛ̀.’”

Ròmànì 12:12

Inyɛ̀ tɔ̀ ima mòtò a hwɛnɛ mɔ̀nyɛ̀ŋgì na lìhvìtà ema a hwɛni. Inyɛ̀ tɔ̀ ima mòtò a àjùlɛ̀ ò tenì ya mètàkà. Tɔ̀ ima mòtò àjùlɛ̀ ò tenì ya màkanɛ̀.

2 Kɔ̀rintìyà 4:6

Lohwɛ̀ ema à mà ohwa nanù ema, “Ŋmàye mo hvanye o èki ema e ma loma lì hwɛ jìtìtì,” Mɔ̀ ndi à gbèyi moŋgo ŋmɛ̀ndì mo ama Yerzù o lì hwɛ nàa ŋmàye ema mo hvànya o mèèmà me arzu. Lohwɛ̀ à mà jo gbeyà ene o irzɔ hwa arzɛ ema i lòkɛ̀yi Yerzù ene eyà. Lohwɛ̀ à mà gbeyà ndi nanù, aŋga nanù hwatò hwa hwiya nanù ema mɔ̀ à hwèlì wòlìto ò ma hwatò hwà mà hwiya nanù ema Yerzù Krirztò a hwèlì ndi nàa mɔ̀.

Hvìlipìyà 3:16

Tɔ̀ e hwɛ ndi mamɛ, i hwɛni lì oŋgama hweyà ema i ma màa lì hwiya.

Kòlòrzìyà 2:1

Nà lìŋgàni nanù ema e hwiye nɛ imba nà mà ahvahvɛ o lì e gbèeyà na o hwaŋga hwatò hwa e mbowà ndɛnɛ ya Làwòdèrzìyà. Ndeŋgànɛlɛ e hwiye hvɛ nɛ imba nà mà ahvahvɛ o lì gbèeyà hwanɛyi hwatò ema hwa rzi no ɛni na mìirzɔ ma awu.

Hibrù 12:4

È njuma ema e ana o lì jànà wòhwè o lìrzùkù, e rzi uka lìmɛni ema hwa tànɛyi lì e oŋwa.

Hibrù 5:12

Nà ohwa ndi nanù ehwànja, ò nàŋgɛ inyɔ è mà àŋgàmɛ̀nɛ̀ ndi lì hwɛ hwatò ema hwa okòlɛ hwahvɛhvɛ hwatò. Ndi hwa àŋgàmɛ̀nɛ̀ o lì e okolɛ hvɛ, hweyà ema inyɔ̀ e ma màa lì hwiya lì hvomɛ̀nɛ̀ ŋmɛ̀ndì mo ama Lohwɛ̀. È hwèlì ndi nàa mɛɛŋgɛ me hwanà ema hwa arza ndi lì nyɔ̀ŋgìrzɛhwɛ, rzeketɛ mòlelì ema mo eti.

Hibrù 6:10

Lohwɛ̀ à mà gbeyà hweŋge hwèma o ŋgana ema e hvomɛ̀nɛ̀. Mɔ̀ a rza hvoŋga tɔ̀ èwòlò yɔ̀kɔ ema mòtò a gbeye ndèŋgànɛ̀lɛ̀ mɔ̀ à rza hvoŋga e ndìŋgɛ ema mòtò a mo uŋmɛ̀lɛ̀ na oma inyɔ e hwèlì o lì gbèeyà hwahvɛhvɛ hwatò hwa ama Lohwɛ̀.

Hibrù 6:4

Nà ohwa ndi nanù ehwànja hwatò hwa rzɔnjɛ̀lɛ̀ tɛ lìlòkɛ̀ la awu, tɔ̀ mòtò a rza tanɛyi o lì hwa tìmbìrzɛ hvɛ o lì hwɛmɛ wòhwe wò awu o lì timbeya Lohwɛ̀. Nà ohwa ndi hwatò ema hwà mà luwɛ ŋmàye, hwa kèkìrzɛ mònàmɛ̀ mo ama Lohwɛ̀, ndèŋgànɛ̀lɛ̀ hwà mà luwa èlìŋgɛ̀ yà wòtani nàa hwahvɛhvɛ hwatò.

2 Yòwanìrzɛ̀ 1:8

È hwɛ rzɔ ndi ò lì aŋgòwa, è rzi jà lì hwɛ ema è wɔ̀lɛ̀nɛ̀ mamɛ yà arzɛ ema è mà tàkeyà. Ndi è hwɛnì lì lùwa etàŋgì yà anyu yà arzɛ.

Hwèwulùwèlì 2:5

Ò eŋgànɛlɛ rzɔ, inyɔ hwiti è ɔ̀ŋgɔ tɛ è ŋgànà ema inyɔ hwiti è kpɛ̀lɛ̀lɛ̀yi. È hwɛmɛ hwɛ̀ɛmɛ̀ hwe anyu hwe wòhwe è wòteyà lì gbeyà hweyà ema è mà hwɛ lì gbeyà è hvonda ema è mà wòteyà lì oŋgama Yerzù. È hwèlì tɛ nanù ema inyɔ e rza hwɛmi tɛ hwɛ̀ɛmɛ̀ hwe anyu hwe wòhwe, eŋge ŋgànà e hwèlì ndi nanù ema imba na e jèeya rzìi na e ulɛnɛ e mboko ya anyu ya etùlù o èki ya eni ema e tɛ̀mɛ̀.

Hwèwulùwèlì 3:3

Ò eŋgànɛlɛ rzɔ, è ɔ̀ŋgɛ̀lɛ̀ hweyà ema inyɔ è mà okowe nà è hwèyɔ̀ ema è mà hwèye, è hwe ika ndèŋgànɛ̀lɛ̀ è ayèŋgowɛ̀ ò wòhwe wò anyu. Ndi inyɔ è rzi imowì tɛ, imba nà ò jà ndi nàa ŋmìhwɛ, ndeŋgànɛlɛ è rza ò hwiya è hvonda ema nà ò jɛ̀ɛ̀.